أقدار الله

الفصل الثامن

كنا وقفنا عند وصول معتز وليلي عند زين وسارة
سارة:وصلوا
زين: ادخلي انتي دلوقتي وأنا هفتح ليهم
وبعد ما يدخلوا ويرحبوا بيهم
ليلي: ما فين عروستنا
زين :حاضر هنادي عليه اهه
ليلي :ماشي يا حبيبي
وشويه ويجي زين ومعاه سارة ويسبهم زين وليلي ويطلعوا يقعدوا بعيد عنهم شويه
معتز:عاملة ايه يا سارة
سارة: الحمدلله وانت
معتز: بخير طول ما انتي بخير
سارة:احنا هنبدأ .. انسي الكلام ده خالص لحد ما ينكتب الكتاب
معتز:هو انا لسه قولت حاجه
سارة:وفر كلامك بقي
معتز:يا ساتر
ساره:في حاجه يا معتز
معتز:لا يا حب احم لا مفيش
ساره:احم احنا طبعا مش لسه هنتعرف علي بعض يعني
معتز :انا بقول كده برضوا
سارة: حاولت تتعلم حاجه في العلوم الشرعية او تحفظ قرآن
معتز: الحمدلله بحضر دروس ومش هكذب عليكي مش علطول عشان الشغل بس بجاهد نفسي والله وأوقات بسمع علي اليوتيوب بحاول مضيعش اي وقت
سارة:بتسمع لمين بقي واتعلمت ايه
معتز : الدكتور حازم شومان ،الدكتور محمد الغليظ ، الشيخ خالد الراشد ، الشيخ علاء حامد وكتير
سارة:سمعت ايه لحازم شومان
معتز :كتير منها ففروا الي الله وحبيت منه اسماء الله الحسنى عايزه تسمعي حاجه بقي للجنه اسمعي اوصفهالك الدكتور محمد الغليظ ، ولو عايزه تزودي ايمانك اسمعي اين الله وفي بقي قوافل العائدين للشيخ خالد الراشد دي جميله جدا وسمعت كتير بس حبيت دول اكتر حاجه
أما اتعلمت ايه فحفظت الحمدلله الاربعين النوويه كاملة وفعلا بدأت احفظ قرآن
ساره:اللهم بارك بجد ربنا يثبتك ويزيدك يارب
ازاي بتعرف تشتغل وتتعلم في نفس الوقت مع العلم ان شغلك صعب
معتز: إدارة الوقت هي اهم حاجه اني من كذا لكذا هعمل كذا فاهمه ازاي يعني مش هنام النهارده غير لما اعمل كده والحمدلله ماشي علي كده وان شاء الله عايز همتك عالية كده عشان نشد بعض اكتر الرسول صلى الله عليه وسلم قال ((المؤمن للمؤمن كالبنيان يشد بعضه بعضا))
سارة: باذن الله بجد انا فخورة بيك
معتز: ربنا يبارك فيكي يارب يا سارة وانا كذلك فخور بيكي من زماان جدا
تعرفي بقيت بضايق جدا لما بيروح عليه يوم صلاة القيام او الفجر وأوقات ماما بتصحيني لما بكون في البيت وقتها بعرف قيمة يعني ايه زوجة صالحة يعني هتقولي يلا يوم هقولها يلا نقوم يوم هنشجع بعض التعاون ذات نفسه احلي حاجه تخيلي بقي لما نتعاون علي طاعة الله يعني بجد وانتي لوحدك بتحسي انك تايهه اما ان يكون معاكي حد في ده حاجه تانيه خالص نفسي نعمل سباق بنا دايما كل يوم نتعلم حاجه جديده ولو معلومة سطر بس يبقي اسمي عملت حاجه في اليوم ده يومي معداش كده فاهمه
سارة بابتسامة حالمه وكأنها تتخيل كل اللي قاله بيحصل أمامها :تعرف ان ده اللي نفسي فيه من زمان
يعني الكلام ده كنت انا هقوله ليك بس بجد ربنا بيعوض إننا صبرنا كل الفترة دي ومش غضبنا ربنا
ربنا عوضنا بالي بنحلم بيه فعلا انه اللطيف الحمدلله
معتز بابتسامة : الحمدلله
سارة:عندك حاجه تانيه تقولها
معتز:علي الكلام في كتير اووووي بس رضا ربنا اكبر من اني اقوله دلوقتي هصبر يا سارة عشان انتي غالية
سارة بخجل شديد :احم طيب انا هقوم عشان تتفقوا وتقوم سريعاً من غير ما تسمع رده
يضحك عليها معتز وينادي علي زين
بعد شويه
زين:انا فرحي وكتب كتابي بعد اسبوعين خليك انت بعدي بشهرين من دلوقتي ان شاء الله
معتز:طيب ما تخليه معاك في نفس اليوم ومش هضايقك والله انا هكتب الكتاب وهمشي علطول مش عامل افراح انا
ليلي:بس انا عايزه افرح بيك طول عمري بتمني اني اعملك فرح كل الناس تتكلم عليه
معتز : واحنا مالنا يا ماما بالناس احنا بنفرح لنفسنا مش عشان الناس
زين: خلاص نعمل فرح اسلامي سوا في نفس اليوم
ليلي: وتشغلوا الاغاني من غير موسيقي والكلام ده لا انا عايزه افرح
زين: مين قالك بس يا عمتي انك مش هتفرحي اولا اول فرحه هي فرحتك بمعتز ثاني حاجه بقي انك تفرحي ان ابنك مش عايز يغضب ربنا في حياته الجديد ان الفرح يكون مختلط او اشتغل فيه الموسيقي
وانتي متاكده ان الاغاني حرام
ليلي:بس مش علي يوم يعني ابقي استغفروا
زبن:طيب وهل حد فينا ضامن عمره الله اعلم.. كل واحد ليه اجل ممكن يكون في القاعة حتي يعني مش هنلحق نستغفر حتي هنموت واحنا كنا بنعصيه وبنسمع اغاني دي طبعا غير الاختلاط بين الشباب والبنات الرسول صلى الله عليه وسلم قال((يأتي علي امتي اقوام يستحلون الحرا والحرير والخمر والمعازف))انتي متخليه المعازف اتحطت مع ايه
وقال الله تعالى ﴿ وَمِنَ ٱلنَّاسِ مَن يَشۡتَرِي لَهۡوَ ٱلۡحَدِيثِ لِيُضِلَّ عَن سَبِيلِ ٱللَّهِ بِغَيۡرِ عِلۡمٖ وَيَتَّخِذَهَا هُزُوًاۚ أُوْلَٰٓئِكَ لَهُمۡ عَذَابٞ مُّهِينٞ ﴾(لقمان 6)
واقسم بن مسعود ان اللهو يقصد بيه الاغاني
ليلي: تمام خلاص اسلامي اسلامي بس افرح
زين : ربنا يسعدك دايما يارب يبقي كده اتفقنا
وينتهوا اليوم بالسعادة علي الجميع
خلال الاسبوعين الجميع مشغول بتحضير الفرح زين وأماني ومعتز وسارة
_______ يوم الفرح______
وسارة وأماني في الكوافير
سارة:تفتكري معتز هيفرح بالنقاب
أماني: أكيد هيفرح ان شاء الله
سارة:انا مبسوطة أوي يا أماني حاسه اني ملكه
أماني: ربنا يسعدك دايما يا سرسور
سارة: أمين انا وانتي هما اتأخروا ليه كده بقي
أماني:متأخروش ولا حاجه انتي اللي مستعجلة اهدي اقعدي استغفري لحد هما ما يخلصوا
سارة: حاضر
شويه وزين يخبط ويدخل ليهم ويكونوا منزلين النقاب
زين :باستغراب فين سارة
سارة:انا اهه
زين: اللهم بارك يا حبيبتي مقولتليش علي النقاب ويقرب منها ويضع قبلة علي رأسها جميل عليكي يا حبيبتي ربنا يثبتك عليه يارب
سارة:امين يارب
زين لسه هيقرب من أماني
أماني:خليك مكانك احنا لسه مكتبناش الكتاب
زين :حاضر يا ستي
واخذ سارة وطلع وبعدين احمد دخل اخد أماني ومشيوا علي القاعه
القاعه كانت عباره عن قاعده مقفوله وقاعه بالخارج مفتوحه للشباب
دخلوا الاول عشان يكتبوا الكتاب
الاول بدأ سارة ومعتز وبركوا ليهم جميعا وبعدين تم كتابة الكتاب لزين وأماني
عند سارة ومعتز اول ما كتبوا الكتاب
معتز :معلش بس كده يعني عن اذنكم شويه واخد سارة في غرفة الاستراحه
في الداخل
معتز : واخيرا يا سارة.... بجد مش مصدق نفسي انك بقيتي ليه انا لوحدي وفرحت اكتر انك لبستي النقاب انتي ملكي انا بس انا بس اللي مسموحلي اشوفك
سارة:لا رد
معتز :لا ردي الله يكرمك احنا بقالنا سنين ساكتين وبدأ يرفع النقاب
وكانت سارة وجهها شديد الإحمرار
معتز بهمس:بحبك
سارة لسه ساكته معتز فضل يضحك عليها
سارة :بعصبية انت بتضحك علي ايه
معتز: وأخيراً سمعت صوتك وحشني صوتك
سارة: بس بقي يلا نطلع
معتز اضايق ان سارة مش بترد عليه وحس انها مش بتحبه  
معتز:تمام يا سارة اتفضلي نزلي النقاب ويلا ولسه هيمشي يقف عند الباب تمسك سارة ايده
سارة:معتز انا اسفه بس لاحظ ان أول مره اتعامل مع راجل غريب ويكون قريب مني كده والله بحبك بس بس
معتز شاورلها تسكت وانا مش عايز بعد الكلمة دي اي حاجه ولسه هيطبع قبله علي رأسها زين خبط علي الباب انهم يطلعوا
معتز:يخربيت فصلانك يا شيخ يلا نطلع ونزلها النقاب وطلعوا
زين:ايه ده كله بتعملوا ايه اطلعوا يلا دوري انا بقي واخد اماني ودخل
زين : مد ايده عشان يسلم عليها
وأماني واقفه
زين :اقسم بالله بقيت جوزك ولا انتي مستنيه القسيمة تطلع
أماني فضلت تضحك عليه
زين:طيب شيلي النقاب اشوفك طيب وانتي بتضحكي مره من نفسي
أماني: مدت ايدها ليه اخيرا وسلمت عليه وبعدين وجهت نظرها لعينه ودي اول مره تشوف فيها عينه سرحت فيها وكذلك زين
زين :بحبك أوي بحبك من اول مره شوفتك فيها
أماني:وانا كمان
زين :انتي ايه
أماني:زي ما انت قولت
زين :لا عايز اسمعها
أماني:ب بحبك
قرب منها زين وحضنها وفضل يلف بيها
زين : انتي اغلي شئ انا حصلت عليه في الدنيا انتي نعمة من عند ربنا ليه
أماني : لسه هترفع النقاب زين مسك أيدها ونزلها بلاش دلوقتي عشان انا لو شفتك مش هقدر امنع عيني عنك تاني يلا بينا نطلع
وطلع زين ومعتز من القاعة مع الشباب بره
وقلعت أماني وسارة النقاب وكانوا الاتنين قمرات واتجمعت حواليهم البنات ومنهم نهال اللي سيف محذرها انها متتحركش من مكانها
وكانوا الجميع سعيد ليهم بعيد عن بعض الناس الذي لا يفهمون معني طاعة الله
______
بعد انتهاء الفرح اخد كل واحد عروسته وبدأو حياة جديدة بطاعة الله لم يعصوا فيها الله من اول يوم بحجة انها ليلة العمر ولن تتكرر
_____
بعد اسبوع كان معاد الطيارة ليهم جميعا ومعهم ليلي للذهاب للسعودية لأداء العمرة
زين :كلمتي سارة يا أماني
أماني:ايوه هما طلعوا خلاص
زين :تمام يلا بينا وذهبوا جميعاً
وكانت من اجمل أيام حياتهم
كانت أماني وزين لا يفارقوا المكان الا قليلا جدا
وبعد شهر رجعوا مصر
_______
وأول ما رجعوا سمعوا خبر احزنهم جميعا
ايه هو هنعرف ان شاء الله في الفصل التاسع والاخير❤️
#خلود_سمير