Kabhi na kabhi to ap ko apne maazi se agay barhna he parta hai bas farq srif itna hota hai ke koi jaldi cheezon ko qubool (accept) karna seekh leta hai or kisi ko dair se ehsaas hota hai. Agar hum apne maazi se agay nahi barh paye to ye aagh, ye toofan humein apne andar daba leti hai, jazb kar leti hai or andar hi andar humein khaye jaa rahi hoti hai or phir ahista ahista humare anay walay kal ko jala kar rakh kar deti hai. issay pehle ke bohat dair ho jaye or humein pashtana pare to kiun na hum khud ko azaad karein. Apne dard se, apne maazi se, unn logon se or unn yaadon se. Kisi bhi cheez ko khud se band kar nahi rakhna chahiye warna dheere dheere ghutan honay lagti hai. Or ye ghutan dil pe bhoj ban ke reh jaati hai. Har ehsaas waqti hota hai. Insaan apne aap ko parinda tou samajhta hai lekin khud ko apni hi soch or apne hi maazi ke pinjrey main qaid kar ke rakh deta hai. Insaan aksar ye bhool jata hai ke jab tak wo khud ko apne maazi se azaad nahi karega, woh kisi bhi maqsad main urran nahi barh sakey ga, agay nahi barh paye ga. Kisi mitti ke putlay ke liye apne ap ko qaid karna bewaqoofi hai. Agar sukoon chahtay ho to sab se pehlay khud se pyar karo, khud ko azaad karo. Dillagi main srif Rab ki zaat se hi sachi lagan hoti hai baki sab waqti hai, ek din guzar jaye ga.
YOU ARE READING
One Shot Collection
Non-FictionHighest Rank : #3 in Roman Urdu (8th September 2021) poetries and one shot non fiction writings. writings are both in English & Roman Urdu. every piece of writing is different from another and have no link or connection to each other. all the writi...
