سلسلة بداية الهدايةة 🌕⛓️

🔹 الحلقة السادسة عشر

🔹 الحلقة السادسة عشر

#بداية_الهداية_مع_جرب_تقرب

عملية إنقاذ 🚑🚨

زمان لما الواحد فينا لو شاف حاجه غلط ❌
كان عادي جدا يقول أنا مالي أنا مليش دعوه كل واحد هو حر يعمل اللي هو عايزه

اللي عايز يعمل صح يعمل ✅
واللي عايز يعمل غلط❌ يعمل
كل واحد عارف مصلحته

لكن مجرد ما ربنا أكرمك بالهدايه وبدأت فعلا تذوق حلاوة الإيمان حلاوة الطاعه حلاوة العباده

بدأت تعرف أد إيه انت كنت محروم من السعاده
أد إيه كنت في غفله ومش عارف انت ايه اللي بيفوتك من طاعة ربنا سبحانه وتعالى

بدأ يتكون عندك همّ
همّ ان تدعو إلى الله
همّ انك انت عايز تقول الناس
تصرخ في الناس عايزهم يحسوا
اد إيه الإحساس اللي انت حاسه
عايز توصلهم
أد إيه هم في غفله
أد إيه هم محرومين
عايز توصلهم الحجات اللي انت ذقتها ف مبقاش فيه خلاص عندك موضوع أنا مالي
أنت مبقتش مستحمل إنك انت تقعد سلبي 😫ماتدعوش إلى الله
متغيرش المنكر اللي انت بتشوفه
ما تنصحش حتى بطريقه لطيفه تبين للناس الصح والغلط وترشدهم إلى الطريق 🌠

بدل أنا مالي بقى فيه " قم فأنذر "
بدل أنا مليش دعوه بحاجه بقى فيه " ادع إلى سبيل ربك بالحكمة والموعظة الحسنة "
مفيش حاجه اسمها واحد يقولك أنا حر ملكش دعوه لا تتدخل في حياتي

أنت بتتعلم في طريقك إلى الله أن حتى الكلام ده غلط
لإن ربنا نفسه الذي خلق الخلق سبحانه وتعالى أعطى تصريح لكل واحد بيشوف حاجه غلط إن هو يتدخل لإصلاحها
قال رسول الله" من رأي منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان "

ودي على فكره عبادة الأمر بالمعروف والنهي عن المنكر من أجمل العبادات ومن أكثر العبادات تدلك على رحمة ربنا بينا
كان ممكن ربنا ميأمرناش بالموضوع ده
خلاص اللي يعمل غلط يعمل واللي يعمل صح يعمل
وكل واحد هيتحاسب لوحده
وأنت مش مسئول عن حد تاني
لكن ربنا جعلنا مسؤولين عن بعض
أنا أتسأل عنك لو شفتك بتعمل حاجه غلط ومقولتلكش
وبالتالي ربنا جعلنا كلنا نحمل بعض على الخير
اللي واقف يسند اللي قاعد
واللي قاعد يسند اللي واقع
لغاية ما كلنا نقوم ونسير في الطريق إلى الله سبحانه وتعالى
عارف لو موضوع أنا حر وأنا مالي والكلام ده متنفذ من زمان مكانش إحنا زمانا مسلمين دلوقتي
الصحابه لو كانوا اشتغلوا بالنظام ده مكانوش افنو أعمارهم في الدعوه إلى الله ولا في فتح البلاد ولا في نشر الإسلام
كان زمانا إحنا دلوقتي لسه في الجاهليه لسه في الشرك لسه في عبادة الأوثان 🗿
إنت نفسك سبب هدايتك وسبب سيرك في الطريق إلى الله واحد اتدخل في حياتك ونصحك وكلمك وتعب معاك لغاية ما انت وقفت في الطريق إلى الله
يبقى انت كمان محتاج تنشر النور ده 💡
لو إحنا شفنا يا جماعه واحد قرر يقف قدام القطر والقطر جاي بسرعه والناس قالوله انت بتعمل ايه
قالهم أنا حر أعمل اللي انا عايزه
الناس هيعملوا فيه ايه
أكيد مش هيسيبوه
أكيد هيتدخلوا بسرعه وهيزقوه غصب عنه
يقولوله انت مش فاهم انت بتعمل ف نفسك إيه
أنت اللي بتعمله ده غلط
أنت بتموت نفسك

أولى من ده الشخص اللي انت شايفه بمقايسك بقى بيرمي نفسه في النار وهو في غفله
وهو مش حاسس بيعمل ايه
أولى انك انت تنقذ النفس دي
احساسك بالهمّ زي ما النبي عليه الصلاة والسلام وهو بيقول " إن مثلي ومثلكم كمثل رجل أوقد نارا فجعل الذباب والجنادب يقعن فيها وهو يذبهن عن النار _بيوسعهم عن النار_ وإني لآخذ بحجزكم عن النار ولكنكم تتفلتون مني "
كذلك إحساسه لما زار الغلام اليهودي ودعاه إلى الإسلام فأسلم الغلام اليهودي فطالع النبي عليه الصلاة والسلام يقول الحمد لله الذي أنقذه بي من النار
إحساس الرحمه والرفق 😍
لما بتلتزم يا جماعه بتكون رحمه للناس بتحس إحساس الأيه دي "وما أرسلناك إلا رحمه للعالمين "
نفسك تنشر الرحمه دي بين الناس

لكن موضوع الدعوه ده بتلاقيه على قسمين
قسم شخص انت عايز تغيره فبتعمله خطه بقي
واحد بتقابله كتير أخوك مثلا أو صاحبك .. بتعمله خطة طويلة المدى متعددة الوسائل
ده مش موضوعي دلوقتي

في بقى موضوع انك انت بتشوف حاجه غلط بتحصل قدامك بس حاجه عابرة وهتحصل قدامك وهتعدي
فبتحاول تتدخل لإصلاحها
بيحصل مشكله في الحته دي
أحب أنبهكم ليها
أنا دلوقتي قولت لواحد والله يا أخي جزاك الله خيرا ربنا يبارك فيك اللي بتعمله ده غلط وأنا بنصحك في الله

قالي انت مالك أو شتمني مثلا

بيحصل الأتي
انك انت بدل ما كنت بتدعو إلى الله
بدأ الموضوع يبقى شخصي
شخصنة الموضوع هتخليك تكمل إنكار عليه بس انت دلوقتي مش بتكمل لله
انت بتكمل عشان تنتقم لنفسك تقريبا ..
تبتدي تحاول تُقيم عليه الحُجه أكثر
وتطلعه وتغلطه أكثر وعايز كمان تكفره
بس الحقيقه ان الشيطان دخل ع الطول في قلبك
لازم يا جماعه عندما ندعو إلى الله نعرف أن احنا ندعو ( إلى الله ) لا إلى أنفسنا
عمر ما الدعوه تتحول لأمر شخصي أبدا
أنا بدعو إلى الله عارف ان انا بعرض نفسي للأذيه
عرضي ممكن يتعرض للإيذاء
افتكر الآية دي
" ما يقال لك إلا ما قد قيل الرسل من قبلك
" فإذا الناس قبلت منك الحمد لله

لو اعترضوا عليك لا تتعصب ولا تتنرفز ولا تشخصن الأمور
خلاص تقول لنفسك .. أنا تمام أنا بلغت وما على الرسول إلا البلاغ المبين
عايزين يا جماعه نكون رحمه للناس ندعوا إلى الله فعلا بإخلاص ولا نشخصن الدعوه إلى الله سبحانه وتعالى

اعمل بما معك من العلم لدين الله
اشغل نفسك بما ينفعك وانفع به غيرك

الدعوة إلى الله اشرف الأعمال

#اللهم صل علي سيدنا محمد...
سبحان الله ....💜
الحمد لله ....💜
لا اله إلا الله ....💜
الله أكبر ....💜
لا حول ولا قوة إلا بالله ...💜