سلسلة بداية الهدايةة 🌕⛓️

🔷 الحلقة الثالثة

🔷 الحلقة الثالثة
#بداية_الهداية_مع_جرب_تقرب

الحياة الطيبة😍

الحلقه اللي فاتت اتكلمنا عن العقد اللي بينا وبين ربنا 📜
وقولنا إننا بنعبد الله لنرضيه ثم هو يرضينا ويرضى عنا ويدخلنا الجنة ويرزقنا في الدنيا الحياه الطيبه 😌😇
لأن ربنا وعدنا بكده فعلا في سورة النحل "من عمل صالحا من ذكر أو أنثى وهو مؤمن فلنحيينه حياة طيبه ولنجزينهم أجرهم بأحسن ما كانوا يعملون"

المشكله بقى إنك تبقى بدأت طريق الهدايه وتبقى فاهم غلط ❌

يعني فاهم إن الحياه الطيبه دي
إنك مجرد م تتوب أو تلتزم هتلاقي بقى الفلوس جاتلك 💰

والمشاكل كلها اتحلت ومفيش بقى بلاء أنا خلاص بقيت كويس بقا مع ربنا وخلاص وأحسن جوازه 💑

*لو أنت فاهم كده يبقى فيه خلل في الفهم👌🏻*

أنا عندي مشكلتين في الفهم

1⃣أولا إنت فاهم الآيه غلط وفاهم الحياه الطيبه غلط وفهمك ده بالنسبالي إن فيه مصيبه تانيه 😱

وهي إن لسا الدنيا عظيمه جدا في نفسك فشايف إن اللي خدها خد مكافأة كبيره واللي ربنا حرمه منها اكيد ده معاقب ومسكين وليه ربنا عمل فيه كده ⁉️

ده فيه مشكله ⚠

يا جماعة إحنا لما بنتوب و بنقرب من ربنا لازم نصحح المفاهيم ♻

هل الدنيا مكافأة ?
لا ليست مكافأة ولن تكون ❌

لو كان الدنيا دي ليها قيمه كان ربنا إداها للمؤمنين بس مكنش إداها لحد كافر ابدا ولا فاجر ولا عاصي

ربنا سبحانه وتعالى أعطى الدنيا للمؤمنين وأعطى الدنيا للكافرين

وكانت مع المؤمنين مئات السنين ومع الكافرين مئات السنين

الدنيا ربنا إداها لسليمان وإداها للنمرود وإداها لذى القرنين وإداها لقارون

إذن الدنيا لا تساوي عند الله شئ👌
النبي عليه الصلاة والسلام قال ( لو كانت الدنيا عند الله تساوي جناح بعوضه ما سقى كافرا منها شربة ماء )

لذلك من الحاجات الخطيره إنك أما تلاقي الدنيا مع الكفار تُفتن وتقول لا اكيد هم صح طالما ربنا اداهم الدنيا يبقى هم صح ✔
وربنا يقولنا "لا يغررنك تقلب الذين كفروا في البلاد متاع قليل ثم مأواهم جهنم وبئس المهاد "

ربنا قالنا في سورة الفجر " فأما الإنسان إذا ما ابتلاه ربه فأكرمه ونعمه فيقول ربي أكرمن وأما إذا ما ابتلاه فقدر عليه رزقه فيقول ربي أهانن "
فربنا قال بعديها كللا

يعني انت فاهم غلط
الدنيا ليست معيار للإكرام وليست معيار للإهانه
أنا لما ألتزم لازم افهم صح المفاهيم إيه هو يا جماعه الحياه الطيبه ⁉️

الحياه الطيبه زي ما السلف بيفسروها

قالوا هي الأنس بالله
الطمأنينه
راحة البال
السلام النفسي 😌😎
السعاده 😀
الرضا عن الله
القناعه
الرزق الحلال

كل تفسيراتهم بتدور حول المعاني دي المعاني دي ليس لها علاقه بالدنيا
المعاني دي اصلا لا تُشتري بالمال "وما أموالكم ولا أولادكم باللتي تقربكم عندنا زلفي إلا من آمن وعمل صالحا فأولئك لهم جزاء الضعف بما عملوا وهم في الغرفات آمنون "

المعاني دي المفروض هي دي اللي بتحرك من قيود الشهوه هي دي اللي بتحرر نفسك من أغلال الماده

المعاني دي هي اللي بترتقي بك من الانحصار في إرضاء الجسد الفاني إلى الإرتقاء إلى مطالب الروح الباقيه

الحياه الطيبه لا تتضرر بالمرض
لا تفسد بالفقر
لا تنتهي بالموت
لأن الحياه الطيبه مصدرها الله
وليس الدنيا
والله تعالى لا يفنى ولايبيد
هو الحي الذي لا يموت

حتى لو الجسد نفسه بلى فالروح تصعد إلى الله سبحانه وتعالى لتستكمل الحياه الطيبه

فيصلها النعيم في حياة البرزخ
والنعيم ده يصل أثره إلى الجسد
ثم يلتقي الجسد مع الروح في الجنه لتستكمل الحياه الطيبه في جنة الرحمن سبحانه وتعالي 🌹🌺🌾

يبقى أنا عايزك تصحح المفاهيم
هي دي
الحياه التي نطلبها من الله وهي دي التي لا يستطيع أحد أن يشتريها بالمال

عايز أقول لك مفهوم أخير عشان بس المفهوم ده مهم جدا

هل المؤمن بس هو اللي بيبتلي ❓
لا كل الناس بتبتلي كل الناس في حالة بلاء

بمعنى ربنا قال "يا أيها الإنسان إنك كادح إلى ربك كدحا "

ربنا قال "لقد خلقنا الإنسان في كبد"

اللي بيصلي بيتعب واللي بيسرق بيتعب

يعني اللي بيعمل معصيه بيتعب بردو مبتلى

واللي بيعمل طاعه مبتلى

لكن في فرق كبير

عند المعصيه وعند الكفر يكون البلاء علي البدن و معه شقاء روح وعند الطاعه يكون البلاء أقصاه البدن
ولكن مع راحة الروح وسعادة الروح
ربنا قالنا عن الكافرين والمؤمنين في معركه واحده .. معركة أحد ... كانت بلاء علي الفريقين ...
هم الاتنين فيهم جراحات وموتى .. فربنا يوصف الفرق فيقول  "إن تكونوا تألمون فإنهم يألمون كما تألمون وترجون من الله ما لا يرجون "

النبي عليه الصلاة والسلام قال "عجباً لأمر المؤمن إن أمره كله له خير وليس ذلك لأحد إلا للمؤمن إن أصابته ضرّاء صبرفكان خيرا له وإن أصابته
سرّاء شكر فكان خيرا له"

عايز أقول لك في النهايه 💊
لو عايز تحول كل أحداث حياتك إلى سعاده ف اطلب الحياه الطيبه

والحياه الطيبه لا تُنال إلا بالإلتزام والهدايه 

ربنا يرزقنا وإياكم حسن الإلتزام والهدايه
....
#اللهم صل علي سيدنا محمد....
سبحان الله ....💜
الحمد لله ....💜
لا اله إلا الله ....💜
الله أكبر ....💜
لا حول ولا قوة إلا بالله ...💜