المقدمه
حبيت الفت نظر البنات الصغيرات
اللي بيتعلقو بالشخصيه العصبيه واللي يزعق لها والشاب الروش اللي البنات بتنجذب ليه
ودي كلها والله بقت اسباب الطلاق المبالغ فيه هذه الايام
وربنا يرزق بناتنا بالازواج الصالحين ويبعد.عنهم الشر
الاثنان يحبونها
الحلقه الاولي
ام احمد:قومي ياايناس بقي غلبتيني
ولا ايهاب اخوكي اقومه علي مااخش المطبخ الاقيه نام تاني والله تعبت منكو مافيش فيكو غير احمد يظبط منبهه ويقوم لكن انتو جننتوني
ايناس:انا قمت اهو مافيش غير احمد احمد تقولش ماخلفتش غيره عشان دخل طب خلاص
امها:طب انتي خلصي رابعه ابتداءي بتاعنك يامقروضه اقولك خدي سادسه وانا هبوس ايدي وش وظهر دا انتي غلبتيني
لا شرح نافع ولا درس نافع مش عارفه اعمل فيكي ايه غلبت وغلب غلبي
ايناس :كل حاجه ايناس ايناس حاجه تقرف وانا اللي انزل اجبلها كل حاجه والاخرتشتم بردو شكلي هطفش منها
امها:انتي بتبرطمي تقولي ايه ياكلبه
ايناس :مابقولش
امها:لسانك متبري منك وعاوز قصه
طالعه لعمتك
........................
سلسبيل :دكتور احمد لو سمحت انا سمعت انك عامل مذكره حلوه ف الاناتومي
احمد:اه فعلا هي مابتطلعش الا للعزيز الغالي
بس ماتغلاش عليكي
سلسبيل :ميرسي اوي
طب ممكن اخدها اصورها
احمد:وليه تتعبي نفسك انا بتعامل مع بتاع المكتبه وهخليه يصورلك نسخه
سلسبيل:انا مش عارفه اشكرك ازاي حقيقي ميرسي اوي خالص
احمد:ياسلام علي ايه ده كله دي حاجه بسيطه جدا
دي مذكره لا راحت ولا جت
وصور المذكره وادهالها
بتديه الفلوس
احمد:عيب بقي دي حاجه بسيطه انتي بتشتميني بالزوق
انتي ف جروب الكليه ع الفيس معانا
سلسبيل :انا ادمن فيه
احمد:لا والله وانا كمان
ازاي ماخدتش بالي
سلسبيل :ماهي الدفعه كتير ف الجروب عشان كله مشترك فيه لما حاجه بتتلغي او تنزل مذكره بنعرف بعض
احمد:طب اسمك ايه ف الفيس
سلسبيل :نفس اسمي
احمد:وانا كمان نفس اسمي
سلسبيل:اوك باي
احمد:باي
اصبح يتحدث احمد مع سلسبيل وينظمو حاجات للجروب سوا ع الفيس
وف مره عمل حجه ان حد ضايع منه مبلغ كبير وتركه وبيدورو علي صاحبه الشنطه وخد عنوانها وراحلهم يسالها لو هي ولا لاء مع انه كان ممكن يسالها ع الفيس او يتصل تليفونيا
ولكنه كان يريد التعرف بالاسره
واحبته والدتها جدا مثل اولادها
فهو مثال للشاب المحترم الملتزم
..............
واكتشفت امه بالصدفه محادثاته مع هذه الفتاه زميلته
امه :وانت من امتي بتكلم بنات يااحمد
احمد :دي زملتي ف الكليه ياماما وبنكلم ف حاجات دراسيه تبع الجروب
امه:احمد انت عندك اخت وانا ربتكو علي داين تدان واللي تعمله ف بنات الناس هيتعمل ف اختك
احمد:ماما انتي عرفاني لا ليا ف اللف ولا الدوران انا فعلا عاوز اخطبها بس احنا مافيش كلام بينا غير ف الدراسه وتعاملنا داخل الكليه وف حدود الزماله وعمري ماتخطاها
امه:تخطب ايه يابني دا طب وانت ف اولي
طب قول نص السكه بعد تالته يبقي قدامكو رابعه وخمسه وسادسه وتجوزو ف الامتياز اهو هتشتغلو فيه وتصرفو علي نفسكو انما تخطبها 6 ولا سبع سنين دانتو تزهقو من بعض علي ماتيجو تجوزو
وفعلا استسلم احمد لكلام والدته لانه كلام العقل فحتي اهلها لن يرضو بذلك
واخبر احمد سلسبيل بمحادثته لامه في موضعهما ورايها فيه
وحدثت هي الاخري اهلها واتفقو بعد 3 فعلا ياتي باهله لخطبتها
وفعلا بعد انقضاء الثلاث سنوات خطب احمد سلسبيل فهو يحبها جدا وهي ايضا تحبه وتسمع كلامه
أنت تقرأ
الاثنان يحبونها
Romanceاحبها بسبب تكرار بعض المواقف بينهما ولكنها كرهته بسبب نفس المواقف فقد كانت تنظر الي غيره ولكنه كان نصيبها ظلت تقاوم شعور الحب الى ان غمرها به وعشقته
