Unicode
အခန်း ၁ : နှင်းပွင့်ကြွေစံအိမ်
နှင်းပွင့်ကြွေစံအိမ်၊ ပေးထားသည့်အမည်နှင့်မတူညီစွာ စံအိမ်တစ်ခုလုံးဝမဟုတ်ပါချေ။ ထိုအရာက အသေးစားဧည့်ရိပ်သာလေးတစ်ခုသာဖြစ်သည်။တလွန်တရာ၊ အလွန်အမင်းနုံချာလှသည့် ဧည့်ရိပ်သာလေးပင်ဖြစ်တော့သည်။ပြီးနောက် တစ်ရာလီအတွင်း တစ်ခုတည်းသောတည်းခိုဆောင်လည်းဖြစ်၏။ထိုအရာက တောင်တန်းတွေကိုနောက်ခံထားပြီး ထည်ဝါသည့်မြစ်တစ်စင်းကို မျက်နှာမူကာဆောက်လုပ်ထားသည်။ တောင်တန်းတွေကိုဖြတ်သန်းရန်အတွက်ဆိုလျှင် အချိန်တစ်ခုလိုအပ်ပြီး မြစ်ကိုဖြတ်ကူးရန်မှာလည်း အကြံကောင်းတော့မဟုတ်ပါချေ။ ထို့ကြောင့် ထိုတည်းခိုဆောင်လေးမှာ ထိုနေရာကိုဖြတ်သွားသူတိုင်းအတွက် မရှိမဖြစ်နားခိုရာလေးဖြစ်လာခဲ့သည်။
မည်သို့ဆိုစေကာမူ၊ ယခုလအတွက် နှင်းပွင့်ကြွေစံအိမ်၏ စီးပွားရေးအခြေအနေမှာသိပ်မကောင်းပါချေ။ အဘယ်ကြောင့်ဆိုသော်၊ သူအမည်ပေးခဲ့သည့်အတိုင်း ထိုနေရာသည် နှင်းများအမြဲတစေကျဆင်းကာ လမ်းပိတ်လေ့ရှိသောကြောင့်ဖြစ်သည်။ရှောင်းစဲ့ကထိုနေရာတွင်ထိုင်နေခဲ့ပြီး သူ၏အဖြူရောင်သားမွှေးအင်္ကျီမှာပုံကျနေသလို သူကတံခါးရှိသစ်သားဘောင်ကိုမှီကာနေနေခဲ့သည်။သူသည်ပြတင်းပေါက်အပြင်ဘက်ရှိ ဖြူဖွေးသောနှင်းများကို အဓိပ္ပါယ်မဲ့စွာကြည့်နေခဲ့ပြီး သူ့နှုတ်ခမ်းမှလည်း သက်ပြင်းချသံတစ်ချက်ထွက်ပေါ်လာသည်။
ထိုသက်ပြင်းချသံ၊ ရှောင်းစဲ့၏သက်ပြင်းချသံသည် သူ၏အမည်နောက်ကွယ်ရှိအဓိပ္ပါယ်ကဲ့သို့ပင် မှိုင်းညို့ပြီးသာယာနာပျော်ဖွယ်မရှိပါချေ။
စားပွဲခုံတွေကိုမှီပြီး အိပ်ငိုက်နေသည့် စားပွဲထိုးလေးတွေက နေရာအနှံ့ပျံ့ကြဲနေပြီး အအေးဒဏ်ကြောင့် တစ်ချက်တစ်ချက် လန့်နိုးလာကြသည်။ပြင်းထန်သည့်တုန်ခါကြောင့် မျက်လုံးတွေကိုလှန်ကြည့်လိုက်ပြီး စားသောက်ဆိုင်အထဲ လှည့်ပတ်ကြည့်ကာ သူတို့သူဌေးကို ရှာဖွေလိုက်ကြစဥ် ထိုသစ်သားဘောင်ကိုမှီတွယ်ဆဲဖြစ်ကာ နှင်းကျနေသည်ကိုကြည့်နေရင်း သူ၏ခန့်ညားမှုကိုထုတ်ဖော်ပြသနေသူကို မြင်လိုက်ရသည်။ထိုအချိန်တွင်ပင် သူတို့သည် ချက်ချင်းပင် ပြန်လည်အိပ်ပျော်သွားကြ၏။
ESTÁS LEYENDO
ငယ်ရွယ်သူတို့၏ခရီးရှည် (ဘာသာပြန်)
AventuraType Webnovel Associated Names Shao Nian Ge Xing 少年歌行 Author(s) Zhou Nan Wood 周木楠 Source Evil_Legend Myanmar Translation by Team Camomile
