مش فاهم لارا مش بترد لي ليغلق الهاتف بعصبيه و هو يقول ...حد ميردش علي العريس علي العريس قبل الفرح بأسبوع لي افهم عادات و زفت اي
دخلت نرمين الغرفه لتجد كل شئ مبعثر و علامات الغضب علي وجه سليم ....
نرمين: يبني مالك متعصب لي كده
سليم : يا ماما بكلم لارا فوق الميه مره علشان القاعه عايزه قايمه الاغاني الي نبهت عليها و هي ولا هنا
نرمين بمكر : يعني مش علشان تسمع صوتها و وحشتك
ابتسم سليم : دايما فاهمني بس بردو اي العريس لا يشوف ولا يكلم العروسه قبل الفرحه بأسبوع هيأكلها العريس مثلا
نرمين: يبني كل عيله و ليها حكم من التقاليد دي بكره تتجوزوا و تقولك اشمعني الحوار دا يمكن ليه سبب
سليم بنفاذ صبر: هنشوف يا ماما اخرتها اي
........
في بيت لارا
عروسه قبل فرحها بأسبوع تسافر امريكا لي عايز افهم ي وفاء شغل اي الي مش عايز يتأجل علشان ليله العمر انتوا هتأكلوا بعقلي حلاوه
وفاء: يا محمد والله قالت ان اسهم الشركه واقعه ولازم تسافر هي و ساره
محمد : ربنا يستر و ميبقاش وشنا في الأرض بعد ما خاطبها يعرف اننا عالم كدابه
في امريكا
لارا انا خايفه مش عارفه الي بتقوليه دا هيدمرني قبل ما ينقذهم يا لارا
لارا: ساره حبيبتي ولا هيدمرك ولا حاجه انا عارفه ان دا حلم حياتك و غير كده بقلنا شهرين بندرب لازم كل حاجه تمشي كويس يا ساره لهتبقا مصيبه فوق دماغنا كلنا
ساره بأستسلام : حاضر
......
بعد اسبوع و تحديدا في يوم الفرح
ها خلصت يا عريس
سليم : ايوه يا ماما اي رايك
وفاء : زي القمر يا حبيبي ربنا يوفقك و يرزقك بالذريه الصالحه
سليم : تسلميلي يا غاليه
....
محمد: يعني يا لارا الشغل كان هيطير لو اتأجل و كل شويه تكلمينا و تقوللنا عايزه اكلمك فيديو كول قلقنا عليكي
لارا بقلق : يا بابا الشركه الاسهم بتاعتها في النازل و دي شركتي انا و سليم من ايام ما بدأنا اكتر من ٦ سنين فكان لازم نهتم بالمصيبه دي و مرضتش اقوله لان هو عصبي فبدل ما هيحل المشكله هيعقدها و لو علي حكايه الفيديو كول فمكنتش حابه ابعد الأسبوع دا عنك قبل ما نسافر انا و سليم فكنت بكلمكم كل شويه
وفاء بدموع : حبيبتي كبرتي و جه اليوم الي اشوفك فيه عروسه
اخذت وفاء لارا في حضنها
وفاء بتعجب : صحيح يا لارا هي ساره فين يبنتي
ارتعش جسم لارا و قالت : ها ..سا..ساره
رن هاتف وفاء لينجد لارا من تلك الموقف
وفاء : خلاص العروسه جهزت نازلين اهو
نزلت لارا مع والدايها لتبدوا في غايه الجمال بفستانها الابيض
نظر لها سليم و لم يستطيع ان يزيح عينه عنها من شده جمالها ليوصلها محمد ليده و يقول : بنتي امانه في ايدك دلوقتي يا سليم اوعي تزعلها دي بنتي الوحيده
سليم : دا حبيبه عمري يا عم محمد متقلقش هتبقا فوق راسي اوعدك
محمد : ربنا يفرح قلبكم يا حبايبي
غادر محمد و همس سليم ل لارا : وحشتيني
ارتعش جسم لارا و لم تجد رد فأبتسمت
بدأت الفرحه علي الجميع فقد اليوم فرح اجمل قصه حب دامت ٥ سنوات و رفض من عائله لارا لعدم امكانيه سليم علي الجواز اخذ يحارب حتي وصل لحبيبه عمره
انتهي الفرح و غادر الجميع و ذهب سليم و لارا لشقتهم التي اختارتها لارا علي النيل لشده عشقها له
وقفت من النافذه تتأمل ذلك السكون ليأتي سليم من خلفها و يهمس : القمر سرحان في اي
لارا : ها ..لا مفيش منظر النيل حلو اوي من هنا
ليدريها اليه و هو يقول : مش احلي منك ...تعرفي انا فضلت خمس سنين بحارب علشان اوصل للحظه الي اكون انا و انتي في بيتنا ..كانت خايف اوي ربنا ميجمعناش سوا
بدأت الدموع تتجمع في عين لارا
ليمسحهم سليم : يعني فيه عروسه يوم فرحها تعيط لا و كمان ورانا سفر بكره ليشدها لحضنه و هو يقول : بحبك يا لارا
رن الهاتف تعجب سليم : دا مين الغبي الي بيرن عليكي دلوقتي ذهب الي التليفون و اخذ قلب لارا يدق بشده و احمر وجهها
امسك الهاتف ليرا المتصل لارا
نظر سليم بتعجب و هو يقول لاراااااا
ليرفع عينه ويرا لارا وقعت علي الارض ......
مهمه من اجل الحب
رحمه _ ايمن
أنت تقرأ
مهمه من أجل الحب
General Fictionلم اعلم ان بعد ترك الحقيقه خلفي اكثر من ٢٠ عاماً سيأتي اليوم حتي أرا اولادنا يريدوا الأنتقام لمجرد انني كنت ضحيه ..... مزيج من الحب و الخداع يدوم اكثر من ٢٠ عام ماذا ستفعل ان علمت ان والده حبيبتك هي نفسها والدتك لترا السر المدفون و يشاء الزمن ان يخر...
