شغفها عشقاً

البارت الرابع

الجميع يكتب عن الألم ولكن الألم الحقيقي لا يحكي 🖤 🖇️"
...........................................................................

آسر وهو بيسأل الدكتوره : مالها ي دكتوره .

الطبيبة : واضح إنها اتعرضت لصدمات كتيرة اليومين دول وكمان حالتها النفسيه مش كويسه اوي لازمها راحه يومين كدا وهتبقي احسن وياريت تبعدها عن اي توتر او مشاكل حضرتك جوزها مش كدا .

آسر بصدمة :لا..انا المدير بتاعهاا.

الدكتوره باسف : فكرتها مراتك عالعموم انا مضطره امشي ولو احتجت اي حاجه انا موجوده سلام

دخل اسر اوضة مريم لقاها نايمه ومتوصل في ايديها محلول فضل يبصلهاا فترة وقلبه بيدق بسرعه .

مريم وهي بتفتح عنيها بتعب : انا فين .. اي دا إنت اي اللي جابك هنا ثانيه هو اي اللي حصل.

آسر ببرود : اهدي محصلش حاجه انتي أغمي عليكي بس وجبتك على المستشفى .

مريم  : لو سمحت ممكن تقولي اي اللي حصل ومين اللي خطفوني وكمان كانوا عايزين يلبسوك تهمه معرفش اي كدا اوعي تقول إنه مات هتنحبس يعني.

آسر بمقاطعة : اسكتي إنتي بالعه راديو .

مريم : مانت مش راضي تقول حاجه .

آسر : إنتي لو سكتي أكيد هقول .

مريم : سكتت أهو .

آسر : دي مشاكل بيني وبينهم مكنش ينفع تدخلي فيها عالعموم انسي اللي حصل

مريم : انسي اي انا كنت هموت وانا معملتش حاجه وانت عرفت مكاني ازاي.

آسر : عرفت الموقع من تلفونك وياريت تبطلي اسألة واتمني محدش يعرف بالموضوع ده .

مريم : والراجل مات؟!.

آسر : ايوا هو كان هربان واخد جزاءه ولو انتي كويسة يالا عشان اوصلك عالبيت .

مريم : إنت مخبي حاجه مش كدا .

نظر لها آسر بحدة فقالت : استني لما البتاع اللي في أيدي يخلص وبعدين نمشي .

اسر غمض عينيه بتعب اما مريم ففضلت تبصله شويه وبعدين استوعبت نفسها وفضلت تستغفر ونزلت عنيها في الأرض

ضحك آسر بخفه وقام من مكانه .

مريم بخوف : إنت رايح فين .

آسر : هروح اجبلك حاجه تاكليها إنتي مكلتيش حاجه من الصبح .

مريم بسذاجة : اهاا وبعدين قالت بفزع : ليه هي الساعه كام .

آسر ببرود : الساعه تسعه .

مريم بخوف : احيه انا هبات في الشارع انهاردة وزمان تيته والبنات قلقانين عليا .

آسر : متقلقيش انا قلت لزياد وطمنته وهو أكيد قالهم إنك معايا في شغل مهم .