سلسلة بداية الهدايةة 🌕⛓️

🔷الحلقة السابعة عشر

🔹 الحلقة السابعة عشر

#بداية_الهداية_مع_جرب_تقرب

افهم الدعوه صح 💡👌

من الحاجات اللي مفهومنا فيها ضيق أوي
مفهوم الدعوه إلى الله سبحانه وتعالى
انك انت تعتقد أن الدعوه إلى الله
هي مجرد الدرس
أو أنك تخطب خطبه
أو أنك إنت تسجل فيديو
أو أنك أنت يكون ليك صفحه كبيره على النت وتبقى راجل مشهور ويبقى ليك متابعين ويبقى ليك قناه ...
هي دي الدعوه إلى الله ⁉️

بستغرب جدا 😐لما يجيلي شاب ويقولي أنا عايز ابقى داعيه أو عايز ابقى زيك مثلا
أيوه طب انت بقى عايز تعمل ⁉️
يقولي عايز أعمل بقى صفحه واسجل لنفسي فيديوهات وانزلها على النت 💻
هو كده ده تصوره عن الدعوه إلى الله سبحانه وتعالى
هذا التصور تصور ضيق جدا يا جماعه
أنا أصلا لا أحب كلمة الداعيه
مبحبش حد يسميني الداعيه
لإن تسمية بعض الأشخاص دعاه بيخلينا نزداد في التصور الغلط ده ❌❗
إن هم دول الدعاه اللي عنده صفحه اللي بيسجل فيديوهات اللي بيدي درس هم دول الدعاه
طب وبقيت الناس ⁉️
هذا مفهوم خاطئ تماما لإن الدعوه إلى الله هي مهمة الأمه بأسرها
قال تعالى "ولتكن منكم أمة يدعون إلى الخير ويأمرون بالمعروف وينهون عن المنكر "
كلنا دعاه مفيش حاجه اسمها ناس معينه هم دول الدعاه
وإحنا ملناش دعوه بقى الناس دي تتصرف هم الناس دي معاهم إمكانيات وعندهم كاميرات هم دول الدعاه
لا ☝

احنا دين الإسلام غير دين النصارى معندناش كهنوت
معندناش حاجه اسمها رجال دين ورجال دنيا
كلنا رجال دين ودنيا
كلنا مسؤولين عن الدين ده مسؤولية واضحه
لذلك عايز أقولك إن الدعوه مفهومها أوسع بكتير مما تتخيل
الدعوه هي كل حركه بتعملها كل كلمه بتقولها
كل تصرف بتتصرفه
أخلاقك مع الناس
سلوكك
مواقفك مع الناس
اختلاطك بالناس
صبرك على أذاهم
بذل المعروف ليهم
الإحسان إليهم
كل دي وسائل دعويه
بعد ما تعمل الوسائل دي قول أي كلام بسيط الناس هتقبل منك
كلمهم في الشارع ببساطه
مش لازم كلام يكون معقد  ولا متنمق ولا تصوير ولا فيديو ولا الكلام ده

أبسط كلام بعد حسن المعامله بيأثر في الناس جدا
لذلك تجد يوسف عليه السلام مثلا في السجن المجرمين واحد قاتل وواحد شارب خمر بيقولوا له " إنا نراك من المحسنين "
الكلام ده مش بيقولوه من فراغ ... العلماء في التفسير بيقولوا فعلا يوسف عليه السلام دخل السجن من هنا بدأ يحسن إلى المساجين ويسعى في حوائجهم ويحل مشاكلهم ويطعم جائعهم لدرجة الناس انبهروا بيه والناس جاينلوا لوحديهم يقولوا له  " إنا نراك من المحسنين "
بدأت عملية التأثير على المدعو وبالتالي يوسف عليه السلام ببساطه بدأ يتعامل ب الدعوه إلى الله وبدأ يكلمهم ويقول " يا صاحبي السجن أأرباب متفرقون
خير أم الله الواحد القهار "
خلاص هو جالك قول بقى أبسط كلام هيقبل منك
النبي عليه الصلاة والسلام كان فيه راجل اسمه ثمامه بن أثال ده كان سيد قومه
المهم  مره كده الصحابه أسروه ف النبي عليه الصلاة والسلام عرض عليه الإسلام فأبى يعني رفض ثمامه في البدايه وكان أسير عند النبي عليه الصلاة والسلام
كل اللي عمله النبي عليه الصلاة والسلام قاله خلاص وأطلق سراحه رغم أن الراجل ده يساوي كتير جدا لكن أطلق سراحه عليه الصلاة والسلام وعارف هو لما بيطلق سراحه عمل كده ليه هو الراجل مجرد طلع من المدينه رجع تاني وقال اشهد ان لا اله إلا الله وأن محمد رسول الله
عدي بن حاتم كان ليه اخت

اخت عدي بن حاتم أسُرت أيضا في مره من المرات ف النبي عليه الصلاة والسلام كان عارف طبعا دي مين وأخت مين بنت حاتم الطائي أكرم العرب
فالنبي عليه الصلاة والسلام أحسن إليها وجابلها جمل وردها إلى عدي بن حاتم وأكرمها وعمل معاها الواجب وزياده زي ما الناس بيقولوا
رجعت إلى عُدي بن حاتم تقول ياعُدي لقد فعل هذا الرجل فعلة لو كان أبوك حيا ما فعلها
فالموقف ده أثر في عُدي بن حاتم وكان أحد أسباب إسلامه
عايز أقولك إن المواقف والسلوكيات والتصرفات دعوه

مهم جدا 👌وأنت في طريقك إلى الله تهتم بكلمتك بموقفك بسلوكك بنظرتك للناس
الحجات دي عند الناس ليها مقاييس كبيره جدا
أنا أعرف ناس كتيره يا جماعه مبيكلموش كلام كتير
لكن الناس بتتأثر بيهم جدا
مجرد ما بيشوفهم بيتأثروا  لأن هم فعلا قدره
وناس كتير بيتكلموا زي ما انت عايز والناس مبتتأثرش بيهم لإن هم عارفين ان كلامهم غير تصرفاتهم
عارف مين أعظم داعيه في العصر الحديث ❓
مش هتصدق مش شيخ ولا حد من اللي ليهم قنوات إعلاميه ولا ولا ولا ......
دكتور عظيم من الكويت
اسمه عبدالرحمن السميط
أنا عايزك تكتب على اليوتيوب على الويكيبيديا أو على أي حاجه اكتب عبدالرحمن السميط واتعرف على أعظم داعيه في العصر الحديث
راجل لا كان بيخطب ولا خطيب ولا منبر ولا بتاع
حياته كلها كان عباره عن إحسان
عارف عبدالرحمن السميط ده مش هقولك تاب على ايده لا هقولك أسلم على ايده كام واحد
أسلم على ايده 11مليون انسان في أفريقيا‼️😯
حياة عبدالرحمن السميط هي حياة تصرفات وإحسان
كان يروح إفريقيا يدخل على القبائل يشتريلهم أكل وشرب ويحفرلهم بير وبعد كده يدعوهم إلى الإسلام
فيستجيبوا
ويبني لهم مسجد ويبن لهم آبار و بني آلاف المساجد
آلاف الآبار
علم ملايين الناس
11مليون واحد اسلموا على ايديه
عشان تعرف يعني ايه الدعوه مش منحصره في الفهم الضيق اللي انت فاهمه ده

ف خلاصة الكلام 🔑ان الدعوه أوسع بكثير من فيديو ودرس ومقطع والكلام ده
الدعوه إلى الله في المقام الأول هي حركة سلوك وتصرفات وأخلاق وأفعال
يعقبها الكلام بعد كده اللي بيأثر في الناس فكونوا دعاه إلى الله بأخلاقكم بسلوككم بتصرفاتكم وأفعالكم ومواقفكم قبل أن تطلبوا الدعوه بأقوالكم وخطبكم ودروسكم

نسأل الله أن يتقبل منا ومنكم صالح الأعمال
نسأل الله أن يستعملنا ولا يستبدلنا

سبحان الله ....💜
الحمد لله ....💜
لا اله إلا الله ....💜
الله أكبر ....💜
لا حول ولا قوة إلا بالله ...💜