♡Unicode version♡
"ဒါလုံးဝမတရားဘူးနော် ရိပေါ်!..."
"ဟမ်!...ဘာဖြစ်လို့လဲဖေရှီးရ..."
အထုပ်တွေကားဗိုက်ထဲထည့်အပြီးဖေရှီးကရိပေါ်လက်ကိုဆွဲလျှက်ကားပေါ်ခပ်သုတ်သုတ်တက်တယ်။ကားမထွက်မှီအချိန်ကပ်သီလေးမှရောက်လာကြသည်မို့ရိပေါ်နဲ့ဖေရှီးနေရာယူထိုင်ရသည်က နောက်ဆုံးခုံတန်းတွင်သာဖြစ်သည်။
နေရာတကျပင်မထိုင်ရသေးမှုန်တေတေပြောလာသည့်ဖေရှီးစကားကြောင့်ရိပေါ်နားမလည်သလိုမေးမိတော့ဖေရှီးကကားအပြင်ဘက်မှာသာရှိသေးသည့်စီနီယာအကိုကြီးတွေဘက်တချက်ကြည့်လိုက်သည်ကမျက်ခုံးတွေစုကျုံ့လျှက်။
"ဘာတဲ့ အကိုကူညီပါရစေ ညီတဲ့...ရှေ့ကငါ့ကိုကျော်ပြီးမင်းကိုမှလေ...အဲ့ဒါဘက်လိုက်တာရိပေါ်...ဟွန့်!..."
ထိုအခါမှရိပေါ်ဖေရှီးဆိုလိုရင်းကိုသဘောပေါက်လာသလိုခေါင်းလေးတရမ်းရမ်းဖြင့်။
"အဲ့လိုဟုတ်မယ်မထင်ပါဘူးဖေရှီးရာ...ငါကလက်နှစ်ဖက်စလုံးမှာအထုပ်တွေပြည့်နေတော့ အမြင်မတော်လို့လာကူတာနေမှာ..."
"ဟအင်း!...မဟုတ်ဘူး...မဟုတ်တာတော့လုံးဝမဟုတ်ဘူး..."
"ဘာမဟုတ်တာလဲဟင်!..."
ခေါင်းတခါခါနှင့်ကားအပြင်ဘက်ကိုကြည့်ကာသုံးသပ်နေသည့်ဖေရှီးကိုကြည့်ပြီးရိပေါ်မျက်တောင်လေးတွေပုတ်ခတ်ပုတ်ခတ်။
"မင်းမသိပါဘူးရိပေါ်ရာ...အဲ့အကိုကြီးကမင်းကိုစတွေ့ကတည်းကတခုခုပဲ...ခုလည်းကြည့်ပါလား...လှမ်းကြည့်နေလိုက်တာများ မျက်လုံးရွဲကြီးတွေနဲ့..."
"ဘယ်မှာ!..."
"ဟေ့!...ဟေ့!...ပြန်မကြည့်လိုက်နဲ့ ရိပေါ်..."
သူပဲကြည့်ပါလားဆိုလို့ ကြည့်ဖို့လုပ်တဲ့ဟာ ကားမှန်နားပင်ပေးမကပ်ပဲ လက်တကာကာဖြစ်နေသည့်ဖေရှီးပုံစံကစပိုင်တစ်ယောက်လို။ရိပေါ်မှာတော့ကြောင်အန်းအန်းနဲ့သာငြိမ်ကုတ်ထိုင်နေလိုက်တော့တယ်။
"ညီ!..."
"ဟင်!...ဗျာ..."
ခေါ်သံကြောင့်ကြည့်လိုက်မိတော့ ခုနအထုပ်တွေကူသယ်ပြီးကားဗိုက်ထဲနေရာချပေးသည့်ခပ်ချောချောစီနီယာအကိုကြီး။ရိပေါ်မှာရှေ့တည့်တည့်လာရပ်လျှက်ခေါ်လာသည်မို့ဗျာခနဲထူးလိုက်မိပြီးဖေရှီးလည်းပဲလှုပ်လှုပ်ရှားရှားဖြစ်လာရတယ်။
YOU ARE READING
LOVE ME,OK![Complete]
FanfictionZSWW[Myanmar] XiaoZhan肖战 × WangYibo王一博 XiaoZhan is a IQ160 having student.Bo Bo is a normal student.This story is painting a beauty love of between senior and junior.Containing equal solution sweet and drama.This is "Love Me,OK!" //𝐃𝐞𝐚𝐫 𝐁𝐨 𝐁�...
![LOVE ME,OK![Complete]](https://img.wattpad.com/cover/284816843-64-k175314.jpg)