أقدار الله

الفصل الثاني

(أقدار الله)
وقفنا عند لما هناء دخلت المطبخ تشوف ايه حصل
أول ما تدخل تلاقي أماني واقعه علي الارض فاقده الوعي، تحاول تصحي فيها ووجها اصفر.
في نفس الوقت يجي والدها ويشوف بنته وهي علي هذا الحال يأخدها سريعاً علي المستشفى، فهو لا يملك غيرها
في المستشفى
يخرج الدكتور
يجري علي الاب
أحمد: ملها يا بني طمني عليها
زين (الدكتور) الحمدلله هي حاليا كويسه ركبت ليها محلول شكلها مأكلتش بقالها فتره، حاولوا بعد كده تهتموا بأكلها شويه لان جسمها ضعيف خالص.
أحمد: ان شاء الله يا دكتور شكرا .
زين :الشكر لله
ــــــــ
يدخل لها الاب وتكون فايقه كده يا حبيبتي تخضيني عليكي ليه مهمله في صحتك كده
أماني: بنسي والله يا بابا، انا عارفه ان صحتي دي هتسأل عنها، بس غصب غني والله لما باجي من الجامعه بنشغل بشغل البيت وبنسي أكل.
أحمد: شغل بيت ايه اللي إنتي بتعمليه يا حبيبتي مش هناء اللي بتعمله كل يوم.
أماني: لا أنا اللي بعمله لما اجي من الجامعه
أحمد: يتعصب ويفهم ان هناء بتضحك عليه وبتشغل بنته كل يوم، بعد كده يا حبيبتي ملكيش دعوه نهائي بشغل البيت ركزي في مذاكرتك وبس فاهمه
أماني: بإبتسامة حاضر
تدخل هناء عليهم فقد كانت بتجيب اكل ليهم
هناء: حمدلله على سلامتك يا حبيبتي
أماني: من غير نفس الله يسلمك.
احمد: انتي ليه مش مهتميه بيها يا هناء دي وصيتي ليكي
هناء: ابدا يا حبيبي من قال إني مش مهتميه بيها، هي بس اللي ضعيفه
احمد: بنظره هي فهمتها كويس، بعد كده شغل البيت عليكي إنتي، أماني متعملش أي حاجه كفايه عليها الجامعه.
هناء: بغل لأماني حاضر يا حج
يدخل الدكتور عشان يكشف عليها بعد ما استأءن وده كله أماني ناسيه إنها مش لابسه النقاب.
زين: حمدلله علي سلامتك يا انسه
هناء: الله يسلمك
زين: مش هوصيكم تاني علي أكلها، لأني شايف وشها اصفر جدا محتاجه تغذيه وهنا تلاحظ أماني إنها من غير نقاب تغطي وجهها بإدها سريعه وتتكلم بإنفعال فين النقاب بتاعي
احمد: معلش يا حبيبتي بس لما شوفتك كده محستش بنفسي غير وإنا شايلك وجايبك علي هنا
أماني: يعني أنا جيت من البيت لهنا من الغير النقاب
احمد: ايوه، معلش حصل خير يا حبيبتي
أماني ببكاء ياتري في كام واحد شاف وشي وإنت جاي بيه كده، ليه يا بابا بس كده، كنت سبتني اموت احسن انت عارف إن مش بحب حد يشوف وشي.
كل ده وزين واقف مصدوم هو لسه في بنات كده ويزاد اعجابا بيها فهو أول ما شاف وشها وهي نايمه سرح في وجهها الملاكي فهي تشبه الأطفال وهي نايمه.
زين: احم طيب بعد اذنكم
احمد: اتفضل يابني
ــــــــــــ
وتخرج أماني من المستشفى وزين كان زعلان جدا إنه ممكن ميقدرش يشوفها تاني.
ـــــــــ
تاني يوم في الجامعة تحكي نهال إللي حصل معاها كله لأماني
أماني:يعني هتتحسب عليكي جوازه وخلاص.
نهال بحزن:طيب اعمل إيه يا أماني.
أماني: احم بصي هو انتي يعني مفيش أي اعجاب أي حاجه خالص لسيف
نهال:ممكن وانا صغيره أصل بصراحة سيف يعني حلو، يعني إعجاب بتاع المراهقين ده ليه؟
أماني:بصي يا حبيبتي كده الموضوع بقي أمر واقع،ليه متحوليش تدي ليه ولنفسك فرصه ممكن بسببك هو يلتزم ويبقي كويس مثلا وبكده ممكن تحبوا بعض، ويبقي مفيش طلاق ولا حاجه.
نهال:انا وسيف نحب بعض هههه بتحلمي
أماني: جربي يا ستي هتخسري اية
نهال:إن شاء الله لعله خير.
تيجي عليهم ساره صاحبتهم
ساره:اذيكم يا بنات عاملين ايه
نهال وأماني:الحمدلله بخير تعالي اقعدي
سارة:صراحة حبه اتكلم معاكم في حاجه،حاسة إن عندي فتور وبصلي زي مش بصلي وتعبانه جدا حاسه إن في حاجه خنقاني.
نهال: بصي يا سرسور الفتور علاجه توثيق الصلة بالله عن طريق قراءة القرآن
-والاكثار من الاستغفار والصلاة علي الحبيب، والباقيات الصالحات، الحوقله بمعني اصح الاكثار من ذكر الله.
-وطبعا الحرص علي الصحبه الصالحة النشيطه، فصاحب الهمه يزيدك نشاطا
-الدعاء وخاصه في جوف الليل.
طبعا عارفه ان الايمان بيزيد وينقص، أي حد بيجي عليه وقت بيحي إنه في تراجع في العبادات واداء الطاعات ووممكن توصل البعض إنه يتراجع في أداء بعض الفروض
وممكن يكون سبب الفتور كمان هي كثره المعاصي
قال رسول الله صلى الله عليه وسلم ((إن الايمان ليخلق في جوف احدكم كما يخلق الثوب. فأسألوا الله تعالي: ان يجدد الايمان في قلوبكم))
الحديث ده بيقول ان الايمان بيزيد بالطاعات وبينقص بالمعاصي وعلي المؤمن ان يحرص علي تجديد إيمانه وزيادته.
وكمان معني (إن الايمان ليخلق في جوف احدكم) اي يبلي ويضعف في قلب المسلم ويكون ذلك بسبب الفتور في العبادة.
واهم حاجه نفضل متماسكين كل ما تقعي قومي واتحدي شيطانك وجاهدي من طول ما انتي بتجاهدي اعرفي إنك هتوصلي( وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ  (69 العنكبوت)حتي لو حاسه إنك مقصره في الصلاة صلي بلاش تقطعي الصلة اللي بينك وبين ربك،وإحنا معاكي في أي حاجه عايزاها تمام كده يا سرسور.
ساره:شكره جدا يا نهال،بإذن الله هحاول أعمل اللي قولتي عليه وهتحدي وباذن الله هوصل.
أماني:اللهم بارك،ربنا يثبتك دايما يارب.
ساره:امين يارب، طيب أنا همشي بقي عشان زين رن عليه يبقي قرب يوصل.(الدكتور يبقي اخو ساره)
نهال:يلا نمشي مع بعض احنا كمان مروحين.
ساره:تمام يلا.
عند باب الجامعة
نهال:ما فين اخوكي ده
ساره:زمانه جاي دلوقتي،إمشوا انتم
أماني:لا احنا واقفين معاكي لحد هو ما يجي مينفعش تقفي لوحدك كده.
زين قرب منهم مشي
ساره:زين إنت فين عربيتك
زين:ملقتش مكان اقف فيه وقفت قدام شويه
ساره:تمام يلا تعالوا يا بنات نوصلكم.
أماني:لا يا ساره شكرا اتفضلي انتي.
زين عارف صوتها كويس معقول تكون هي
زين:احم هو حضرتك أنسه أماني
أماني:ايوه انا يا دكتور زين
زين:انتي مش تعبانه كان مفروض ترتاحي شويه في البيت
أماني:الحمدلله أنا بقيت كويسه،يلا يا نهال،عن اذنك يا ساره
ومشت هي وهي نهال وزين واقف يبص عليها وهي ماشيه
ساره: مشيت علي فكره يا زين
زين:احم يلا.
نهال:انتي كنتب تعبانه ومقولتليش
أماني:يابنتي دخت بس شويه امبارح وروحت المستشفى بس والحمدلله كويسه قدامك اهه
نهال:الحمدلله يا حبيبتي،احم احم بس الدكتور شكله معجب دي عرفك من صوتك
أماني:بلاش كلام فاضي واسكتي خليني نروح بسرعه.
نهال:طيب
____
بعد يومين
عند أماني بعد ما رجعت من الكلية لقت هناء قاعده علي قدام التلفزيون وماسكه رأسها
قربت منها
أماني:حضرتك كويس
هناء :ملكيش دعوه بيه وقومي من وشي ادخلي اوضتك وعندك جوه الاكل جاهز عشان متشتكيش لابوكي
أماني:فضلت السكوت وقامت دخلت اوضتها
غيرت وصلت وبعدين طالعه تاني عشان تأكل لقت هناء شكلها تعبان جدا ونايمه
قربت منها تاني وحطت ايدها علي جسمها كانت سخنه أماني : بخضه انتي سخنه جامد لازم نروح المستشفى دلوقتي وشكلك تعبان جدا قومي البسي
هناء:ملكيش دعوه بيه قولتلك انا كويسه
أماني:لا مش كويسه قومي يلا واخذتها لبستها وكلمت والدها انه يحصلهم علي المستشفى  .
وصلوا الاول اماني وهناء المستشفي ودخلوا اوضه الكشف
شويه وجه احمد و دخل يسأل عنهم في الاستعلام
شافه زين قرب منه قلق ان يكون حصل لاماني حاجه تانيه
زين:استاذ احمد اخبارك ايه
احمد: الحمدلله يا دكتور انتي اخبارك ايه
زين: الحمدلله في حاجه عشان انت هنا الانسه اماني حصلها حاجه تاني
أحمد:لا المرة دي هناء مراتي اللي تعبت لسه مش عارف مالها
زين:طيب اتفضل وانا هاجي معاك اطمن عليها
احمد:مفيش داعي يابني هتعبك معايا
زين : مفيش تعب ولا حاجه اتفضل
وصلوا عند الاوضه خبط احمد ودخل كان لسه الدكتور عندها
احمد لاماني قال عندها ايه
أماني:ضغطها واطي وكانت سخنه جدا بيركبلها محلول احمد:طيب زين بره هطلع اشوفه
أماني :زين مين؟
احمد: الدكتور اللي كان بيكشف عليكي شافني وانا داخل وجه يطمن عليها
أماني:طيب
طلع ليه احمد بره كان لسه واقف
زين : الدكتور لسه جه ولا طلع
احمد:لا لسه جوه الحمدلله مفيش حاجه خطيرة الضغط واطي بس روح انت يابني شوف شغلك
زين:بس طول تفكير عمي هو في حاجه هو عارف انه مش وقته بس مش ضامن الصراحه اني اشوفك تاني
احمد:اتفضل يابني
زين :انا عايز اطلب ايد الانسه أماني
احمد: صراحه فاجأتني
زين: خد راحتك في التفكير والانسه اماني بردو وده رقمي هستني من حضرتك الرد
أحمد: ان شاء الله  يدهدخل انا ليهم واتفضل انت شوف شغلك عشان معطلكش اكتر من كده
زين:تمام يا عمي لو احتجت اي حاجه في اي وقت رن عليه وانا هجيلك علطول
احمد: ربنا يبارك فيك يارب
زين:امين سلام عليكم
احمد: وعليكم السلام ورحمه الله وبركاته
ويدخل ليهم ويفضلوا قاعدين معاها لحد ما تخلص المحلول وبعدين يأخدها ويروحوا
بعد ما يروحوا اماني تفضل مع هناء وبتعملها الاكل هناء:حست قد ايه هي ظلمتها رغم قسوتها معاها الا انها مع اول تعب ليها وقفت جنبها ومش سبتها عرفت ان ربنا بيعوض هي مش بتخلف بس مكنتش واخده بالها ان ربنا معوضها احسن من بنتها الي كان ممكن تخلفها هي
بدأت هناء تعاملها كويس زي بنتها واكتر وأماني حست فعلا بكده
____
بعد يومين بعد ما رجع احمد من الشغل نادي علي أماني
أماني: نعم يا بابا
احمد:تعالي يا حبيبتي
أماني:اتفضل محتاج حاجه
احمد:لا يا حبيبتي اقعدي بصي في عريس جاي ليكي وانا سألت عليه ما شاء الله سيرته كويسه خالص وملتزم وهو الدكتور زين اللي كشف عليكي فانتي صلي استخارة كده وردي عليه شوفي اقوله يجي ولا لا
أماني: تمام يا بابا
بعد يومين بعد ما صلت استخارة عدة مرات ردت علي والداها بالموافقه وكلمه فعلا احمد وخبره بموافقتها مبدأيا واتفقوا انه يجي تاني يوم الساعه السادسه
فرح زين جداً وخبر سارة اللي فرحت اكتر منه لأنها بتحب اماني جدا ووجودها معاها هيفرق في التقرب الي الله
_______
تاني يوم الصبح عند أماني
تدخل عليها هناء
هناء: قومي يلا يا حبيبتي
أماني:امممم
هناء :قومي يلا عشان نلحق ننضف البيت قبل العريس ما يجي
أماني:لا انا عايزه انام مش عايزه اتجوز غيرت رأي
هناء:قومي يلا يا زفته الساعه بقت ١
أماني:قامت بسرعه يلهوي مصلتش الظهر
هناء: اخيرا قومتي الساعه يختي لسه 10 قومي يلا عشان نلحق نخلص
أماني: طيب قايمه
وتقوم تصلي وبعدين تبدأ تنظيف خلصوا بعد للعصر اخير
هناء :قومي يلا انتي يا حبيبتي البسي
أماني:اتفضل بس اخر حاجه هخلص وادخل
هناء:لا ادخلي انتي وانا هعملها عشان تلحقي
أماني: ربنا يخليكي ليه يارب حاضر داخله اهه
ودخل تلبس وتجهز وبعدين ترن علي نهال لسه هتتكلم لقت الحرس بيرن
اماني: يلهوي الحقيني يا نهال وصل، انا هطلع ازاي قدامه من غير النقاب، لالا انا مش عايزاة خليه يرجع.
نهال فضلت تضحك عليها من كتير الضحك معرفتش تتكلم
اماني: ما العيب عليه إني بكلمك أصلا وقفلت السكه في وشها ولسه نهال بتضحك عليها
نهال: والله هبلة، ربنا يوفقك يا بنتي يارب
تقعد أماني تذكر لله ومتوتره جدا

هنعرف ايه حصل بس المره الجايه ان شاء الله
#خلود_سمير