أقدار الله

الفصل السادس

وقفنا اخر لما لما زين طلب من اماني انها تلف وشها الناحية الثانيه
أماني:ليه يعني
زين:يا ستي هتعرفي بس يلا
وتلف فعلا أماني دقيقة وتلاقي حد بيخبط علي كتفها
لفت ليها لقيتها نهال
أماني بفرحة شديده نهال وحشتيني جدا وتحضنها
نهال:وانتي كمان وحشتيني اوي يا مونتي
أماني:لا انا زعلانه منك ازاي تسبيني كده لوحدي ومش تكلميني كل ده
نهال:والله غصب عني،اسفه
أماني:المهم إنك جيتي
ساره يلا نلبس الدبل بقي
تقرب ليلي من أماني وتلبسها الدبله وزين يلبس دبلته لوحده   وينتهي اليوم بالفرحه علي الكل
ـــــــ
تاني يوم الصبح تكلم نهال أماني
نهال:صباح الخير يا قمر
أماني:صباح النور
نهال:اخبارك ايه
أماني:الحمدلله قوليلي بقي عملتي ايه في الايام اللي فاتت دي
نهال:وانا كمان الحمدلله بخير
تضحك أماني معلش معلش يلا قولي
نهال:كانت ايام جميله جدا وسيف حنين جدا والحمدلله منتظم علي الصلاة وبنصلي القيام والفجر مع بعض وفضلت تتكلم عنه كتير
أماني:ربنا يصلح حالك يارب يا نهال ويثبتكم ياارب
نهال:امين ويثبتك ياارب.
ويتكلموا شويه وبعدين ينهوا المكالمة ويتفقوا انهم ينزلوا الكلية من اول الاسبوع هما في اخر سنة في هندسة
ــــــــــ
تمر الايام علي الكل منهم نهال وسيف بالسعادة وأماني وزين ماشين علي ضوابط الخطوبه وبيجاهدوا انهم يكملوا علي كده، ومنهم من حزين مثل ساره ومعتز.
ــــــــ
بعد شهرين تذهب أماني لزياره نهال
تستقبلها نهال بفرحه شديدة  ويجلسوا معا وشويه والعصر يأذن.
أماني: لاحظت ان نهال قاعدة عادي جدا مش  بتردد الاذان حتي زي عادتها مردتش انها تقول نصلي غير لما نهال تقول
وبعد الانتهاء من الاذان نهال بردو لسه قاعده
أماني: نهال انتي مسمعتيش الاذان ولا ايه
نهال: لا سمعت شويه وهصلي
أماني: ودي من امتي واحنا بنستني شويه علي الصلاة
نهال فضلت ساكته
أماني: يلا نصلي يا نهال وبعدين نتكلم
يقوموا الاتنين للصلاة وبعد الانتهاء تجلس أماني تقول الاذكار اما نهال قامت علطول ولما شافت أماني قعدت تاني وقولها وكأنها ذكرتها وبعد الانتهاء
أماني: احكيلي في ايه من امتي وانتي كده
نهال: مش عارفه كل حاجه اتغلبطت
أماني: يعني عندك فتور؟
نهال: بعد الجواز ب3اسابيع كده سيف رجع تاني شغله ورجع لاصحابه القدام هو رجع علطول وبقي مش منتظم اوي علي الصلاة
وبقت تبكي غصب عني رجعت يا أماني معرفش ازاي مبقتش احاسب نفسي شدتني الحياة الحلوه مع سيف وبقيت فرحانه بالدنيا ممكن اول مره اخد بالي دلوقتي  وتزداد في البكاء انا مكنتش كده يا أماني، عايزه ارجع زي الاول تاني مش عايزه الحياة دي، العيب مني انا اللي مقدرتش اخلي سيف يثبت 
أماني: طيب اهدي كده وامسحي دموعك وتنزل تقعد قدامها وتمسحلها دموعها مش انتي عارفه اني معاكي ومش هسيبك ابدا
تهز نهال رأسها بايوه
أماني: يبقي قومي اغسلي وشك ده كده يلا عشان نسمع درس للشيخ حازم شومان كده يفوقنا ومن طول ما احنا مع بعض متخفيش احنا عهدنا الوصول للجنة ومش هنرجع عنها ابدا صح يا نهال
نهال: وكان حاجه غريبه ردت فيها الروح تاني تقوم تقف سريعا ايوه يا فندم ولن نرجع بإذن الله
تقوم تقف أماني هي كمان وتحضنها
نهال: انا بحبك جداً يا أماني بجد انتي مكسب لاي حد انتي في حياته ربنا  يخليكي ليا يارب
أماني: ويخليكي ليا يارب يلا روحي يلا بسرعه عشان متاخرش اكون جبت درس نسمعه ونقرأ شويه قران
نهال: حاضر
وبعد ما ينتهوا تمشي اماني وتسيب نهال بس بروح جديد
بعد ما يجي سيف
نهال: احضرك الغدا
سيف: ياريت والله يا حبيبتي عقبال ما اريح شويه
نهال: تمام صلي وريح شويه اكون خلصت عشان محضره النهاردة شويه حاجات نعملها كده
سيف: حاجات ايه دي
نهال بغمزه هتعرف بعدين يلا بسرعه
سيف: ماشي يا ستي
بعد الغداء
سيف: ها يا ستي ايه اللي انتي عيزانا نعمله
نهال: تعالي معايا كده وتشغل علي الشاشه درس للشيخ حازم شومان
سيف: لالا انا مش عايز اسمع
نهال: فضلت بصاله وساكته
سيف: بتبصيلي كده
نهال: ده الوعد انك هتاخد بايدي للجنة انت خلتني ارجع تاني زي الاول عايزه انبسط معاك في الدنيا وخلاص، بس خلاص يا سيف انا مش هقدر اعيش كده انا فضلت كتير اجاهد لوحدي وكان معايا اماني ويوم لما قبلت بيك زوج كنت مفكراك هتكمل معايا بس طلع للاسف احساسي غلط بس لو مش هتكمل معايا هكمل لوحدي بإذن الله
سيف: نهال انا اسف، والله ما اخت بالي، انتي حتي مش نبهتيني قبل كده، انتي عارفه اني لسه في البداية وطبيعي اقع بس خليكي معايا تابعي بس معايا ووعد مش هرجع تانى
نهال: من طول ما انت مع صحابك دول هتفضل زي ما انت وهترجع تاني
سيف: بس صحابي دول معايا من زمان مقدرش ابعد عنهم
نهال: صحابك ولا الجنة ورضا ربنا، مش بقولك اقطع علقتك بيهم بس خلي في مساحه بلاش خروج معاهم وحاول معاهم لعل حد ربنا يهديه (وَمَنۡ أَحۡسَنُ قَوۡلٗا مِّمَّن دَعَآ إِلَى ٱللَّهِ وَعَمِلَ صَٰلِحٗا وَقَالَ إِنَّنِي مِنَ ٱلۡمُسۡلِمِينَ  ) فصلت
وهحكيلك قصه جميله
كان في واحد اسمه عقبه بن أبي معيط عقبة ده كان له صاحب ... كان اسمه أُبَىّ بن خلف،  كان صاحب مقرب جدا لعقبة بن أبى معيط .. فعقبة بن أبى معيط مرة ماشى في طرقات مكة سمع القرآن فعجبه..كلام الله تبارك وتعالى الجميل. فبدأ يحس أن القرآن دخل قلبه .. قام واخد بعضه وراح تانى يوم لصاحبه .
(شوف هيحصل إيه شوف أصحاب السوء .. أصحاب السوء دول مهلكة فى الدنيا ومهلكة يوم القيامة .. اللى عنده صاحب سوء لازم يبعد عنه.. هلاك في الدنيا قبل الآخرة .. عقبة ده كان ممكن النهاردة يبقى صحابى من أصحاب رسول اللهﷺ).... طب ليه.. إيه اللى حصل ؟🌸
بعد ما سمع عقبه القرآن راح لصاحبه أُبىّ بن خلف فقال له "يا أُبَىّ لقد استمعت إلى قول محمد .. و و الله إنى أراه كلامًا طيبًا ".. يعنى مش وحش.. فأُبَى: ّ ينفعل ويقول له "يا عقبة كلامى من كلامك حرام ورأسي من رأسك حرام حتى تذهب إلى محمد وتبصق في وجهه". يعنى هدده أنه هيخاصمه.🍒
ويسمع عقبه كلام صاحبه.. تخيلوا عقبة امبارح كان بيسمع قرآن من النبى ﷺ فالنبي ﷺ متوقع إن عقبة النهاردة جاى بحب علشان يسمع تانى.. فالنبي ﷺ شايف عقبة جاي من بعيد فبدأ يتبسم صلى الله عليه وسلم .. ويتهلل وجهه وهو متسامح وكله حنان ورحمة .. فيلاقى عقبة جاي من بعيد فيفرح النبى ﷺ و يفتح دراعاته علشان يستقبل عقبة .. فييجي عقبة من بعيد و فجأة يبصق في وجه النبى ﷺ .. متخيلين الموقف .. 🌸🦋
فيبدأ النبي ﷺ يشيل البصاق من على وجهه الشريف صلى الله عليه وسلم .. وينزل في عقبة قول الله تبارك وتعالى:
*وَيَوْمَ يَعَضُّ الظَّالِمُ عَلَىٰ يَدَيْهِ (المقصود عقبة بن أبى معيط) يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا *يَا وَيْلَتَىٰ لَيْتَنِي لَمْ أَتَّخِذْ فُلَانًا خَلِيلًا(أُبَىّ بن خلف)💕🖇️
*لَّقَدْ أَضَلَّنِي عَنِ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلْإِنسَانِ خَذُولًا.  (ياريتنى سمعت كلام النبىﷺ ) ..
سورة الفرقان 27 الى 29
😅 لولا أُبىّ بن خلف كان ممكن عقبة ده يبقى صحابى! سبحان الله
الصاحب الصالح بيعينك على طريق الجنة .. و الصاحب السوء ممكن بسببه تدخل النار عياذًا بالله تبارك وتعالى.🌸🦋
سيف:وعد هبعد عنهم
نهال:وبعدين يا عم اتخذني خليل دي انا حتي انفع
سيف:تنفع اوي يا باشا ،ويمسك يدها ويطبع قبله عليها ربنا يياركلي فيكي يا نهال بجد إنتي نعمه من ربنا ليه ربنا يخليكي ليه
نهال:ويخليك ليه يارب يلا بقي نسمع الدرس ونقضي اليوم ده عباده إحنا بقالنا فتره مقصرين
سيف:يلا بينا
ـــــــــــ
أماني: بعد ما رجعت من عند نهال وهي بتفكر ان ممكن يحصلها بردو كده وزين يبعدها وندمت انها مختبرتهوش ولا مره .
بس تقررت انها تختبره وقبل ما تنام فضلت تفكر في طريقه لحد ما قالت انها هكلمه شات دلوقتي
مسكت تلفونها وكان زين قافل بعتت رساله السلام عليكم ورحمة الله وبركاته، اخبارك ايه
وفضلت كل شويه تدخل تشوفه رد ولا لا
جالها رده الساعه 9 مسكت التلفون بسرعه عشان تكلمه
زين رد وعليكم السلام ورحمة الله وبركاته
الحمدلله،انتي اخبارك ايه
أماني:الحمدلله بخير
زين:في حاجه!؟
أماني:لا بس حبيت اطمن عليك واتكلم معاك شويه
زين:مش احنا متفقين ان مفيش كلام بنا غير قدام اهلك بس
أماني:انت مش عايز تتكلم معايا يعني
زين:صدقيني نفسي اتكلم معاكي وعندي كلام كتير يتقال بس في ذنوب اكتر هنخدها،واحنا عايزين ربنا يرضي عنا ويبارك في علاقتنا.
أماني: فرحت جدا وبقت من الفرحه مش عارفه ترد تقول ايه
زين لقاها سكته بعتلها انتي زعلتي
أماني:ردت بالعكس جدا كبرت في نظري جدا يلا في حفظ الله
زين:ابتسم  وقال في حفظ الله وهو فاهم هي عملت كده ليه
زين: بعد ما قفل معاها يكلم نفسه اه لو تعرفي بحبك قد ايه بحب كل حاجه فيكي نفسي اقولك اني بحبك بس هفضل مستني وهفضل احافظ عليكي لحد ما تبقي حلالي وتبقي ملكي انا بس.
ونامت أماني اليوم ده وهي سعيده جدا وبقت بتكلم نهال كل يوم عشان تتطمن عليها واخبرتها ان سيف رجع تاني وبقوا ييسعدوا بعض علي طاعه ربنا
ــــــــــــ
رجعت تاني اماني ونهال للجامعه
وفي يوم كانت نهال تعبانه جدا وحاسه بدوخه
أماني: طيب انتي جيتي ليه يا نهال النهاردة
نهال: كنت كويسه الصبح مش عارفه مالي مره واحده حاسه بدوخه و قبل ما تكمل كلامها يغمي عليها أماني تلحقها وتسندها بسرعه وتيجي كام بنوته ويحملوها ويذهبوا بها الي المستشفى سريعا
أماني تدخل معاها غرفه الكشف والدكتوره تكشف عليها وبعدين تطلع أماني ترن علي زين علشان يكون معاها
زين اول ما يشوف أماني بترن عليه يقلق ويرد بسرعه
زين: السلام عليكم ورحمة الله وبركاته
أماني: وعليكم السلام ورحمة الله وبركاته، زين انا في المستشفي مع نهال صاحبتي لو انت هنا ممكن تجيلي عشان انا مش عارفه اتصرف والبنات الي كانوا معايا مشوا علطول
زين: تمام انا جاي انتي في غرفه كام
تقوله أماني وتقفل معاه وبعدين تدخل تاني لنهال
دقائق ويوصل زين واول ما يوصل يرن عليها عشان تطلع
زين : الدكتور قالك حاجه
اماني:لا لسه بتكشف عليها
زين : انتي كلمتي جوزها او حد قريبها
أماني:لا
زين :طيب هاتي رقم جوزها وانا هكلمه
اماني: حاضر هدخل اجيب تلفونها
زين: تمام
بعد ما تطلع اماني وتجيب الرقم يكلمه زين علطول
زين : السلام عليكم ورحمه الله وبركاته
سيف: وعليكم السلام ورحمه الله وبركاته
زين : حضرتك بشمهندس سيف
سيف :ايوه انا
زين : انا ابقي خطيب أماني صحابة مدام حضرتك هي تعبت شويه وحاليا احنا معاها في المستشفى
سب
سيف: ايه ..ويقوم من مكانه سريعا مستشفى ايه
زين : ....
سيف:طيب انا جاي حالا
بعد ما يقفل معاها
زين:ادخلي انتي اقفي مع صحابتك وانا هستني سيف هنا
أماني :تمام
شويه وسيف يجي
سيف : دكتور زين الدكتورة قالت حاجه
زين :ايوه الحمدلله بخير اتفضل وهي هطمنك بنفسها
سيف : تمام ويدخل سيف ليها
اول ما يدخل ونهال تشوفه
نهال:سيف  تعالي
أماني :طيب انا هطلع برن لزين
سيف :متشكر جدا ليكم
أماني: الشكر لله احنا معملناش حاجه وتطلع
يجلس سيف بجانبها الجميل ماله بقي قلقتيني عليكي
نهال بابتسامة : مفيش الاستاذ الجديد من الاول كده شكله متعب زيك
سيف : استاذ مين
نهال تاخذ يده وتضعها علي بطنها انا حامل
سيف بفرحة بجد
نهال:تهز رأسها
سيف :احلي خبر سمعته في حياتي والاحلي انك انتي مامته
نهال:انا مبسوطة اوي يا سيف بحبك اوي
ونسيبهم بقي مع بعض شويه
ونكمل المرة الجاية ان شاء الله
#خلود_سمير