فصلية الشيخ عصام

البارت الاول فصلية الشيخ عصام

هلو بنات شلونكم هذا ملخص للقصة اتمنى تعجبكم

اسم البطلة جنى عمرها 18 سنة يتيمة الام عايشة ويه ابوها وزوجت ابوها وما شافت من زوجة ابوها بس الذل والعدوانية

اسم البطل الشيخ عصام ابن شيوخ ودكتور من تخرج ولزم الوضيفه وصار دكتور معروف عاش بغداد هو صح ابن الجنوب وصعب ودمه حار وعصبي بس بنفس الوقت عنده قلب حنون ويحب يسعى ويتعب للي يريده ودائمنا يحقق نجاح ويوصل الحلمه جان حلمه من الطفولة يصير دكتور وهسة هو احسن دكتور وابن شيوخ واله احترامه وشخصية كل بنت تتمنى يصير من نصيبهة

ويوم من الايام القدر يلعب دوره ويصير حادث

وبسبب هذا الحادث جنى تروح فصليه العصام

هذا ملخص سريع للقصة خلوكم مع القصة وعيشو احداثة المشوقة وان شالله اگدر اروي لكم القصة بطريقة حلوة وتعجبكم القصة فيها احداث فيها فرح وظلم وحزن لاكن الحب بالاخير ينتصر على كل الصعوبات

البارت الاول من قصة فصلية الشيخ عصام ذهبت فصلية مجبرة عليه لاكني عشقته فصلية عاشت حياتها مضلومة هل سوف يتغير حالها من بعد ذهابها الى بيت زوجها الذي جبرت عليه

هلووو اني جنى عمري 18 سنة طولي 157 عيوني اخضر على عسلي بشرتي بيضة طالعة على امي الله يرحمهة هيج الكل یگول اني جنت طفلة بعمر سنة من توفت امي وما اتذكر غير بس صورة وحدة وهي اني وامي كانت تحملني بحضنهة هاي كانت الذكر الوحيدة كنت اتفرج على الصورة كل يوم وابجي ومن بعد ما وعيت على الدنيا لگیت زوجت بابا هي الي
ربتني وعيشتني اسوء ايام بابا دائمن يسافر هو تاجر وما يتواجد وهي الي تدير البيت حتى مدرسة ما خلتني اكمل وبناتهة هسة يدرسن اني صف اول متوسط وظلت تحجي براس بابا لحد ما گعدني بحجة درجاتي وهي كانت السبب ما تخليني ادرس تشغلني النهار كله وابقى سهرانة وحتى صرت ما اركز بسبب التعب يوم عن يوم صرت اتعب نفسية بس محد يقدر ويشيل عني ولو بكلمة بسيطة حتى اخواتي الي هم من مرت بابا اثنین زینت ونور توئم جانن صديقاتي واني . اكبر منهن ب 3 سنوات جانو يحبونی بس بسبب امهم بعدو عني صح عندي اختي واخوي من امي اختي تزوجت وما شفتهة كان عمري 7 سنوات وهي 15 سنة تزوجت وما عاد رجعت بسبب معاملة مرت بابا الهة واخوي علي راح عاش عد بیت عمو وكل ما يجي يصير حجي ومشاكل بينه وبين اخوي حسن ابن مرت بابا هي الي تحجي برسه تكله لا تخليه يدخل للبيت خاف يتقرب البابا وينطيه من املاکه طبعن ابوي عنده املاك وافلوس ووضعه المادي كولش زين بس للاسف ما شفنه منه شي حتى ملابسي الي البسهن ملابس مرات بابا القديمة ولئن اني حلوة ما تخليني البس ملابس بنات الي بعمري خاف اتزوج قبل بناتهة كل يوم انام واني ابجي على حظي ليش شنو الي سويته حتى اتعاقب هیج رغم انحرمت من حنان الام يصير الظلم والمشكلة بابا ما يصدگ بكلامي وهي عاميه عيونه وما تخليه يشوف الحقيقة كل يوم اصلي وادعي اخلص من ظلم مرت بابا وبناتهة ويوم عن يوم يزيد الحمل عليه واخوي حسن عمره 17 سنه اصغر مني بسنة ابد ما يحبني ولا يحترمني وبس يصيح عليه رغم بيناتنه سنة هو اول طفل البابا من بعد وفاء امي امي تصير بنت خالة بابا اتزوجهة عن خب بس للاسف ماتت نسه كولشي حلو جان يجمعهم حتى اطفاله اني واختي واخوي علي ما عاد يهتم بينه صح کنت صغيرة بس من كبرت وحدة من عماتي سولفتلي شلون كان يموت على ماما بس للاسف من اتزوج بنت عمه الي اجتي على طمع الله اعلم شنو مسويتله حتى عاميه عيونه خلتني عايشة مثل الخدامة محد يحترمني بس من يكون بابا موجود تصير دللني وحتی تنطینی ملاابس مرتبة ومن يروح ترجع مثل ما كانت طبعن راح تتسألون ليش ما احجي البابا او العمامي للاسف الخوف مسيطر عليه وهي جانت تهددني من جنت طفلة صغيرة تضربني وتأذيني وتهددني اذا احجي تذبحني وصار الخوف مثل ي عايش بداخلي يتحكم بيه حجيتلكم عن بعض الأمور عني وراح تتعرفون عليه اكثر من تعيشون احداث قصتي واهواي بنات كانو ضحية المرت الابو طبعن مو الكل البعض من نسوان الاب الي ما عدهم ذرة من الرحمه قصتي رسالة الكل البنات لابد من يوم يتغير حالنا الى الافضل بس انتو امنو بالله هو مغير الاحوال جنى / جنت گاعدة انضف بالبيت كالعادة اجتي مرت ابوي
ام حسن / لج هييي بنت الحقيرة اجاي تسوين اكو حيوانة تعوف المي يجري برة اكيد ترديني اوگع وانکسر تردين تخلصين مني اليوم اني اربيج على ايدي شو تعالي جنی / آي شعري عوفيني اني شسويت الله يخلیج فلتي شعري جاي تأذيني حرام عليج الي جاي تسويه ارحميني ام حسن / وانوب تعلميني شنو الصح وشنو الغلط اي اكيد طالعة على امج عنيدة وراسج یابس روحي الله ياخذج مثل ما اخذ امج وخلصنه منهة
جنی / آخ راسي لج ماما تعالي شوفي بنتج اجاي يصير وياهة الج ماما من بعدج انذليت حتى ما اتذكر ملامحج من بعد ما الزمتني من شعري وظلت تضرب بيه دفعتني للارض وراحت واني بقيت ابجي واحجي بيني وبين نفسي جنت اخاف احجي وخصوصا من اذكر امي گدامهة جنت وحدي بالبيت بناتهة بالمدرسة وابنهة راح ويه اصدقائه وبابا مسافر كم يوم وهي راحت للسوق ووصتني انضف ما ادري نسيت خرطوم المي مفتوح بالحديقة وشوي مبلل الكراج مال البيت وهي تريد بس تتحجج حتى تضربني الله يكسر اديهة مسلمتهة بيد الله هو الي يآخذ حقي منهة گمت كملت شغلي ودموعي تصب وسويت غدة صبيتلهم اكيد هي ما تقبل اگعد وياهم اگد بالمطبخ اكل وحدي الحمدالله على كل حال الله على الظالم ومن كملو غدة غسلت المواعين ومن بعد ما نامن اني رحت الغرفتي الصغيرة طلعت صورة ماما الي اضمهة جوة السرير حتى ما تشوفهة مرت ابوي اخاف تآخذ اعز ما املك هي الذكرى الوحيدة من ماما للعصر سمعت صوت صريخ مرت بابا . واخواتي زينب ونور واصوات عالم هوسة فزيت خايفه اريد بس انزل واشوف شنو الصایر جنت خايفة على بابا نزلت وكفت

اذا لگيت تفاعل راح اكمل القصة هذا بارت قصير