فصلية الشيخ عصام

البارت الرابع فصلية الشيخ عصام

جنی / اسفة موو بقصدي اعتذر

الشيخ عصام / احم يلا ما صار شي مرة ثانيه انتبهي

جنی / اووف مني ليش دایمن اني عوبة انوب صوته يخوف شلون راح اخلص عمري وياه حجه كلمتين وراح للحمام اني سشورت شعري ولفيته وقبل لا يطلع لبست حجاب ونزلت اشوف اذا محتاجيني لگيت خالة الحنونة صبحت عليهة ورحت اساعدهة بالريوگ

ام ماهر / هلا بيج يمه صباح النور تعالي لا تستحين ولا تخافين محد راح يأذيج اهناا يبنتي .

جنی / خالة اسفة ما صارت فرصة اگولج البقيه بحياتج وهمات اعتذر لئن ما نزلت البارحة للعشه بس جنت کولش تعبانه ما اتقصد اتصرف هيج والله مو من طبعي

ام ماهر / لا يا بنتي ماکو داعي تعتذرين وانتي حقج بعدج ما تعرفينه واني يا يمه اعتذر على التصرف الي تصرفته مرت حماي وبتهة بحقج يلا خلي نكمل لئن ابو ماهر متعود اسويله ریوگ من وكت

جنی / ماشي خالة اني رح انقل الاكل للطاولة جنت اريد التفت وجان اشوفه واگف يم باب المطبخ هذا اشوکت اجه سویت روحي ما مهتمة وكملت نقلت كل الاكل للصالة

الشيخ عصام / نزلت وبالصدفة اسمع كلامهة ويه امي شگد مؤدبة ومحترمة اني البارحة من ما نزلت حقدو عليهة وگلت بگلبي اكيد هاي وحدة شايفة روحهة وما تريد تنزل تگعد ويانه بس اليوم ثبتتلي العكس فرحت بكلامهة واحترامهة الامي

جنی / خالة اني حبقى اكل اهناا انتو اخذو راحتكم

ام ماهر / ليش يمه تعالي اگعدي ويانه انتي مو غريبة

جنی / لا خاله ما اريد ازعجكم يمكن البعض منكم ما يريد يشوفني حسيت اخواته الباقيات ما عاجبهن وجودي وينضرلي نضرات احتقار بس ما حجن اي شي وياي بس من ابعيد لبعيد حتی ما اشوفهن ومن البارحة انضربت ما طلعن من الغرفة ما اعرف ليش

ام ماهر / لا يمه اذا تقصدين على مرت حماي هي وبتهة اليوم راح ترجع البيتية وهي ما الهة دخل هذا بيتنه واحنه الي نقرر منو يگعد ويانه وحمواتج ام ایسر وام عمر اليوم راح يرجعن البيتهن وانتي مثل ما شفتيهن ما حجن وياج وما ضوجنج بحجايه يلا حبيبتي تعالي الخاطري

الشيخ عصام / الكل جان موجود اله هي صار عندي فضول رحت بحجة اغسل ايدي وسمعت حجيهة بس اريد اعرف ليش مرت عمي ابو محسن شمسويه الهة رجعت گعدت وهي ورة شوي اجت گعدت مقابيلي

جنی / ورة ما حجت وياي خالة أم ماهر رحت گعدت انوب حضي خلاني مقابيله وهو بس يخوزر اني حتى الاكل ما اشتهيته رغم میته جوع لئن البارحة ما أكلت خلصتهة بجي ما شال اعيونه عليه احسه يراقبني لو ما خالة أم ماهر ظلت تحجي عليه ما جان اکلت انوب الگمه توكف ما تنبلع وياي من التوتر وهاي الثانيه هي وامهة يردن ياكلني بنضراتهن خلصت اكل اصلن ما اكلت بسبب الخوف استأذنت ورحت للمطبخ عزلته وبلشت اغسل مواعين واجتي حنان ساعدتني انوب اجتي هاي البنت وكفت بالمطبخ بس تتفرج