بارت 11
سناد بقيت انتضر وانتضر ادك عليه محد يرد هدور كام يطلع الجهاز مغلق .....
ما اعرف شصار بيه حسيت ساعات الانتضار هاي سجين وتحز بركبتي وكلبي معصور عصر....
طلعت لجهاد كتله كال هسة ادك على عمي بلكي رايح الهم وبعدين يجي كتله هو كالي اجي لهنا اول بس دك خل نتأكد....
دك جهاد اسمعه يكله ها يعني لهسة ما وصل خير ان شاء الله....
واني ما اعرف شصار بيه يارب احمي وين ما جان ورجعه الي روحي ما تحمل فراك واكثر شي اكرهه....
شوية وجهاد راح الهم... +
مرت ساعة ساعتين صار لليل وكل ساع نتصل ماكو....
خابرت جهاد كتله بشركال رحنه للمستشفى ورحنه للمركز وتعرفين ٢٤ ساعة اله يكدرون يصرفون .....
سديته منه وكمت ابجي ربي دخيلك وكمت ادعيله....
فاطمة يمي تواسيني وتكلي ماكو شي...
دور روحي صارت بخطه كل ساع اتصل...
مغلق...
....
سرمد بعد ما طلبوا جناسي يباعون على الاسم ويهز راسه كال انت اسمك لا على ذولة ولا على ذولة بس اكيد منهم وهيا بس منتسب كافي انحرك مثل ما أنحر الخروف....
باوع لجماعته وهم جابوااكياس سود خلوهن بروسنه وحتى السايق ويانه....
وصعدوا بسيارتهم مشينه ما اعرف شكد ونزلنه بالصحراء وخروا الجياس عنه....
شالوا عنه الأكياس اباوع هذا شكله مو غريب هذا جان وياي بالمدرسة وهو من زمان مشكلجي وسرسري كتله انت موفلان ...
كال اي وهسة شتريد اخذك بالاحضان
كتله لا طبعا بس ليش هيج احنه شمسوين حسبي الله ونعم الوكيل......
كال تسكت لو انته اول واحد ينحز راسك يا خونة يا عملاء تشتغلون ويه المحتل....
كتله هو منو الخونة احنه الخونة لو انتوا والثانية وبعد أحنه ولد ولايتك هيج تسوي بينا...
رد عليه وكال خاف عبالك تريد تتوسل ما نعوفكم ترى كتله حشى مو اني الي اتوسل شيقدر عليه رب العالمين اني قابل....
بس ذنبي وذنب زوجتي واهلي بركبتك.....
وهذا السايق شنو ذنبه اتركه خل يروح لاهله كال ابد محد يطلع ...
سلمت امري لرب العالمين اباوع اصدقائي وجوهم صفر ما بيها قطرة دم....
واني هم بكلبي خوفه بدأ بالاول والثاني وأحنه ويه السايق اربعة وصل الي كلي لخاطر الجورة والمدرسة ما راح اكتلك راح اصوبك.....
بأيدك ورجلج واتته وحضك تأكلك الجلا.... لو تخلص
صاحبة كله والتصوير شلون كله سهلة ما عليك اني أدبرها...
رد عليه صاحبه كله والمقابل شنو كله الجورية الي عندي يقصد بنت ومبلغ مضبوط الك واتفقوا بعد ما رموني خلوا كل واحد بجيبه جنسيته والموبايلات أخذوهن...
وضليت اركض الليل كله وادعي ربي بس كون اوصل لاهلي دخت وحلكي يبس ورجلي وأيدي ينزفن كمت اسحل بروحي سحل قريب الفجر شفت بستان وبي بيت كوه وصلت ويه دكت الباب طلع رجال جبير كتله بويه اني دخيل عدكم اجوا ولده يركضون وشالوني بعد اسمعهم يحجون وما اكدر افتح عيوني الرجال كال لابنه بوية انته مضمد شوف شسويله كله بويه هذا نازف هواي ويحتاج مستشفى راح انطي مهدئ بين ما نأخذ ه وبعد ما حسيت على شي غير واني بالمستشفى....
سناد....
وجه الصبح ياله نمت من التعب فزيت بالعشرة الصبح على دكة الباب وطب جهاد صاح وج لكينه بالمستشفى ومصوب اني هنا انهاريت بالبجي وحسيت نفسي راح يغمه عليه بس قاومت نفسي فاطمة.....
جابتلي عصير واكل كالت لا توكعين وفعلا شربت العصير وشوية اكلت حسيت نفسي احسن كمت ابجي كتله والله كلبي حاس وأني بالحلم شفته واكع بحفرة كلها طين واني اريد اطلعه ما اكدر ...
وجلبت بجهاد كتله وياك اروح الك فدوةوياك ما اكدر اكعد....
كال لا يا روحي نروح ونشوف شكو وارجع عليج
راح. جهاد واني كل شوية ادك. عليه كال جهاد هسة بالعمليات مدخلي يطلعون الطلق واتبرعنا اله بالدم....
للعصر اجه جهاد سألته عليه كال تعبان ما كدر يحجي كلشي...
دخلت تمددت على جربايتي وبحيت و ما ادري بنفسي من غفيت لان اني قبل بيوم ما نايمة الليل كله وقلق وخوف كعدت بالليل رحت دكيت الباب على جهاد طلعت فاطمة كتلها ليش ما كعدتيتي كالت تعبانة وجهاد خاف عليج كتله واني خايفة على سرمد....
كتلها جهاد هنا كالت اي راح وستوه رجع .....
طبيت سألت عليه سولفلي جهاد شمسوين بي واني عيوني ما نشفن وكال ذولة الناس منطيهم العنوان وهما جايبي للمستشفى....
كتله اترجاك اذا ما اخذتني باجر اني اروح....
كال أن شاء الله باجر اخذج.... @iq_gril
ثاني يوم كعدت من الصبح هو اساسا اذا نمت ....
رحت للمطبخ سويت شوربة وحضرتها وحضرت جرجف نضيف وخاولي وكلت من نطلع اخلي جهاد يشتري إله كلبية......
دكيت الباب على جهاد وكعدته تريكنا وطلعنه وصلت للمستشفى من شفته سودة عليه اديه ورجليه مضمدات...
تقدمت ابجي وسلمت عليه كال لا تبجين حبيبة من شفتج طبت ان شاء الله هينة....
رفعت راسي شفت اهله وخالي جان موجودوابنه حسام...
ومرة خالي رحت سلمت عليهم خالتي تريد تأكلني بعيونها عبالك اني الي مسوية بي هيج متدري اتمنى الي بي بيه...
سرمد صاح ابو شاوره.... +
شوية وعمي وكل خالتي خل نطلع لبرة خليهم وحدهم شوي...
خالتي ما قبلت كالن اريد ابقى يم ابني كاله لاتسوين فضايح يا مرة كومي برة واول مرة تسمع كلام وتكوم كامت وهيا تخوزر بيه...
تقربتعليه كمت امسد على جرحه وابجي كال ما اريد هل العيون الحلوة تبجي....
كتله مو بيدي تدري شصار بيه والله كلبي حاس للصبح ما نمت يا ريت البيك بيه....
خله ايده على حلكي وكلي اش لاتكولين هيج انت نبضي ومن اشوفج يروح كل وجع بيه كلي شودني شنو بخدج تقربت عليه باسني بخدي ومن شفايفي هو جان بغرفة خاصة حجزنا اله ابتعدت عنه ....
ضليت لليل يمة بعد ما عشيته و عدلت فراشه واخذت ملابسه الي بدلهن جهاد اله وكتله باجر اجيك كال لاحبية لا تعبين نفسج كتله لاتكول هيج تعبك راحة.....
رجعت للبيت فرحانة وما فرحانة فرحانة بشوفته سلامته وما فرحانة لوضعه تعبان...
شوكل ما يريد يطلع يأجله الدكتور وهاي صار شهر بالمستشفى دور كام من نطي اكل يتقيأ وتجي نوبات سعال قوية.....
اني قلقت الدكتور حدد اله ثاني يوم يسوي مفراس وتحاليل ولمن طلعن جان يصدمنا الدكتور بخبر ما متوقعي....
يتبع....
