بارت 10
اني ما راح اطرق للمشاكل الي صارت الخالة تفتعلها واختصرت اشياء هواي لان فترة خطوبتهم طويلة استمرت تقريبا اربع سنوات وهسة بدينه بفترة بعد السقوط .....
سناد.....
تخرج سرمد واني دخلت كلية واشترالي موبايل لان هو يأخذني ويجيبني....
وجهاد اجتهم بنية سعاد سافرت وخابرتنه حامل وعدتني تجي على زواجي...
والبناء كمل وبدينه نجهز بالاثاث شنو بنفسي يأخذه بدون تردد اشترينه كلشي ورتبنا اني وياه بقت بس غرفة النوم بعد اسبوع وتكمل وحددنا الزواج وراها بأسبوع ....
بالليل خابرني كال حبي باجر لاداومين لان اني راح اجي اقضي اليوم كله يمج
اريد اشبع منج....
تفجأت بكلامه كتله ليش شعندك....
كال تذكرين الدورات الي اقدم عليها وما تصير هل المرة ستدعو نه كال عيني باجر طلعون للتدريب الدورة شهر وتخلص حتى بعدها يطلع تعينه على المراكز......
كتله حبي لاتروح ما بقه شي لزواجنه كال يا روحي اني متلهف أكثر بس تعرفين اني صار شكد انتضر يطلع اسمي....
سناد.....
انقهرت بس كلت بلكي يجي باجر واقنعه....
اجه ثاني يوم وكعدنه كتله حبي اخاف عليك دا شوف الاوضاع شلون لو مثل قبل ميخالف.....
كال حبي القاعدة مؤمنة والي يدربونا أمريكان اني اجيت اريد اودعج لان راح اشتاقلج راح تبقه شهر لا موبايلات ولا نزول.....
كتله هو هذا الي مخوفني بيخا امريكان ولا اكدر اطمن عنك حسيت نفسي اختنكت بس مجرد اصور راح يغيب عني وما اشوفه صعبة كل يوم يمي عودني على قربه وكلامه وحفضت كلشي بي من يتعصب ومن هادئ وصرت مهووسة بي ....
كال بس تدرين اني راخ اخلي ضابطة دربني مو ضابط لان هنا يحبن الاسمر ما عدهم سمران لو بيض لو سود....
خزرته كتله ها كول رايح على مودهن زاعلتك.....
ضحك كال لو تدرين ما اشوف غيرج بس انتي بالكلب والعين......
كتله اي اخذني بهل الحجي الحلو....
كال حبي اني باجر من لصبح طالع ان شاء الله ادعيلي....
كتله تروح وترجع الي بالسلامة......
سلم عليه وباسني وحضني وكال افيش يا حضنج وريحتج صح احنه فترة طويلة مخطوبين بس هل الشغلات قليل تصير بينه بداية الخطوبة شكم مرة باسني وحضني بس ما نتعمق لان دائما نكعد كعدات عائلية.....
كال يله حبي اني رايح صاح ابو التوف اني رايح...
اني كمت ابجي كال شلون حبي لاتبجين شلون اروح وعيونج تبجي طب جهاد كال هاي ليش مزعل بنيتي وتبجي .....
كاله لا والله ما مزعلها اني ابجيها بس لان كتلها رايح راح تخليني اكعد واسكت لمن تبطل بجي.....
رد جهاد...
عليه كله لا روح مودع بالله اني اعرف شلون اسكت بنيتي...
هو طلع واني كمت انشغ بالبجي تالي طلعت وراه عندي كلادة فضة قران زغير علكته بركبته....
وذبيت ورا مي وكتله مودع بالله ومحمد وعلي ترجع بالسلامة....
ورجعت دخلت اجه جهاد....
كعد يمي جر راسي باسه وخلاه على صدره وكال بنيتي ما يصير تبحين وراه ادعيله وان شاء الله ماكو شي هو يبقى بالمعسكر ما راح يطلع.....
وان شاء الله شهر ما تحسين بي لن خلصان...
كتله الله كريم كمت صليت ودعيتله ونمت....
سرمد......
طلعت من بيت عمي عمي واني مختنك ما اريد افارك حبيبتي جوهرتي هاي بس اني مجبور وهل الشي يضمن مستقبلنا اني حلفت ما اخلي دمعة تنزل من عينها وهسة تبجي مني وعليه.....
اني جنت من اروح صح اكعد وياه بس اكثر شي ما نختلي احسها مثل الجوهرة ما اريد اي يخدش يصير بيها.......
كنت ابوس من خدهاومن راسها بس من اوصل الشفايف افقد فلهذا كلت خليها لمن تجي بيتي وادللها وادلعها....
الصراحة جنت خايف بعد ماشوفها لان اوضاع البلد مكركبة وتصفية ثر على المنتسبين اوف ربي عليك توكلت تر دني الها وتجمعني بيها ربي اني ما متقرب للحرام....
اريدها حلالي وبس وطول الطريق نتخابر ختمناها بالدعاء ودخلت للمعسكر...
سناد...
ثاني يوم خابرني اربعة ونص الصبح كال حبيبة طالعين ديري بالج على روحج
اريد اجي الكاج. موردة كتله أن شاء الله...
ضليت كل ساع اخابر ه لمن وصل كال حبيبة مع سلامة احنه راح ندخل ونقفل اجهزتنه.....
ودعته واحس ودعت روحي وياه ضليت هذا الشهر كله احس نفسي ضايعة امشي بلا روح اشتغل و اسوي كل شي هيج فقط تقضيت وقت لا أكثر....
اليوم قبط شهر لازم ينزل اليوم لو باجر
ينزل كاعدة وحسبة جيبني وحسبه تردني ودك جهازي شفت أسمه ودموعي نزلن فتحت الخط وكتله الو يا روح الروح شلونك ضعفت تغيرت جوعان شبعان صار شهر ما شا يفتك روحي راحت.....
ضحك كال أنطيني مجال اسلم اني زين حبيبة يا بعد الروح ناقصني بس شوفتج...؛
كال ستونا طلعنا واول واحد أتصلت بي انتي واول وجه اريد اشوفه وجهج...
كال حبيبة من الباب اشوفج واروح لاهلي لان هم مشتاقلهم...
رجعت خابرت أمي سلمت عليها وخبرتها اني راح امر على سناد......
لان مريضة طبعا سمعت الحجي كل معتاد اي يمة اخذتك وصرت ابنهم..
وكالت عساها بعلة ما منها طيب...
كتلها ليش يمه ليش مو جن تدعين عليه...
والله طلعنا وبالطريق شفنا سيطرة وكفنا يمهم طلبوا جناسينه وكالوا انزلوا كلكم....
يتبع...
