فصلية الشيخ عصام

البارت السادس فصلية الشيخ عصام

مروة / اتخبلت  😠من سمعت هاي الفصليه شلون تحجي عن عصام هاا لا اريد اروح للحمام انتي روحي واني اجي وراج

جنی / صعدت انزلت الملابس واني جاي انزل لگیتهة 😩 گدامي عفتهة وجاي انزل بعدني اول بایه اجتي هاي الحيه وراي انفجأت شصعدهة گتلهة  هاا خير شرايدة 😒وليش صاعدة اهناا اعتقد انتي جاية على حنان وحنان جوه

مروة /لا لا حبي انتي غلطانة اني 😈 اجيت اشوف حبيبي عصام يااا بس لا   محجالج عني اي اكيد لئن انتي ما تهميه وما معتبرج زوجته اني وياه بعد فترة من يطلگج راح يتقدملي ويسويلي عرس مو مثلج جاباج فصليييية ههههاي

جنی / انجبي  😡حقيرة احترمي نفسج ولا تظلین تلفقين حجي على زوجي هو ما راح يتركني وراح يحبني الي اني مفهوم

مروة / منو🤬 تنجب دروحي حقيرة اني اعلمج ما اعرف شلون فقدت اعصابي  بسبب كلامهة وياي دفعتهة  وگعت من الدرج اني ركضت ختلت على السريع

الشيخ عصام / فزيت 😨على صرخة قويه ركضت لگیتهة واكعة بالصالة وفاقدة الوعي والدم ينزف منهة اتخبلت ما شفت گدامي لج جنی گومي افتحي عيونج لا تعوفيني

حنان / جنت گاعدة اني وامي بالغرفة ومروة اتأخرت اول ما طلعت من الغرفة سمعت جنى صرخت 😲باوعت لكيتهة واگعة ركضت اشوفهة واجه اخوي وماما ظلت بس تصرخ وتلطم

مروة / من دفعتهة ركضت للسطح گلت خاف احد يشوفني ما جنت اقصد اوگعهة بس هي استفزتني من تجاوزت عليه وخصوصا من بقت تحجي بكل ثقة جنت حيل خايفة بس لا ماتت هسة اني شجابني شورطني لو باقية بيت اهلي ولا متورطة شلون اذا ماتت ربي دخيلك لا تموتهة

الشيخ عصام / حنان جيبي عبايه غطيهة خلي اخذهة بسرعة استعجلي راح تروح من ايدي اخذتهة اني وامي طول الطريق اصيح اريدهة بس تفتح عيونهة ماكو جنت احجي مثل الخبل الج جنى اكعدي الله يخليج افتحي عيونج واول ما  وصلت المستشفى دخلوهة الغرفة العمليات بعد ما كشفو عليهة گالو عدهة نزيف داخلي ولازم عمليه بأسرع وقت لئن اذا طولت اکثر احتمال نخسرهة دخلت للعمليه وورة نص ساعة اجو عمامي سمعو بينه بالمستشفى واخواني وابوي اجه و  المستشفى انخبصت خبص اني ما اشوف گدامي فقدت اعصابي طولت ساعتين العمليه وطول هاي  الساعتين اني گاعد على نار انفتح الباب ركضت للدكتور هاا دكتور شلون صارت حالتهة طمني على زوجتي

الدكتور / للاسف المريضة دخلت غيبوبة احنه وكفنه النزيف بس ادعولة تصحی احتمال اطول واحتمال نخسرهة ما نعرف شنو الجاي لازم تتوقعون اي شي لئن وضعهة حرج الضربة براسهة اذا رجع النزيف راح نخسرهة

الشيخ عصام / اني من سمعت هذا الكلام انهاريت شننو انته واعي على ابكلام الجاي تحجيه لا لا هي ما بيه اي شي اريد اخذهة الغير مستشفى عوفوني اريد اشوفهة اكيد راح تكعد من تشوفني اريد ادخل اشوفهة