ابو ماهر / يلا بويه خليني ادخلج يم النسوان لئن عیب تظلين واگفه بالباب والناس تتفرج امشي گدامي
جنی / هزيت راسي لئن احس الساني انعقد من الخوف ما اعرف ليش احس گلبي انعصر وجسمي كله يرجف اسحل بروحي سحل وصلت الباب المطبخ الرجال صاح على النسوان الجوه گاللهن دخلنهة جوة
اجتي مرة حسب ما سمعت ام محسن هيج الرجال حجه وياهة اكلتني بنضراتهة وجنهة شايفة شي مقرف تنضرلي هيج ووجهة ما يبشر بخير تركني الرجال وراح من بعد ما اتأكدت بعد الرجال جرتني من ايدي وسحبتني للصالة وشمرتني بالكاع وظلت تسب وتغلط واشكال الحجي وبعدين اجتي بنيه بعمري تقریبا لزمتني من شعري وظلت تضرب بيه هي وهاي المرة السحبتني ظليت اصرخ أريد بس احد يجي يخلصني من اديهن التفتت وجان اشوف مريه تجي بگد مرت بابا بس وجهة تعبان ومبين عليهة مكسورة صاحت عليهن بصوتهة المبحوح بسما اهتمن الهة اجتي وسحبتني اني ختلت وراهة واتمسكت بيهة حسيت بالراحة واني اختل وراهة واشم عطرهة مثل عطر بيبي اسمع صوتهة خطيه مبحوح بالگوة تحجي
ام ماهر / ليش شنو ذنبهة يعني اذا ضربتنية راح يرجع ابني عامر نور عيوني ابني عمره ما ظلمله بشر واكيد ما راح يرضه بالظلم
جنی / هاي المرة جانت حنونة مبين عليها تعبانة ورة ما حجت وياهن صاحت على بنيه تصير بگد اختي زینب تقریبا اجتي گالتها تعالي اخذي مرت اخوج الغرفتهة اباوع على هذيج البنت الي ضربتني فتحت عيونها على وسعهن وكأنو ما عجبها الكلام
حنان / اتفضلي وياي خليني ادليج على غرفتج
جنی / مشيت وي هاي البنت صعدت وياهة للطابق الثاني طبعن بيتهم كولش ضخم غم بيتنه الي جنت عايشة بيه جبير بس اهنا احس روحي اذا اريد ادور على احد اضيع وصلتي الباب الغرفة وگالتي تفضلي هاي غرفتج
جنی / مشيت وي هاي البنيه صعدت وياهة للطابق الثاني طبعن بيتهم كولش ضخم غم بيتنه الي جنت عايشة بيه جبير بس اهنا احس روحي اذا اريد ادور على احد اضيع وصلتي الباب الغرفة وگالتي تفضلي هاي غرفتج
حنان / حياتي اخذي راحتج ادخلي اسبحي واني راح اجيبلج ملابس من عندي ولا تخافين محد راح يأذيج اهنا يلا ارتاحي لئن هسة راح يجي السيد علمود يعقد لج انتي واخوي الشيخ عصام
جنی / شكراً حبيبتي بس ممكن اعرف شنو اسمج اني اسمي جنى
حنان / اني حنان الاخت الصغيرة بالبيت عندي ثنين اخوات اكبر مني متزوجات
جنی / حلو اسمج عاشت الاسامي حبيبتي يلا حياتي اني استأذن مبين عليج تعبانة نحجي غير وقت ونتعرف على بعض اكثر ان شاءلله
حنان /لا حبي عادي تعبج راحة ماشي حبي حروح لئن ماما جاي تصيح عليه وانتي حضري روحج
جنی/ دخلت للغرفة شفت سریر مرتب والغرفة معطرة وباردة مشتغل بيهة مكيف والترتيب والنضافه تجنن دخلت سبحت وطلعت بالبرنص بس شنو گلبي انمرد مرد ظليت أمشط بشعري وابجي شلع گلبي بسبب هذيج المرة الله لا ينطيهة هي والبنت الوياهة گطعن شعري وحتى وجهي شاخطاته
أنت تقرأ
فصلية الشيخ عصام
Randomقصة تتحدث عن فتاه تعيش مظلومة ويتيمة الام تعذبها زوجة ابوها لاكن القدر ينصفها رغم انها تذهب فصلية ليس مثل الفتيات الاخريات لاكن تتغير حياتها
