سلسلة بداية الهدايةة 🌕⛓️

🔷الحلقة التاسعة

🔹 الحلقة التاسعة

#بداية_الهداية_مع_جرب_تقرب

يعني ايه ملتزم 😁⁉️

لو حبينا نختصر الطريق إلى الله في كلمه واحدة
اختصاره كده في إنك تكون عبد لله سبحانه وتعالى

يعني ايه عبد لله سبحانه وتعالى 🙂

يعني خلاص إراداتك صارت تابعه لإرادة الله

"لا يؤمن أحدكم حتى يكون هواه تبعا لما جئت به " روي في حديث النبي عليه الصلاة والسلام

إنك أنت تكون بتفكر ما الذي يريده الله لا ما تريده انت

ما الذي يحبه الله ❤️
ما الذي يرضيه ⁉️

بقى ليك وجه واحد
الموضوع يا إخواننا مش في المسجد ولا الصلاة بس

لا مش كده بس ..
العبوديه دي في كل شئ
مع زوجتك في تعاملك معاها ايه اللي يرضى ربنا وبتعمله

في الشارع 🚦
في شغلك 💼
في المذاكره 📘
في اللجنه ..
في الصلاه ..
مع الفقير

خلاص انت بدأت تتحرك ببوصله واحده فقط"ماالذي يريده الله"
لم تعد هناك اراده تحركك إلا ذلك خلاص لم يعد هناك عبوديه للهوى ولا عبوديه للشهوات
في الحديث " تعس عبد الدرهم تعس عبد الدينار تعس عبد القطيفه والخميصة "  بل في روايه تعس عبد المرأه
فالإنسان خلاص لم يعد عبدا لأحد إلا الله

اتحررت ..اتحررت من كل العبوديات وصرت عبد لله سبحانه وتعالى

لما اقولك اراده تحركك ممكن بقى كلمة عبد دي نفصلها لحاجتين

1⃣ اراده
2⃣حركه

إراده هنختصرها في كلمة إخلاص

حركه هنختصرها في كلمة عمل صالح وبردو هنخلي العمل الصالح ده عشان يبقى صالح لازم يبقى موافق لهدي النبي عليه الصلاة والسلام وإلا ميبقاش عمل صالح

يبقى نخلي كلمة عمل صالح دي ( الاتباع ☝)

يبقى أنا وصلت ان عبد يعني إخلاص وإتباع

هو ربنا قالنا كده قال "فمن كان يرجوا لقاء ربه فليعمل عملا صالحا "ده الإتباع "ولا يشرك بعبادة ربه أحدا "ده الإخلاص

وربنا سبحانه وتعالى قال " الذي خلق الموت والحياه ليبلوكم أيكم احسن عملا "
الفضيل بن عياض رحمه الله لما بيعلق على الآيه دي قال "أحسن العمل أخلصه وأصوبه "
قالوا له يعني ايه أخلصه ويعني إيه أصوبه
قال أخلصه ما كان خالصا لله وأصوبه ما كان على هدى النبي عليه الصلاة والسلام
وبعد كده علق على الكلام وقال " إذا كان العمل خالصا لله ولم يكن صوابا لم يقبل والعمل إذا كان صوابا يعني على هدى النبي عليه الصلاة والسلام لكن لم يكن خالصا لوجه الله أيضا لن يقبل "
يبقى أنا عشان اشتغل صح ✅
عشان التزم صح لازم دايما في أي عمل أسأل نفسي سؤالين

بعمله لمين ⁉️
بعمله ازاي ⁉️
بس

بعمله لمين سؤال عن الإخلاص

بعمله ازاي سؤال عن الإتباع

عرف بعض السلف الإخلاص بأنه ( نسيان رؤيه الخلق بدوام النظر إلى الخالق )

و يا سلام لو ربنا رزقك الإخلاص .. كدة سلمت من الشيطان
هو إبليس نفسه 😈قال كده ( لأغوينهم أجمعين إلا عبادك منهم المخلصين )

لو ربنا رزقك الإخلاص هينجيك بسبب الإخلاص ده من كل المشاكل
الشهوات والبنات والكلام اللي احنا بنشتكي منه ده

بس انت أخلص لله

عشان كده بعض السلف يقول يا نفس اخلصي تتخلصي يبقى ده الإخلاص

تاني حاجه عندنا الإتباع
إنك أنت تتأكد دائما أن كل عمل بتعمله هو موافق لهدي النبي عليه الصلاة والسلام

لازم تتعلم لازم تعرف هدى النبي عليه الصلاة والسلام

هتقولي طب في ناس بيقولوا في بدعة حسنة
لا .. لا يوجد شئ اسمه بدعه حسنه النبي عليه الصلاة والسلام نفسه قال كل بدعة ضلالة والنبي عليه الصلاة والسلام نفسه قال من عمل عملا ليس عليه أمرنا فهو رد
يعني ايه بدعة حسنة
أنا عايز أفهم يعني
وحسنه من وجهة نظر مين ⁉️ 

طب ما أنا ممكن أشوفها سيئة وأنت شايفها حسنة تبقى حسنة ولا سيئة
بأنهي عقل ومين اللي يحكم إن هي حسنة ؟

لذلك بعض السلف كان يقول اللي يبتدع بدعه حسنه حاجه من اتنين
إما أن هو بيزعم ان النبي عليه الصلاة والسلام كتم شئ من الوحي ..
وده مش ممكن
أو أنه يرى أنه على ملة خير من ملة محمد عليه الصلاة والسلام

الخلاصه 💊🔑

احنا عايزين دايما نتأكد من سؤالين

فين الإخلاص⁉️

فين الإتباع⁉️

كده أنت شخص ملتزم
جزاكم الله خيرا والحمد لله رب العالمين

سبحان الله ....💜
الحمد لله ....💜
لا اله إلا الله ....💜
الله أكبر ....💜
لا حول ولا قوة إلا بالله ...💜