فصلية الشيخ عصام

البارت السابع من قصة فصلية الشيخ عصام

حنان / من شفت اخوي تعبان عيونه ذبلانة ولحيتهة طولانة ووجه تعبان کسر خاطري ما اريد احجي واحرك گلبه خصوصة اني عندي دلليل مجرد شك ماكو اي شي يثبت كلامي يمكن اکون غلطانة گلت خلي اسكت واكيد من تصحى جنی راح تحجيلنه الي صار وياهة راح اخوي وبقينا ننتظر اني وامي لليل رجعنه وراح اخوي المكانه صارت روحه اهناك حتى من يجي ما يرتاح يريد بس يرجع رغم هي بعدهي بغيبوبة اووف الحب شيسوي ربي يجبر بخاطرك

الشيخ عصام / جنت گاعد افكر اهلهة ما يعرفون شصاير ويه بنتهم وهي من بعد ما اجت ما شافتهم ولا حجت وياهم واني ما صارت الي فرصة اجيب ارقامهم هسة اذا اخذت ارقامهم و اتصلت اكيد راح يفكرون اني او واحد من عائلتي سوينه هيج حتى ننتقم منهم طول هاي الفترة اني تعبت نفسيتي ادخل احجي وياهة 10 دقائق لئن مايقبلون احد يدخل للعناية المركزة وقت طويل والايام تمشي وهي بعدهي مثل ماهي جنت مقرر بس تستعيد صحتهة وتصحى راح اتزوجهة رسمي راح اعقد عليه بالمحكمة وحتى عرس راح اسويلهة راح احقق الهة كل حلم جانت تحلم بيه اخليهة تلبس البدلة البيضة مو مثل اول مرة لبستها الثوب الاسود و طول هاي الفترة اخطط اريدهة تصير الي ما اريد اخسرهة بعد ما اريدهة تبعد عني اريد اخذهة بحضني اريد احبهة انسيهة المرت بيه ما اريد احرمهة من اهلهة ما تستاهل أذيهة بس ياريت ترجعيلي بأسرع وقت گلبي طگ عليج يريدج يا بنت گلبي انتي

بعد مرور شهر و اسبوع

حنان / جنت گاعدة اصلي صلاة الفجر وادعي صرت كل يوم ادعي ربي يرجعهة النه بدينه نفقد الأمل مر وقت طويل وجنی بعدهي بغيبوبة اووف يا ربي احفظهة من كل شر

في مكان اخر بیت ابو علي

نور / اكلج زینب هسة شصاير ويه جنی شلون عايشة وياهم شنگولين يأذوهة يضربوهة ينطونية اكل لو جاي يعذبوهة شصار وياهة هاي الفترة معقولة نستنه وبعد ما راح نشوفهة

زینب / ما اعرف خطيه ما شافت يوم حلو بحياتهة انحرمت من امهة بالطفولة وهسة انحرمت من ابوهة وعائلتهة ولو ما جان عدهة عائلة تحبهة وتحترمهة احنه اذيناهة وما انطيناهة حقهة

ام حسن / خير شكو عيني منين اجتجن الحنيه عليهة ايطبهة مرض هاي بنت سهاء الحيه اخذت ابوكم مني جنت احبه بس ما اهتم الي وراح اتزوج بنت خالته وشوفو شصار وياهة ماتت واطفالهة تشردو الله اليعلم شصاير ويه بناتهة وابنهة حتى ورث ما راح يحصل ههههههه كله راح اني اخذه الابني حسن

زینب / ماما حرام عليج هيج تحجين شنو ذنبهم بیش اذوج حتى تتصرفين هيج وياهم

ام حسن / والله ما ناقص غير انتي تجين تعلميني وهاي شوفي ابوهم مريض وهم كل واحد بمكان واني راح اقرر شنو اسوي وياهم والله اله اخليهم ينحرمون من خير ابوهم مثل ما اني انحرمت بشبابي من هواي امور وأولهن الزواج بقيت ما متزوجة لحد ما ماتت امهم جان مخليني بخانة الاحتياط ما يهتم الي بس اله اخذ حقي من كل واحد منهم