مهمه من أجل الحب

الفصل السادس

ليان بعدم فهم : ايوه اعمل اي يعني
هنا بنفاذ صبر : بت انتي مش ناقصه ام غبائك دا شاب و بتحبيه من غير ما تشوفيه و قولنا تمام عديها  يبت يقولك تعالي نمثل اننا مخطوبين اقولك انتهزيها فرصه تقوليلي يعني اعمل اي انتي حماره يبت
ليان بخوف من نبره هنا : طب بصي قولي اعمل اي و هعمل
لتمسكها هنا من القميص الرجلي الي ترتديه و هي تقول بت هو انتي متأكده انك بنت بالبس دا
ليان بمزاح : سيبي الجكته يا انسه عيب كده
هنا : اللهم طولك يا روح بصي يا ننوس عين ماما لبسك يتبدل للبس بنت زي بنات خلق الله و بكره ننزل نشتري لبس بناتي امين
ليان بتسأل : هو انا قولت اني بحب ادهم؟
هنا : اه
ليان : و قولت كمان اني مستعده اتغير علشانه؟
هنا : اللهم طولك يا روح اه قولتي يختي
ليان و هي تنهض طب سك علي الموضوع دا انا عيله و عندي مراره تجاه المحن
لتضربها هنا علي راسها بشده و هي تصرخ بت انتيبييييي
دخل ادهم بينهم و هو يقول بفزع : في اي صوتكم جايب اخر الشارع
هنا بنرفزه : اقولها خليكي بنت تقولي عندي مراره من المحن هو بقول تتحزمي و ترقصيله انتي هتجلطيني
ليان و هي تبرق لها : هبقا بنت و الله هبقا بنت لسانك ابوس ايدك هنروح في داهيه
ادهم بتعجب : هي هترقص لمين؟
هنا بدهشه : هي دي الي مسكت فيها يا حيلتها تصدق طول عمري بسمع جمله ما جمع إلا ما وفق اول مره اشوفها بتتحقق قدامي
كانت مرام تجلس و هي تضحك بشده عليهم حتي رأت يوسف يدخل من الباب نهضت مسرعه تجاه و هي تقول بتسأل : ها حصل اي عرفت حاجه؟
يوسف ببرود : لا معرفتش حاجه مراد انا ماشي هتعد ولا جي؟
مراد : لا هوصل هنا و هروح
يوسف : تمام
مرام بتعجب و هي تمسك يده : يوسف انت كويس
نزع يوسف يديها و هو يقول : كويس
و غادر سريعا دون كلام
هنا في سرها : بيانها ليله طين
لترفع صوتها و هي تقول و انت يا احمد عز في نفسك هو حد قالك اني عايزه توصيله
مراد و هو يرفع يده الي السما : اشكو إليك يارب علي المصيبه دي ....ليكمل انجري قدامي لأرتكب جنايه في بيت الناس
ذهبت وراه و هي تقول هتوصلني بس تدري ليش لاني مش معايا فلوس و ضحكت
مراد وهو يضرب كف علي كف : بحب متخلفه ياربي
ذهب الجميع ماعدا ليان فنهضت و هي تقول : احمم احممم انا ماشيه يا مرام
مرام : ماشي يا ليان تعبتك معايا
ليان و هي تنظر الي ادهم : احم احم لأ لا تعب ولا حاجه احممممم انا ماشيه
فهمت مرام انها تريد من ادهم توصيلها
ضحكت مرام بشده عليها و استمرت ليان بقول انا ماشيه واخده بالك
لينظر لها ادهم و يقول : ارحمي امنا بقالك تلت ساعه بتقولي انا ماشيه امشيي يخربيتك صدعت
ليان : يعني واخد بالك اني بقالي تلت ساعه بقول ماشيه و البعيد معندهوش دم
ادهم : افرشلك السلم ورد علشان تنزلي ما تنزلي يا ليان عايزه اي يخربيتك يا مرام علي يخربيت صحابك الهبل زيك دول
ضحكت مرام بشده و هي تقول لأدهم : انزل وصلها يا ادهم علشان مش هتعرف تلاقي موصلات دلوقتي
ادهم علي مضض : لا هتلاقي هوقفلها تاكسي و هطلع عايز ارتاح من السفر
نزل علي السلم و كادت ليان تشتمه حتي سحبها من قفاها و هو يقول : بت انتي انا خلقي في مناخيري اخلصي في ليلتك السوده دي
ليان : يا جماعه عينكوا في القميص قولوا بدل الحركات نص كم دي
ادهم بنفاذ صبر : الرحمه يارب
مر اسبوع و لارا تذهب لملك و تحكي لها عن حياتها و العكس و يوسف مستمر في تجاهل مرام و التفكير في القادم و ماذا يفعل حتي وصل لقرار خداع مرام ليهدد التي تدعو نفسها لارا اما ان تترك لملك حياتها او  انه سوف  يكسر قلب ابنتها يعلم ان هذا عذاب لمرام و لكن عذاب عام اهون من عذاب 20 عام ليرد علي نفسه و يقول و لكن لو حدث ذلك فسأكسر قلب مرام و لو طالت الحياه سيكون مشروخ و الجرح كبير و لكن هذه امه التي عانت و هاجرت قبل فرحها ماذا يفعل ماذا يفعل ليمسك دماغه و اخذ يصرخ بشده
مرام اخذت تفكر في بعد يوسف المفاجئ و ذهاب امها بأستمرار لبيت يوسف
و من الناحيه الأخري كانت تفكر ليان بأن ما فعلته صحيح ام خطأ فقد برغم من صداقه مرام الشديده لها فهي بمثابه اخت لم تقول هذا صحيح ام خطأ فأخذت تفكر و تدعو الله ان لا يكسر قلبها
و عن مراد و هنا فكانت هنا تقاوم قلبها و مازلت حتي تبعد عن مراد فمريم لا تتركه و هو لا يستطيع ترك العمل معاها و هي لا تريد ان تكون نقطه ضعف لمراد حتي تحرق دمها تلك المدعوه مريم

بعد مرور الأسبوع

جاهزه
ملك بخوف و توتر شديد : جاهزه
لارا بتحذير : هو شهر يا ملك شهر و كل حاجه هترجع زي ما كانت
ملك بتفهم : حاضر
ذهبت ملك بدورها الحقيقي و اسمها الحقيقي لارا
دخلت المنزل فتلك هو المنزل التي اختارت بها كل شبر ها هو تغير الديكور و الألوان و كل شئ به بيت احلامها اصبح من شبح الماضي ظلت دموعها تسقط حتي أتي شخص من خلفها يحضنها و يقول : القمر بتاعي كان فين من الصبح
اخذ قلبها يدق فهي تعلم ان هذا خطأ و حاولت ان تخرج من بين يديه و هي تقول بحده مصطنعه و تتجنب عيونه تلك العيون التي اوقعت بها منذ 25 عاما و قالت : نزلت اشم هوا بدل القرف الي انا فيه
سليم بتعجب : قرف اي
لارا بزعيق مصطنع : طبعا ما البيه ولا علي باله عايش حياته و ناسي ان فيه خدامه في البيت بتكنس و تروق و تغسل ناقص ترضع
ضحك سليم بشده
تعجبت ملك من رده فعله و قالت : انت بتضحك علي اي يا انسان مستفز انت
سليم من بين ضحكته : اصل الحاله جت
ملك بأستغراب : حاله اي
سليم : انزلي بس معايا مشوار ضروري و بعدين هفهمك
ملك بتوتر : لا لا انا تعبانه
سليم : هتخفي لما تنزلي يلا انتي تعبتي قلبي يا لولو
ابتسمت بخفوت فكان سليم دائما يقول لها تلك اللقب لولو
غادرو المنزل سويا و كان قلب ملك يهتز بشده و هي تدعو الله ان يظل قلبها مغلق للأبد
#####
نزلت هنا من منزلها تتجه الي عملها لترا مراد امامها
هنا بسخريه : يانهار تلزيق يا جدعان انت جيت لي يا ملزق
مراد : يبنتي بطلي تمثيل دا لو عليكي هتموتي و ترقصي من الفرحه و يلا يختي علشان اتاخرتي
هنا : اللهم طولك يا روح
ركبت السياره و هم في الطريق تذكرت انها تريد ان تحادث مرام علي الهاتف لترا الهاتف فصل شحن
هنا بعصبيه : يخربيت غبائي مشحنتش الزفت لي قبل ما انزل ياربي
مراد بحنان : خدي تليفوني اعملي المكالمه الي انتي عايزها
اخذت الهاتف بدون تعليق و حين فتحها للهاتف رأت رسائل من المدعوه مريم فتحتها لترا كم هائل من الرسايل
_ حبيبي مجتش لي اتأخرت علي الشغل
_ حبيبي وصلت البيت
_ حبيبي اتغديت ولا اعدي عليك اعملك الأكل
و اخرهم تلك الرساله
_ حبيبي ممكن توصلني لان العربيه بتاعتي اتعطلت في الشارع

لتسقط دموع هنا بغزاره لاحظ مراد الأمر و سألها بفزع : هنا انتي بتعيطي لي انتي كويسه
هنا و مازلت تبكي : بعد اذنك وقف العربيه
مراد بتسأل : في اي بس
هنا بصريخ : وقف العرررررربيه
وقف مراد بسرعه و مازلت هنا تبكي و هي تقول : انا كنت بعدي مواقفك و تقربك ليا علشان كنت فاكره انك...انك بتحبني لتمسح دموعها و تكمل...بس انا كنت غلطانه انت بتحب مصلحتك حتي لو جت علي كرامتي يا مراد
لم يستطيع مراد التحمل و اخذها الي ذراعه و حضانها بشده : فهميني في اي بطلي عياط يا هنا انا مش فاهم حاجه
اخذت هنا تبكي بشده بين ذراعه و تتذكر كم احبته و كم تفعل مريم لسلبه منها و هي لا تستطيع ان تفعل شئ فقد هم يمتلكون نفس الشركه سويا و هذه نقطه لصالح مريم لتقرب من مراد
بعدت هنا و هي تقول : مراد عايزه امشي لوحدي انسني يا مراد بعد اذنك انسني
لتذهب سريعا و مراد لا يفهم ما حدث حتي اخذ الهاتف ورا رسائل مريم التي لا يفتحتها ابدا و لم يحظر الرقم لانه يبعت ايميلات العملاء إليها و هي تستغل هذه النقطه علي اكمل وجه ركب سيارته و قاد بسرعه رهيبه إلي الشركه
######
يوسف بجمود ذهب الي لارا : لو سمحت انا عايز طلب
توترت لارا فهو لم يعامل ملك بجمود هكذا طوال الأسبوع فكان يعاملها بحنان شديد
لارا بتوتر: اتفضل يا يوسف قول مالك
يوسف و مازال الجمود علي وجهه : انا بحب مرام و عايزه اتقدملها........