أقدار الله

الفصل الاول

(أقدار الله )
بصي انا اتخنقت منك مش كفايه مفيش حد راضي يبص حتي في وشك ولا يعبرك.
نهال: تبكي بحرقه علي كلام والدها
صالح: من بكره اللي انتي لبساه ده يتقلع مفيش خروج تاني بالنقاب ده... إنتي فاهمه ويسبها ويمشي.
تجلس نهال علي الارض.. يارب ارزقني بزوج صالح... بس إلا اني اخلع النقاب.. ياااارب.
تدخل نهال غرفتها تصلي ركعتين لله حتي تهدأ وتبكي بين يدي ربها._____
تاني يوم نهال نازلة الجامعة ولابسه النقاب بردو.
صالح بغضب: نهاال
نهال بخوف: نعم
سالم: هو انتي مبتفهميش ولا إيه، ادخلي اقلعي إلي انتي لبساه ده لإما مفيش خروج.
نهال: يا بابا لو سمحت، كده مستقبلي هيضيع انا عندي النهارده امتحان.
صالح: خايفه علي مستقبلك أوي كده يبقي ادخلي اقلعي الزفت اللي إنتي لبساه ده، مش عارفه عاجبك في إيه وانتي شبه العفاريت كده.
في هذا الوقت يرن الحرس يدخل سيف تفتح له ثريا) والده نهال) تعالي يا سيف يابني
سيف: في إيه يا مرات عمي ايه الصوت ده.
ثريا: عمك ونهال زي العادة بس المرة دي عمك منشف دماغه خالص ومش مخليها تنزل غير لما تقلع النقاب.
سيف: طيب هدخل ليه يمكن اقدر اقنعه
يدخل سيف عندهم
سيف: في ايه يا عمي صوتك عالي ليه كده
صالح:قول لبنت عمك
سيف: في ايه يا نهال انتي
نهال: عندي امتحان وبابا مش راضي ينزلني غير لما اخلع النقاب، وانا مقدرش اعمل كده، كل ده عشان اتجوز، انتم ليه مش فاهمين ان نصيبي بالنقاب هو هو من غير النقاب، الشخص اللي مكتوبلي اكيد هتحوزه بالنقاب او من غير، النقاب ده طاعه لله، انتم ليه شايفين انك ممكن طاعه تمنع رزق،وتبكي نهال لانها لا تعرف ماذا تقول بعد.
سيف: اتاثر بكلام نهال واقتنع بيه، ولاول مره نهال تتكلم وترد عليه حتي، اخر مره اتكلم معاها كانت صغيرة جداً لسه في اعدادي لحد ما دخلت اولي ثانوي ولبست النقاب وهي مش بتخطلط بيهم ولا بتتكلم مع شباب العيلة ولا بتسلم عليهم.
اعجب بيها سيف ومن كلامها
سيف: عمي انا بطلب ايد نهال منك.
نهال بصت ليه بصدمة أما صالح فرح جدا أخيراً ان في حد اتقدم ليها ومين سيف بن اخوه ومين من اصحاب الشركات، غير انه من اجمل الشباب ووسيم جدا، اي بنت تتمناه ليه.
صالح: انت بتتكلم بجد يا سيف
سيف: ايوه طبعاً
نهال: تبكي من خلف النقاب، هي لاتريده.. بعد كل هذا الصبر تتجوز سيف، تسمع عنه انه لا يصلي الا فين وفين ولا يعلم كثير عن دينه، لم يكن ملتزم مثل هي ما كانت تتمني ولكن الان كل ما يهمها هو الامتحان
نهال: بعد اذنك يا بابا ينفع بقي انزل عشان الامتحان
صالح: تمام انزلي
سيف اول ما سمع صوتها عرف انها بتبكي.. هل هي حقاً لا تريده
سيف طيب استني اخدك معايا طريق الشركه علي طريق الجامعه بتاعتك
نهال: مينفعش طبعا اركب معاك لوحدينا
سيف: ليه يعني احنا بقينا في حكم مخطوبين يعني
نهال: والله انت حتي لو بقيت خطيبي بردو مش هركب معاك لوحدي
صالح: امشي يابني روح شغلك دي معقدة، كل حاجه عندها حرام.
نهال اتعصبت ولكن حاولت تهدي نفسها مهما كان ده والدها، الله حضرتك يا بابا مش انا اللي بحرم وانا اللي بحلل انا ماشية علي منهج الله وسنة رسولة.
صالح: شوفت اهي قلبت شيخة
نهال: الحمدلله انا ملتزمة بس مش شيخة وعن اذنكم انا همشي لاني اتاخرت علي الامتحان.
وتمشي فعلا وسيف مستغرب هي بقت كده ازاي، دي نهال اللي كانت دلوعة العيلة، وفكر في نفسه انه ازاي هيعيش معاها كده، سيف انا اللي قليل الادب وجيته نفسي ايه اللي انا عملته ده. ويستاذن ويمشي علي شغله، واخد موعد إنهم يجيوا بليل ان شاء الله يطلب ايدها منهم بوجود والده ووالدته
____
نهال راحت الجامعة وكانت مصدومه من فعل سيف ليه هو عمل كده، هل للشفقه عليها ام ماذا دخلت الامتحان وشويه وطلعت وهي لا تعرف ماذا حلت في الامتحان.
أماني تقترب منها (أماني منتقبه أيضًا)
أماني: نهال عملتي ايه في الامتحان.
نهال: الحمدلله
أماني:مالك يا نهال!؟
نهال:تبكي وكأن ما صدقت وترمي نفسها بحضن أماني
أماني:مالك يا حبيبتي احكي
نهال:حكت ليها كل اللي حصل
أماني:طيب هو سيف ده مش ملتزم خالص يعني
نهال:لا اهم حاجه عنده الشغل،مش عارفه ليه هو عمل كده،وانا متاكده اني بنسبه ليه اخته مش اكتر
أماني:بصي يا نونو انتي عندك ثقة في ربنا صح
نهال:ايوه
أماني:هل عندك شك ان ممكن ربنا يخليكي تشقي او تكوني مش سعيده،مش ممكن يكون سيف ده هو نصيبك،وبعد كده يا ستي باذن الله هنعرف هو ليه عمل كده واتقدم ليكي،ولعل تكوني انتي سبب هدايته وربنا بعتك ليه فخليها علي ربنا ومتزعليش نفسك خالص ولا تفكري اصلا،واعرفي انه كله خير ليكي وربنا يصلح حالك ويقدملك اللي فيه الخير يااارب
نهال:نهال ياارب يا أماني متعرفيش كلامك ريحني ازاي،ربنا يريح قلبك ويرزقك بالزواج الصالح اللي يعينك علي طاعة ربنا ويريح بالك يارب.
أماني:يارب يا ستي يلا نروح بقي
نهال:يلا ______
في الامس جه سيف وأهله عشان الرقية الشرعيه
يجلسوا وفجأة نهال تدخل عليهم من غير النقاب
يزهل سيف من جمالها هذه حقا نهال الطفله الصغيره دلوعه العيلة اصبحت اجمل بكثر، ترفع نهال وجهها من الارض تلاقي سيف منزلش عينه من عليها تخجل وتغضب منه.
شويه ويسبوهم يقعدوا لوحدهم
سيف: عامله ايه
نهال: الحمدلله
سيف: طبعاً انتي عرفاني وانا عرفك مش محتاجين نتعرف يعني.
نهال: سيف كام عدد سور القرآن، سؤال سهل اهه
سيف: بحرج منها مش عارف الصراحه
نهال: تنظر له وبعدين تسكت
سيف: سكتي ليه
نهال: اقولك حاجه عشان اكون صريحه معاك انا طول عمري بتمني اتجوز واحد ملتزم، وانا عارفه حتي لو رفضتك بابا مش هيوافق، وهيصمم اخلع النقاب
انت ليه عملت كده
ليه طلبت ايدي، منكرش ان الوقت انت فعلا انقذتني، بس ليه تدبس نفسك
سيف: انا عن نفسي مش عارف، تحبي انا ارفض طيب تاني
نهال: بابا هيعرف ان انا السبب وهيخليني اخلع النقاب، وفي الاخر اللي ربنا رايده هيكون
سيف:كان زعلان عليها وقد ايه هي كبرت في نظره عشان خاطر متقلعش النقاب، وافقت انها تدمر حياتها وتتجوز من واحد مش عايزاه ولا بتحبه.
سيف:طيب ايه رايك نعمل اتفاق
نهال: اتفاق ايه
سيف: يبقي جوازنا سوري، انتي عشان عمي والنقاب وأنا عشان امي بقالها كتير عايزاني أتجوز وانا مليش في الجواز وانتي عارفه وهيكون لفتره بس وبعدين كل واحد يروح لحاله
نهال: بتفكير وحزن تمام.
وينتهي اليوم ويتفقوا علي كل حاجه وان الخطوبه وكتب الكتاب في يوم واحد بعد اسبوعين.
ــــ
نهال تدخل اوضتها وكأنهم كانوا بيموتوها بره، ليه تتجوز بالطريقه دي هي وتفضل تبكي علي حالها وبعدين تقوم تصلي وتفضل تقرأ قرآن فهو مصدر قوتها وتنام هي بتقرأ وهي عندها ثقه بالله وهو لا يضرها أبداً.
ــــــــ
عند أماني كانت قاعده بتفكر في نهال وكانت زعلانه عليها
تدخل عليها مرات ابوها
هناء: ها بتفكري في مين كده يختي، ما مش بيطلع غير منكم انتم يلا بتعقدوا كل حاجه
أماني: بملل فهذا هو عادتها، نعم في حاجه
هناء: وكمان بتردي عليه، ما تتعدلي كده في كلامك، وقومي يلا شوفي شغل البيت بدل ما انتي قاعده تفكريلي في حبيب القلب
أماني: حبيب قلب مين ما تشوفي انتي بتقولي ايه، انا لحد دلوقتي مش راضيه ارد عليكي احترامي لابويا وانك اكبر مني بس
هناء: ماشي يا ست المحترمه قومي شوفي شغل البيت يلا
أماني: تقوم فعلا لانها معندهاش خلاص طاقه تتكلم معاها اول تدخل معاها في نقاش فكل يوم علي نفس الحال أماني تيجي من الجامعه تشتغل شغل البيت كله وهي قاعده علي التليفون او التليفزيون مش بتعمل حاجه غير كده، وقدام والدها تبان الام الحنينه ليها، حقاً كرهت حياتها في هذا البيت.
بعد شويه هناء تسمع صوت جامد من المطبخ تتخض وتقوم بسرعه تشوف ايه حصل
واول ما دخلت انصدمت
يا تري ايه حصل هنعرف المره الجايه ان شاء الله
#خلود_سمير