أقدار الله

الفصل السابع

وقفنا اخر مره اما كانت نهال في المستشفى وطلعت حامل
بره عند زين واماني
أماني : شكرا يا زين تعبتك معايا
زين :مفيش تعب ولا حاجه انتي هتروحي ولا ايه
أماني : ايوه هدخل اطمن عليها وامشي علطول
زين : طيب يلا وانا مستنيكي عشان اوصلك
أماني: مينفعش طبعا
زين:قصدي اوصلك بره للتاكسي اكيد يعني مش هوصلك انا ومفيش حد معانا ما كفايه  اختبار امبارح
أماني : طيب انا انا هدخل بقي لنهال
يضحك زين عليها ويطلب تاكسي ليها
وشويه واماني تطلع ويوصلها
زين :بعد ما تمشي امتي بقي تكوني حقي انا وبس ويدخل يشوف شغله
وشويه ويطلع نهال وسيف من المستشفى يروحوا
____
في الشقة عند سيف ونهال بعد ما روحوا
نهال:نزلني بقي يا سيف خلاص دخلنا الشقة
سيف :لا حد ما ادخلك لحد السرير عشان ترتاحي
نهال:انا الحمدلله بقيت كويس نزلني بقي عشان اعمل الاكل لسه مش طبخت
سيف:اكل ايه يا حجه انسي بعد كده انك تطبخي انتي مش هتقومي من هنا لحد ما تولدي ان شاء الله
نهال:ليه ان شاء الله
سيف : يا حبيبتي عشان ميحصلكيش حاجه
نهال:طيب مين هيطبخ وينضف
سيف :عادي هجيب اكل من بره والتنضيف هشوف واحده  تيجي تنضف كل يومين كده
نهال:تيجي وانت مش هنا مش عايزاها تلمحك ولا انت حتي فاهم
سيف:حاضر حاجه تاني يا ست نهال
نهال: اه عايزه مانجة
سيف : دلوقتي
نهال:ايوه
سيف : حاضر احنا بدأنا
نهال:في حاجه يا سيف
سيف:لا يا روحي انتي تؤمري
نهال:الامر لله يا حبيبي
______
بعد مرور شهر
نهال طول الشهر كل يوم تتطلب من سيف حاجه جديدة عايزها
أما زين فقرر انه هيفاتح والد أماني في انهم يكتبوا الكتاب ويقدموا الفرح
_____
عند معتز
ليلي : انت مش هتتجوز بقي يا معتز نفسي يا بني اشوف اولادك قبل ما اموت
معتز:بعد الشر عليكي يا حبيبتي قريب ان شاء الله
ليلي:قريب امتي كل ما اكلمك تقولي قريب قولي بس انك موافق وانا اجبلك واحده زي القمر وملتزمة من بكره
معتز:هي لو علي العروسه فهي موجودة بس هي توافق
ليلي:مين
معتز:سارة
ليلي:زين ما اخترت والله وسارة مش هتوافق ليه
معتز :حاسس كده
ليلي:طيب كلم زين النهارده وشوف ردها
معتز :خايف ترفض
ليلي:انت بتحبها
معتز :من زمان اوي يا امي بحبها اوي
ليلي:ان شاء الله هتوافق كلم انت زين بس النهارده ولو ليك نصيب هتخدها
معتز :ان شاء الله
ليلي: النهارده يا زين كل يوم هتقول بكره هتتفاجأ مره واحده انك رايح تحضر خطوبتها
معتز : فتح تلفونه بسرعه واتصل علي زين
زين: السلام عليكم ورحمه الله وبركاته
معتز: وعليكم السلام ورحمه الله وبركاته
زين :مش مصدق بجد انك بتتصل عليه اخبارك ايه وحشني والله
معتز: والله انت اكتر انا الحمدلله بخير انت اخبارك ايه
زين: الحمدلله في نعمة
معتز :عايزك في موضوع ضروري
زين : موضوع أيه
معتز :لا خليه احسن لما اشوفك
زين:طيب لو فاضي تعالي دلوقتي المستشفى
معتز: تمام ساعه كده واكون عندك ان شاء الله
زين :ان شاء الله مستنيك
ويقفل معتز معاه ويجهز نفسه ويذهب إليه
بعد ساعة يوصل معتز لزين
زين : اهلا اهلا يا حضرة الظابط عاش من شافك يا بني
معتز :يا عم ما انت عارف شغلي عامل ازاي
زين: ربنا يقويك يارب
معتز: امين يارب ولك بالمثل
زين: ها ايه الموضوع اللي مخليك تجيلي مخصوص دي؟
معتز: في الاول بس كده الموضوع ده اذا وافقت او رفضت مش هيغير حاجه في علاقتنا احنا شخصيا
زين: طيب قول في ايه
معتز: بصراحه كده انا عايز اتجوز سارة
زين: فضل ساكت شويه وبعدين اتكلم صراحه فاجأتني مجاش في دماغي كده خالص
معتز:طيب انت ايه رايك
زين:اكيد انا موافق وخصوصا انا عارف انك اتغيرت عارف لو كنت معتز القديم كان استحالة انا حتي اوافق بس طبعا دلوقتي في الاول والاخر اللي سارة عايزاه هو الي هيكون ان شاء الله هشوفها كده النهارده وارد عليك تكون انت صليت استخارة وهي كذلك
معتز:ان شاء الله انا هستاذن بقي عشان عندي شغل واكيد عطلتك
زين:ولا عطلة ولا حاجه قررها انت بس وخلينا نشوفك
معتز :ان شاء الله في حفظ الله
زين:في حفظ الله
______
عند سارة وزين في البيت علي العشاء
زين :سارة عايز اتكلم معاكي في حاجه كده
ساره: اتفضل
زين:جيلك عريس
سارة:انا
زين: اكيد مش انا يعني
سارة: مين ده
زبن :معتز بن عمتك
سارة: بدون قصد تقول بفرحة بجد
زين لاحظ فرحت اخته :مش فاهم ردة فعلك
سارة وهي تتمني انا الارض تنشق الان وتختفي من قدام زين فضلت ساكته
زين:انتي بتحبيه
سارة:هزت راسها وهي وجهها يكاد ينفجر من الخجل والاحمرار
زين: من امتي
ساره: ......
زين:انتي خايفة مني انا عارف انك مش عملتي حاجه غلط والحب مش عيب علي فكرة ولا حرام
ساره: وكان زين عطاها الحرية للكلام من زمان اوي يا زين بس والله عمري ما غضبت ربنا ولا كلمتة ولا اي حاجه زي ما بتشوفني كده من بعيد لبعيد
زين:وانا عندي ثقة في كده كويس تعرفي يا سارة بيبقي نفسي اشوف حتي عيون اماني نفسي ابصلها بس كان في حاجة بتقولي ربنا شايفك ربنا رقيب عليك ربنا قريب
لو كل واحد مشي بالمنطق ده كان زمان حال البلد حاجه تانيه خالص
سارة:فعلا عندك حق
زبن : طبعا مش هقولك ايه رائيك لانه واضح جدا بس انا طلبت منه انه يصلي استخارة وانتي كذلك وهستني ردك بعد الاستخارة ان شاء الله
سارة:ان شاء الله
انت هتحدد فرحك امتي
زين:هروح بكرة ان شاء الله اكلم والد اماني واتمني يوافق عشان بجد تعبت
سارة:ان شاء الله هيوافق
زين:ياارب
______
تاني يوم يروح فعلا زين عشان يقابل والد اماني
بعد الترحيب
زين :عمي كنت عايز منك طلب واتمني بجد انك توافق
احمد :اتفضل يا زين يا بني
زين : صراحه انا عايز اقدم كتب الكتاب والفرح
احمد : بس احنا لسه مش جاهزين
زين :صدقني قولت لحضرتك قبل كده ان شقتي فيها كل حاجه مش ناقص فيها غير أماني وده مش بقلل من حضرتك انت متعرفش قيمة أماني عندي هي اغلي حاجه عندي في الدنيا وافق انت بس وبعد كده اللي انت عايز تجيبه جيبه في اي وقت بس وافق
احمد: طيب هبلغ أماني واشوف هي هتقول ايه
زين:يريت دلوقتي
أحمد:انت مستعجل ليه كده يا بني
زين : عايز اتكلم معاها براحتي اكتر عايزها تكون في بيتي وفي نفسه عايزها تكون ملكي انا بس
احمد:طيب هدخل دلوقتي اشوفها لعلي اخلص منكم انتم الاتنين دي انت واخد بلوه دي أماني دي حاجه استغفر الله ميغركش الملاك ده لالا دي حاجه تانيه خالص
زين :طيب ليه بتشوه صورة بنتك كده طيب دبسني طيب وبعدين قول كده
احمد:ادبسك انت قصدك ايه
زين :مش قصدي حاجه انا قابلها بكل حاجه
أحمد:بكل حاجه
زين بضحك ايوه بكل حاجه
أحمد:انا حزرتك وانت مش اتعظت براحتك بقي
زين :تمام
ويدخل احمد لاماني
أماني:اتفضل يا بابا
احمد : زين عايز يقدم الفرح ايه رايك
أماني: احم اللي حضرتك شايفه يا بابا
احمد:انتي مش عايزاه يتقدم صح انا عارف
اماني بسرعه وبدون قصد لا عايزاه
احمد بحزن :طيب
لاحظت ان والدها زعل
أماني: انت مش عايزني ابعد عنك
احمد:اكيد لا يا حبيبتي
أماني: أنا عمري ما هبعد عنك هتلاقيني كل شويه نطالق هنا ولو مش عايزني اتجوز خالص والله ما اتجوز
احمد:لا يا حبيبتي اكيد ربنا يسعدك دايما يارب انا مش متخيل بس اني في يوم هصحي مش هلاقيكي في اوضتك بس متاكد ان زين هيحافظ عليكي كويس هطلع اتفق معاه بقي
أماني: رب يخليك ليه يارب
احمد : ويخليكي ليه يا حبيبتي يارب
______
ويطلع يتفق مع زين ان يكون كتب الكتاب والفرح في نفس اليوم بعد اسبوعين
_____
بعد يومين يرن معتز علي زين
معتز السلام عليكم ورحمة الله وبركاته
زين: وعليكم السلام ورحمه الله وبركاته
معتز: ها قولي ايه رد سارة
زين :انا الحمدلله كويس يا حبيبي اسأل ياخويا عليه الاول
معتز: بضحك معلش بس والله يعني سبحان اللي خلاني استني يومين
زين :حاسس بيك يابني والله
معتز:قول بقي سارة قالت ايه
زين :كنت هكلمك النهارده اصلا هي يا عم موافقة
معتز:بجد
زين: ايوه والله
معتز: ثواني كده يا زين
وينزل معتز يسجد لله شكر علي هذه النعمة
بعد دقيقة
زين :انت روحت فين يابني
معتز: موجود اهه ان شاء الله هكون عندك النهارده بليل انا وماما
زين : ان شاء الله
_____
عند سيف ونهال
نهال: تعرف يا سيف نفسي دلوقتي في ايه
سيف:في ايه يا حبيبتي
نهال:في حاجتين نفسي نحفظ انا وانت قرآن مع بعض
سيف:دي علي اساس انك مش حفظاه مش عليه
نهال:نفسي انت تحفظه يا سيف وانا هراجع معاك
أهل القرآن هم أهل الله.

ثواب تلاوة القرآن أعظم من أنفس أموال الدنيا.

كل حرف فيه بعشر حسنات.

يورث الإنسان الراحة والذكر الحسن في السماء والأرض تخيل كده تبقي مضايق واول ما تقرأ القرآن تلاقي اية ترد عليك اية تطمنك

كل آية بنحفظها بنترفع  بها درجة في الجنة.

الماهر بالقرآن يقرنه الله تعالى بأفضل الملائكة.

أفضل الناس هو من يتعلم القرآن ويعلمه تخيل كده لو احنا اتعلمناه وبعدين علمنا أولادنا وكل ما يحبوا يسألوا علي حاجه فيه يلاقوا الاجابة عندنا وقتها هيخدونا قدوة ليهم هيبقوا عايزين يبقوا زينا 

الله تعالى لا يعذب إنسانًا حفظ القرآن وعمل به.

يأتي شفيعًا لأصحابه الذين كانوا يعملون به في الدنيا.

أن
صاحب القرآن رفعه النبي صلى الله عليه وسلم صلى الله عليه وسلم إلى مراتب العلماء.

أن
صاحب القرآن يكرمه الله عز وجل عليه وعلى والديه يوم القيامة بأنواع عظيمة من التكريم.

أن
القرآن هو من أعظم القربات التي يتقرب بها إلى الله وأحبها إليه.

أن
الخلق كلهم يكتبون في كل ليلة من الغافلين إلا من قرأ القرآن.

أن
البيت الذي يقرأ فيه القرآن تحصل فيه الخيرات والبركات ويحفظ الله تعالى أهل هذا البيت من كل سوء عايزة يبقي بتنا كده
سيف: ثواني كده
نهال: رايح فين
سيف:اصبري بس
نهال بعد ما مشي ولا كأني كنت بكلم نفسي ماشي يا سيف
لقيته داخل عليها وماسك المصحف في ايده
سيف :يلا تبدأ
نهال:وانا اللي ظلمتك
سيف:في ايه
نهال؛متخدش في بالك يلا نبدأ
سيف :ثواني بس ايه الطلب التاني
نهال:اه انك تقرأ ليه دلوقتى قران بصوتك
سيف : بلاش احسن صوتي مش حلو
نهال: صوتك ده احب الاصوات الي قلبي
سيف : انا بحبك علي فكره
نهال: وانا كمان علي فكره يلا ابدأ بقي
سيف: حاضر
وبدأ يقرأ عليها سيف وبعدين حفظوا مع بعض وجددوا نيتهم لله
______
عند سارة وزين
زين : خلصتي يا سارة هما خلاص علي وصول
سارة:ايوة انا خلصت خلاص
زين :تمام
سارة:زين هو اعمل ايه لما يجي ولا اقوله ايه
زين :حس بيها وانها حتي معندهاش ام او اخت تنصحها
زين :في الموضوع ده خصوصا اسالي أماني كانت محضرالي يومها أسئلة روحي كلميها
وبعد ما مشيت عشان تكلمها بعت زين لاماني رسالة ان سارة هتكلمها تسألها في حاجه وانها تحاول تحسسها انها معاها في كل وقت
____
بعد ما تخلص سارة مع أماني تطلع تاني لزين
سارة:تعرف يا زين ربنا بيعوض اي شخص بجد الحمدلله
زين :فعلا بس ايه حصل
سارة:اني فقدت بابا وماما بس ربنا عوضني بيك اب واخ وعوضني بأماني ام واخت اي نعم هي نفس سني بس بحسها اكبر مني بتعرف ازاي تحتويني
زين: ربنا يبارك فيها يارب ويخليكي لينا يا حبيبتي يارب
والجرس البيت يرن
هنعرف ايه حصل بس في الفصل الثامن ☺️😍
#خلود_سمير