الاثنان يحبونها
الحلقه 7
فتحت جروب الدردشه بتاع العيله وفيه وليد ومروه وسماح واخوها ياسر
واخو وليد الصغير مهند
ايناس :انا ماشفتش ف حياتي رزاله وتباته وتناحه اكتر من كده
مروه:مالك ياانوس
ايناس :محمد اخو سلسبيل ده انا خلاص طهقت منه وعاوزه اخنقه حاشر مناخيره ف كل حاجه
وليد :ودا ماله ومالك ان شاء الله
ايناس:صمم يوصلني بالعافيه ...
وليد:وانتي ازاي تخليه يوصلك بروح اهله ده
غتت عليكي ولا حاجه والله اعلملك عليه
ايناس :لا وهو حد يقدر يكح معايا شايلينك لوقت عوزه يامعلم دا احنا تلامذتك ومنك بنتعلم
وليد:انا بحسب فورتي دمي داهيه تحرق دمك ودمه
ايناس:ماتتلم يلا بقي انا غلطانه اني قلتلكو
وليد:لا ماتقوليش كمان عشان اديكي بالجزمه
ايناس :والله انت قليل الادب وانا مش هكلمك تاني
وليد:خلاص يانوسه بقي معلش اصلي دمي فار
ايناس:ارميه من الشباك
وليد :هو مين
ايناس:الفار
وليد:وليكي نفس تهرجي والله لو اطولك دلوقت كنت رنيتك علقه ماتحلمي بيها
ام احمد:يااينااااس
ايناس :امي بتنادي اما اشوف عاوزه ايه
وطلعت ايناس
امها :سلمي علي محمد عشان ماشي وطيبي خاطره هو كان قلقان عليكي
ايناس:وقلقان ليه هتخطف ف بيتنا
امها:ليه مابتحصلش حد يخدرك ف الاسانسير ويخطفك
ايناس :ماشي ياماما جت سليمه لمااتخطف ابقي اقلقي انتي وهو
محمد:انا ماشي ياطنط عاوزه حاجه
امها:لا ياحبيبي شكرا علي تعبك وماتزعلش منها هي صغيره ماتفهمش دي لسه تانيه ثانوي
محمد:ماشي ياطنط ونزل محمد
وامها مسكتها من شعرها
هو مافيش فايده فيكي ولسانك اللي عاوز قطعه من لغاليغه ده
ايناس :اكفي الادره علي فمها تطلع البت لامها وتجري وامها تجري وراها بالشبشب
ماشي ياكلبه اما وريتك تربيه وسخه انا ماعرفتش اربي مافكوش غير احمد حبيب قلبي
ابو احمد دخل مالك ياموزتي
ام احمد :بنتك هتجبلي شلل الاطفال والثلاثي علي كبر
ابو احمد :والله انتي تشلي بلد
ام احمد:والله اسيبهالكو مخضره علي دماغتكو انا اعصابي تعبت معاكو لا جوز نافع ولا عيل نافع
ابواحمد:ليه بس ياموزتي احنا نقدر نستغني عنك ياجميل هي الدنيا لها طعم من غير لسانك الطويل
ام احمد:راجل انت ماتنقطنيش انت وبنتك
ابو احمد:مالها قطه بابا
ام احمد:قطه قول وحش بابا اسد بابا اللي طالقه ع الناس
دا اقل مايقال
وقصت له ماحدث
ابو احمد:والله الواد ده محترم اوي وكل مادا بيزيد اعجابي بنخوته ورجولته
ام احمد:وانا والله بحبه زي احمد وبحس انه محترم زيه مش زي الركش اللي جوه زباله البطن دول
........................
دخلت خاص لمروه
ايناس:شوفتي اهو اتسببلي ف الضرب من ماما والتهزيء انا جبت اخري منه يارب يموت
مش طيقاه عاوزه اولع فيه
مروه:سيبك منه المهم عملتي اللي قلتلك عليه
ايناس :وانتي مالك ومال ايهاب هااا بيشيت مع بنات ولا لاء
مروه:ماتخلصي يابت
ايناس:ماهو عامله بباس وورد بس علي مين
عشر مرات يغير الباس والاخر عملها بصمه صوت بقيت اسجله وافتحه وياكلني العلقه ومافيش فايده ناقص يعمل ببصمه الاذن او الرجل
مروه:وازاي بقي بصمه الرجل
ايناس:يحطه ف الارض وبرجله ويروح دايس عليه مفشفشه
مروه:هههههه والله انتي مصيبه انتي واخوكي المهم اخلصي لقتيه بيكلم بنات
ايناس:لا ياختي اخواتي مالهمش ف كده زمايله هم اللي كده لكن هو بتترمي عليه بنات ومابيرضاش انتي عارفه هو تعامله زباله مع البنات
دا ماما تقوله مش هتجبلنا واحده تخطبها زي اخوك
يقولها :سيبك منهم بلا ارف
مروه:ارف يارفه
ايناس:والله انا خايفه عليكي مش هو اخويا بس مش هتتحملي عصبيته هو حنين اوي يعني لما حد يزعلني يقف ف وشه ويتخانق معاه وياخدني ف حضنه ويجبلي شوكولاته لكن ف عصبيته ممكن يقتلني بدون مايحس
مروه:اعمل ايه بس يا نوسه بحبه
ايناس:اش اش كده خبط لزق بيضالك ف القفص يااوبه والله ماهيلاقي زيك بس هو ينوي دا كاره للبنات دا بيتعامل معايا بالعافيه عشان صله الدم بس هههههه
بس حطي ف بطنك بطيخه صيفي من جهته
هو بس تلاقي كلام صايع مع زمايله ف الشات
مره يقولو لبعض انا بعشق امك عيال صيع والله
مروه:متاكده
ايناس:اكيد والله وانا هكدب عليكي داانتي اختشي يابت
طب انا اعمل ف سي زفت ده ايه اللي كل مامشي اكعبل فيه ده زي مايكون نقل اقامته هنا
مروه:والله واد محترم وبيخاف عليكي
ايناس:اه محترم ماهو اللي مايعرفش يقول عدس
مروه:عدس
حصل ايه يابت انطقي عمل ايه المنيل
ايناس:ماعملش بس حاول يحضني
مروه:نهاره اسود وعملتي ايه
ايناس:الا عملت ايه بهدلته طبعا مش شيفاني مش طيقاه بس اوعي تقولي لحد انا ماقلتش ف الشات الجماعي ممكن وليد يتهور ويجيب كرشه انتي عرفاه مجنون
مروه:اقول ايه احنا ناقصين مصايب
بس دا حب بقي
ايناس:حب ايه
حبه برص وعشره خرص
قال حب قال انا احب ده
دا لو اخر راجل ف الدنيا دا انا هموت واخنقه نفسي اطول زماره رقابينه
أنت تقرأ
الاثنان يحبونها
Любовные романыاحبها بسبب تكرار بعض المواقف بينهما ولكنها كرهته بسبب نفس المواقف فقد كانت تنظر الي غيره ولكنه كان نصيبها ظلت تقاوم شعور الحب الى ان غمرها به وعشقته
