بارت 8
سناد......
توكلت على الله وخابرته أول مار فع التلفون كلت ألو.....
الو شلونج بكل لغات العالم مشتاق الج بكد ما بالكون شوك ما أتخيل يومي من
غير ما أشوفج......
الو سناد وين رحتي يا بعد الكلب أحجي سمعيني صوتج يا بعد روحي... +
كتله حيلك حيلك هسة شعرفت أي لا حتى تتغزل شو تحجي بحيل صدر ههههه...
كال اي متأكد تردين اجي ونحجي لان أذا ما تردين تشوفيني جان ثاني يوم خابرتيني مو صح......
ضحكت وكتله صح الصح تكدر تجي العصر نتفاهم كال يا بوية هاي الضحكة ردت الروح بيه يابه هسة جايج كتله لاالعصر حباب.....
كال وحق الله ورسوله راح أهلهل وسمعت الهلهولة بالتلفون.......
صحكت ودعته أتفقنا على العصر يجي.....
رحت فتحت الكنتور ودورت بالملابس عبالك أول مرة يريد يجينا احد اجت سعاد كالت ها مخبوصة كتلها شو نا أعرف شألبس كالت لبسي الكوستم الي جبته الج اي هم صدك نسيته...
تغدينا وطبيت سبحت ولبست الكوستم
ورتبتني سعاد شوية وندك الجر س طلع جهاد شوية وأجت فاطمة كالت أجه سرمد......
عيني يله روحي ودي الضيافة رحت شلت الصينية اقدم رجل وأأخر رجل كانه اول مرة أشوفه......
طبيت سلمت وخجلانة كلش من جهاد ومن سرمد ردوا السلام واني حتى ما كدرت أرفع عيني و أشوف سرمد......
طبن سعاد....
وفاطمة.....
هم سلمن عليه وضلوا شوية كاعدين وهو حجه ويه جهاد كاله خوية انته تدري شنو طلبتي أني اريد سناد على سنة الله ورسوله......
بس قبل كل شي لازم أحجي وياها لان أني سبق وحجيت ويام وفهمتك كل شي بس يبقى الرأي الأول والأخير لسناد.....
كال جهاد....
هذا حقكم أخذوا راحتكم طلعوا كلهم من الغرفة ضلينا ساكتين شوية وحجه سرمد.....
كال بوية اليوم وردتي مفتحة شلونج يا كلب سرمد وعيونه...
كتله زينة انته شلونك كال زين وزين الزين بشوفة هالعيون....
كال حبيبة أحجي شنو بالج شنو تردين تسألين كولي......
كتله أني ما أنكر اني اول ماصرت تتردد علينه أتعقد من ذكر أسمك لكن من خلال كلام جهاد وم اقفك ريانه صرت أميل الك عنك شفت تصرفاتك تنم على انه تصرفات السابقة كانت طفولية .....
وكبرت وعرفت الصح وين والخطأ وين لكن خلينانكون واقعين أهلك شنو موقفهم خصوصا أمك وابوك الي هم عمي وخالتي......
وتعرف المشاكل الي تصير بدون سبب يذكر مني أو من أخواني.....
أني اسفة أذا تعديت حدودي لكن اذا نريد نرتبط لازم ندرسها من كل النواحي وانته تعرف هاي عشرة عمر مو يوم ويومين .....
رد عليه وكال كلامج عين العقل وأني رجال طول بعرض وأعرف هاي الامور كلها ودارسها أني أذا أهلي ما وافقوا اني عندي قطعة ارض وأبنيها وحد وحتى لو ما وافقوا أني حاليا راح اتمم الخطبة بس أريدج وياي خطوة بخطوة وحتى لو سمعتي شي لا تردين.....
وما نزوج لمن أكمل بناء ؤاثث البيت
وانتي تخلصين أعدادية كتله تمام على بركة الله وأهل البيت......
كتله خل اودي الصينية حتى جهاد يجي كال بوية شوكت تصيرين حلالي وما أخاف أباوع عليج وأكعد يمج وألزم أيدج وأكمل بعد كتله أني رايحة للمطبخ ضحك وكل وين طيرين بعد صرتي لسرمد....
كمت شلت الصينية وديتها للمطبخ كالوا ها إتفقتوا كتلهم أي وتعالوا هنا ك حتى تحجون أنتوا بعد......
راحوا للغرفةرأني رحت وراهم كال سرمد....
خوية--جهاد أني رايدها على سنة الله ورسوله والبنية قابلة.....أجيب الوالدة
باجر و. وأجي...... +
ما أريده تتركها رد سرمد..... طبعاً ما تتركها. ....
