يوم جديد وهادي وصوت العصافير وأغنيه أم كلثوم انت عمري
تتجهز هند لدوام وهي رايقه أو نقول تحاول تكون رايقه
لبست ملابسها وهي تدندن مع لأغنيه ناظرت عقد أمها
تلبسه دايم ياليتك ياماما موجوده وتشوفين بنيتك دكتوره
سمعت صوت الساحره أماني زوجت ابوها ..
أماني : هند وينك فيه يابنت ؟ ( بعصبيه )
هند نزلت وهي تقول : صباح الخير ( ابتسامه )
هنا أماني بتموت من الغيره لأن هند جمالها ماينوصف لأن أمها
لبنانيه فماخذه جمال أمها ..
اماني : أي صباح يالمهبوله انتي
هند طنشتها وحضرت الفطور صحي أبو هند عزام
عزام : صباح الخير وجلس على سفره
اماني : صباح نور ياقلبي انت
هند ضحكت على الغزل شكلها يضحك
عزام : وشفيه يابنت تضحكين ( بحاجب مرفوع )
هند : ولاشي يا بابا تذكرت شي يضحك بس
اماني تخازر هند ومقهوره منها غيره مو طبيعيه
هند : تأخرت على دوامي يله سلام ( وراحت)
** هند ماتلبس عبايه وكان الكل منتقدها يقولون عيب **
كانت تمشي رايحه للمستشفى صادفت حياه صديقتها المجنونه
حياه : ليش مامريتيني يالخاينه ( تضرب راس هند )
هند : مالي خلق ثرثرتك بعد اماني ( وهي منفسه)
حياه : عطيها كف على عينها ذي الحيه ( توصف كيف تعطيها كف)
هند تضحك على شكلها
المهم دخلو المستشفى وكل وحده راحت لشغلها هند وصديقتها حياه
في مكتب واحد وهم جالسين في مكاتبهم مر من قدامهم
واحد لابس لبس دكاتره بس أول مره يشوفونه
حياه : منذا شفتيه ؟
هند : اي شفته بس شكله دكتور جديد ( مستغربه )
دخل عليهم وسلم وقال : ممكن أدخل
هند : تفضل أنت دكتور جديد ؟
: أي جديد بس حاب أسألكم من فيكم دكتوره هند ؟
هند : انا وش بغيت ؟
: بس ممكن أكلمك على أنفراد ؟
هند : اوك تفضل
ودها ورا المستشفى على اساس موضوعه خاص وهي اصلا خافت منه ومن طريقته في الكلام
هند : ممكن اسمك ؟
: مصلح
هند : تفضل وش موضوعك ؟
مصلح : فيه واحد مصاب رصاصه في بطنه تعالجينه ولك مليون ريال
هند : بدون فلوس يعالجه جبه لي ( بأستغراب)
مصلح : يادكتوره هو مايقدر يجي لان اخوه صوب عليه واذا جبناه هنا بيسجنون اخوه فهمتي
هند : طيب متى ؟
مصلح : أللحين اذا ودك
وافقت وراحت معه في سياره اسعاف شافت المكان ألي موديها له مهجور
هند : لوسمحت فين موديني ؟
مصلح : وصلنا ( برود يخوف)
نزلت وشافت بيت فيه مسلحين وحرس من كل مكان
ثقل نفسها وناظرت في مصلح وهو ينزل مع طاقم لاسعاف
دخلت وشافت المصاب وكان ينزف ساعدته ونزلت لرصاصه
وراحت تغسل يدها فجأه سمعت رجال يتكلمون
: كم بعتو اليوم هروين ؟
: الخير واجد طلعو زباين جداد
: ذبحتو ابراهيم الخاين
: اي ذبحناه ( يضحك بطريقه تخوف )
هند عيونها بتطلع من صدمه حست بنفس وراها
: كل ألي سمعتيه المفروض ماتسمعينه ياحلوه
