عند مصلح ورشاش وصلو ومالقو احد استغربو
رشاش : مصلح الحريم مو موجودين
مصلح : يمكنهم مع العيال لان المواتر موجوده
وصلو العيال وجههم تعبان وخايفين من مصلح.
مصلح : فين الحريم ؟
ناظرو في بعض ولا احد قدر يتكلم
مصلح : خير ماتردون ( بصراخ)
سلطان : انحاشو
عمر : حاولت اوقفهم بس ماوقفو ركبو مع واحد وراحو
رشاش: فين قابلتوهم ؟
عمر : شفتهم نازلين من المحطه القريبه من هنا
رشاش : كنا فيها ماشفناهم
مصلح : انتو بتقنعوني انكم رجال ليه ما وقفتوهم ( بصراخ وعروق واضحه )
رشاش : حريم يقدرون عليكم
علي : هين والله لأصيدهم و لاذبحهم ( عصب )
رشاش : أنطم انت سلاحك كان مع حياه امس وانت فاغر ( يهزء علي)
علي : كنت حاس انها هي سرقته
مصلح : اجمعو لاغراض معاد لنا قعده في البر بسرعه بيبلغون علينا شرطه ( بصراخ )
ركبو المواتر وحركو ...
عند البنات وصلهم الرجال لبيت هند دقو الباب فتحت لهم اماني ..
اماني : خير وش تبين ابوك لو يشوفك بيذبحك
هند : تكفين خلينا ندخل بيذبحونا ( تبكي)
اماني : شوفيني نبهتك ابوك بيذبحك انقلعي
حياه : وليش بيذبحها كله من ورا راسك وافكارك السامه
اماني : انتي بذات مو متربيه
حياه : صدق والله اوريك تربيه صح يابنت الكلب
حياه هجمت على اماني وتسحبها من شعرها وتصفقها هند ساعدتها صارت اماني فزاعه من شعرها المنفوش
حياه : كان بخاطري امسح خشتك من زمان في القاع ( تنفض الغبار من ملابسها هند تبتسم على شكل حياه وحست بأمان معها )
مشو البنات لبيت حياه دخلو وسكرو عليهم نامو من تعب ..
عند العيال راحو لبيت مهجور كان لتسليم البضايع على عهد سعيد وبعيد عن لانظار ناس
مصلح : احنا هنا في امان أللحين
رشاش : ابن امه يلقنا
جلسو الباقين متوترين في صاله ناظر سلطان فيهم وقال
سلطان : احس مالي وجه اناظر في مصلح
عمر : وش نسوي ماكان بيدنا شي بس يخوف مره وهو معصب
علي : خليني اشوفهم والله لافرمهم خصوصا حياه سراقه
دخل مصلح ورشاش وجلسو معهم ناظرهم مصلح ولع زقارته
مصلح : اسمعوني انت وياه من بكره تدورونهم وتجيبونهم عندي هنا
العيال : ابشر
نامو وصباح نفذو كلام مصلح يدورن البنات .
حياه صحيت من نوم وسوت الفطور هند قامت من النوم مفجوعه وتبكي جتها حياه ركض
حياه : اشفيك تبكين ؟
هند : خايفه تحلمت أن مصلح يدخل علينا ويذبحنا ( تبكي)
حياه ضمتها وهدتها هند قامت وتسكر شبابيك البيت والبيبان
حياه : اسمعيني خلينا نبلغ عليهم شرطه أللحين
هند : لاتكفين بتنقذيني من مصلح وابوي بيذبحني بعدها
حياه : وش الحل طيب بيلاقينا مصلح
هند : خلينا ننحاش من سعوديه بكبرها
حياه: طيب تعالي افطري
عند العيال كانو يدورون في شوارع والقريات وكل مكان
اما مصلح راح لبيت هند دق الباب فتحت اماني كان وجهها مفقع
من ظرب ناظر مصلح في رشاش مصدوم
اماني : خير كل شوي ناطين علي
مصلح: فين هند خليها تكلمني
اماني : ذي الوصخه جت امس وضربتني بعدها راحت
رشاش : كان معها احد ولا لحالها
اماني : كانت معها الكلبه حياه وحده ماتستحي
مصلح : اسمعي ادري انك تكرهين هند و تبغين تفتكين منها اذا تعرفين وينهي والله معاد اخليها تقرب منك
اماني : اكيد راحت لبيت حياه فكني منها تكفى
مصلح : وين بيت حياه
اماني : مادري بس في الحاره ذي مو بعيده
رشاش : اذا جتك هند دخليها عشان نجي ناخذها
اماني : مابتجي عرفت ان ابوها بيذبحها
مصلح : لعنه والله انا ألي بذبحها ( راح معصب)
العيال دورو ألين تعبو ورجعو بدون مايلاقونهم
عمر : ياشيوخ راحت علينا مصلح بيسلخ جلدنا
علي : يارب يستر بس
دخل مصلح ورشاش وشافو العيال مرتبكين
مصلح : مالقيتوهم ها
سلطان : شوفت عيونك دورنا في الحارات مافيه اثر
رشاش: عند حياه بيت في نفس حارة هند اقلبو البيوت بتلاقونهم
مصلح : قومو يله لاترجعون بدونهم ( بصراخ )
قامو العيال وصلو للحاره هند يدورون بيتها ...
عند مهل وسلطان كانو يدورون بسياره شافو رجال وقفو وسلموعليه
مهل : ياطيب في حارتكم وحده اسمها حياه ؟
رجال : ايوه فيه دكتوره حياه
سلطان : دلنا على بيتها
رجال : امش سيده لأخر شارع بتلاقيه قبالك
مهل اطلق على راس رجال ومات عشان مايعلم عليهم
عند هند كانت تاخذ شاور وتغني وحياه تتابع تلفزيون وشافت في لاخبار عصابه مصلح يسرقون ويقتلون خافت مره
حياه : الله يستر منهم
سلطان ومهل رجعو لبيت عشان يقولون لمصلح
مهل : مصلح حصلنا بيت سبيكه
رشاش : كفووو
مصلح : يله مشينا
راحو لبيت حياه وقفو عند البيت مصلح يرمي حجر على شباك
هند خلصت شاور ولبست بجامه وكانت مبسوطه سمعت احد يرمي
حجر على شباك غرفتها كانو ساكنين في دور ثاني
دق باب شقتهم هند ركضت عند حياه خايفه
هند : اسمعي كنت جايه اقولك فيه احد يرمي على شباك حجر وألحين دق الباب ( تتنفس بقوه من الخوف)
حياه اخذت من المطبخ 🔪 سكين زاد دق الباب
حياه : مين عند الباب
قحص غير نبرت صوته : تعداد سكاني الله يحفظك
حياه : يا خوي روح مو بوقتك
قحص : اذا مافتحتي مجبور اعطيك غرامه ماليه
حياه : هند روحي اندسي في الحمام ولا تفتحين تمام ؟
هند : تمام وراحت لحمام وسكرت عليها
فتحت حياه الباب وشافت العصابه قدامها تبغى تسكره قبل يدخلون
دف مصلح الباب بقوه وهي طاحت على ظهرها من قوة دفه
توقعاتكم 😎؟؟؟؟؟
