فصلية الشيخ عصام

اصعب يوم في حياتي

البارت الثاني من قصة فصلية الشيخ عصام

شنو الصایر جنت خايفة على بابا نزلت وكفت في زاوية بالصالة واسمع عمامي واخوان مرت بابا اصواتهم تتعالی ويكولون الولد مات وبعد وقت عرفت اخوي حسن داعم ولد والولد میت واهله يردون يأخذون ثار ابنهم اني اهنا انجنيت رغم ما شفت الحب منهم بس انقهرت على اخوي حسن وخفت عليه خطيه بعده شاب وصح هو طايش بس كله بسبب امه هي الي خلته يصير هيج متهور بسبب دللالهة الزايد عن حده لليل راحو عمامي وصارت گعدة بين العشيرتين واحنه ننتظر بفارغ الصبر اجو عمامي ووجوهم ما تتفسر

ابو کاظم / شوفي خويه ام حسن احنه سوينه العلينه وقمنه بالواجب وتصرفنه لئن اخوي ابو علي مسافر وبعد كم يوم يرجع اني انطيته خبر بس للاسف ماكو طيران هاي الفترة بعد 3 ايام يجي واهل الولد اکید ما راح يسكتون
ام حسن / ایي وهسة شنو الي طلبوه اذا افلوس انطيهم حتى لو ابيع البيت والذهب كله بس ما اضحي بأبني الوحيد
ابو کاظم / اكيد طلبو فصل فلوس وفصليه لازم وحدة من اخواته تروح فصليه او ما راح تخلص هاي القضيه ويظل الموت يجر بينه واحد ورة الثاني
ام حسن / مستحيل انطي بناتي بعدهم صغار شنو انتو واعين على الي جاي تحجوه لو على جثتي ما اضحي بناتي
اخو ام حسن ماجد / اگول ابو كاظم ليش ما ننطي بنت اخوك جني هي جبيرة ومثل ما تشوف نور وزينب بعدهم صغار وهي الوحيدة الي راح تخلصنه من هاي المشكلة
ام حسن / اي خويه ابو كاظم 😌صح كلام ماجد والله هي الوحيدة الي راح تخلصنه

جنى / جنت اسمع كلامهم 😭ودموعي تصب ليش الكل يستهان بيه ليش اني هيج ما الي مكان بقلوبهم جنت کاعدة جوه الدرج واسمع كل كلامهم والي صدمني اكثر من عمي ابو كاظم وافق على طلبهم اتمنيت اموت واخلص من هاي الدنياء الي ما شفت منهة غير بس الهم والحزن

ابو كاظم / عمو زينب صيحي اختج جني خلي تجي

زینب / حاظر عمو رايحة اناديهة

جنی . / اجتي زينب وگالتي تعالي عمو پريدج بس جانت عيونهة حزينه اول مرة احس بيهة مقهورة عليه يمكن عرفت راح تفارقني والله اليعلم اذا بعد اگدر ارجع اشوفهم

ابو کاظم / عمو جنی تعالي رايدج بموضوع مهم

جنی / رحت العمو واني اسحل برجلي😞 سحل حتى حيل ما ظل بية من كثر القهر والحزن تعبت ملیت اريد اموت واخلص ماما اخذيني يمج وخلصني احجي بيني وبين روحي واني امشي اريد بس اوصل ربي خلصني من هاي الحياه

ابو کاظم / شبيج عمو 🥺ليش وجهج اصفر وعيونج حمر شبيج جنتي تبجين حبيبتي لا تخافين والله لو بيدي ما جان انطيتج بس مجبورين اذا ما ترحين انتي راح يقتلون اخوج وراح يبقى الدم يجري وما يخلص القتل

جنی / حاظر عمو الي تشوفوه انتم اني مستعدة اضحي بروحي💔 بس کون انتو بخير واخوي يبقى سالم وما يتأذة جنت احاول اكون قويه