شغفها عشقاً

البارت الرابع عشر

لا أحد يعرف ما الذي بداخلك ، لا أحد يعرف القصة كامله♥️
*No one knows what s inside you, no one knows the whole story*
...........................................................................

رواية شغفها عشقا
بقلمي سارة خليل

يوم فرح اسر ومريم
كانت مريم في الفندق اللي اسر حجزه ليها وكانت سرحانه والبنات حواليها عمال يرقصوا ويهيصوا
نور وسمر وهبه وميرال وفيروز و تاليا وياسمين صحاب مريم من الكليه

هبه: اي ياينتي سرحانه في ابيه كل دا خلاص فاضل شوين صغيرين وتبقوا مع بعض متخافيش

مريم: لا انا مش سرحانه ولا حاجه انا معاكم اهو

ميرال : دا انتي كنتي بتهزي راسك علي اي حاجه بقالك ساعه

شمس (الميكب ارتيست): يلا يا بنات اجهزوا علشان بتاع السيشن جه معلش بس الكل يطلغ دلوقتي لانه هيصور مريم الاول لوحدها ولازم ازبطها

اوما الكل وخرجوا وشمس بصت لمريم وقالت: خير يا استاذه مريم مالك اي المنظر دا المفروض انك عروسه يعني

مريم: مالي منا كويسه اهو

شمس: انتي كدا كويسه!

مريم: معلش يا شمس بس في شوية مشاكل بس

شمس: مش عايزه اضغط عليكي بس نصيحه مني واعتبريني اختك الكبيره اليوم دا مبيتعوضش ايا كان اي بيحصل انتي عمرك في حياتك م هتعيشي اللحظه دي تاني افرحي واتبسطي وعيشيها بكل شغف وسعاده حتي لو مش مبسوطه

مريم قاطعتها: مين قالك اني مش مبسوطه انتي تعرفي انا قد اي اتمنيت اليوم دا قد اي اتمنيت ان انا واسر نبقي لبعض بس مش بالطريقة دي كان نفسي انه يجي يعترفلي بحبه واكون طايره من السعادة ويقولي هجيب اهلي واجي ويجولنا ونتخطب وبعدين نكتب الكتاب وبعدين حنه وبعدين فرح ونمشي حياتنا خطوه بخطوة لو اسر كان صريح معايا من البداية كان كل حاجه اختلفت

شمس: اعتقد انه كان صريح معاكي من البداية وانتي عارفه دا كويس مفيش حد مبيبقاش فاهم اللي قدامه علي اي متفكريش في السلبيات اهو بقيتوا مع بعض مش هتفرق الطريقه

مريم بتنهيده وحزن: احنا ابعد م يكون مع بعض انا مش عارفه اوصف احنا عاملين ازاي

شمس: متوصفيش ومتفكريش اتبسطي عيشي كل لحظه فحياتك علي انها الاخيره استمتعي بحياتك بحلوها ومرها من غير المشاكل دي حياتنا عاديه روتينيه تنكري ان المشاكل دي اللي بتخليكم تتعلقوا ببعض اكتر

مريم ابتسمت وافتكرت ذكرياتها مع اسر حرفيا متجمعوش يوم الا وحصل فيه مصيبه

مريم: معاكي حق لازم اعيش حياتي انا مش هتجوز كل يوم

شمس: ومش اي حد دا اسر البحيري بجد انتي متخيله انا سمعت كتير عنه بجد يعني الواحد بيخاف يتكلم معاه اصلا وقعتيه ازاي بجد