الاثنان يحبونها

الاثنان يحبونها ال١١

الاثنان يحبونها
الحلقه 11
محمد:والله بت تسد النفس
ايناس:اه انا كده بسد النفس عاوز حاجه
محمد:طب يلا عشان اوصلك
واثناء سيرها كادت سياره مسرعه ان تاخذ ايناس بطريقها من السرعه العاليه فحملها محمد من وسطها ونقلها الي الجانب الاخر بسرعه قبل ان تصدمها السياره
محمد:مش تفتح ياحمار انت كنت هتشلها قدامك
الساءق :جرا ايه يادفعه هو عشان ظابط فاكر اشتريت الشارع ماتمشي ف جنب
محمد:انت كمان لك عين ترد
وايناس تشد فيه خلاص يامحمد وهو ابدا راسه والف جزمه يطلع الراجل ويضربه ايهاب شاف خناقه من البلكونه ودا يهيص ف الخناقات

لقي اخته بتشد محمد ومحمد بيتخانق مع السواق عرف انها تبعهم
عنك انت يامحمد
جرا ايه ياروح امك مش تفتح ولا ماشي ف عزبه الي خلفوك
والناس تهدي فيهم  الي ان انتهت الخناقه بسلام
ايناس :مش هتطلع تسلم علي بابا وماما هيزعلو لو عرفو انك جيت هنا وماسلمتش عليهم
محمد:والله صاحي بقالي 48 ساعه  وهموت وانام
ايناس :خلاص براحتك انت حر
ايهاب :ياجدع مايصحش تعالي شويه
فطلع ليسلم عليهم
وفعلا سلم عليهم
ام احمد:اعملي عصير ياايناس
محمد:لا والله انا لسه بقولهم مانمتش بقالي48 ساعه واجازتي 72 ساعه بس هروح الحق انام عشان اشوف بابا وماما لو محتاجين حاجه اعملهالهم قبل ماامشي انتي عارفه هم كبار ومابيقدروش علي حاجات كتير كنت انا اللي بعملها واخويا ايدك منه والقبر
ام احمد:ربنا يحميك يابني ويخليك لهم
واستاذن ومشي

وبعدها جلس ايهاب مع ايناس
ايهاب:انتي عارفه اني عمري ماكلمتك ف حاجه او فرضنا عليكي راي
بس ده يترفض
انا هعملك  مقارنه بسيطه بين واحد زي محمد وواحد زي وليد
شوفي محمد بار باهله ازاي واجازته عاوز يشوف اهله محتاجين ايه ويعمله بدل مايصيع ويروش
وشوفي وليد وعمتك نفسها لما كانت تعبانه وتناديه يفتح النور ولا المروحه كان بيذلها ويقولها انتي هتعملي فيها عيانه ماتقومي تفتحيه
دا خد علي انه  ياخد بس مايديش هل واحد زي وليد مالوش خير ف امه  يبقي ليه  خير ف اهل بيته مراته ولا عياله
ايناس:انتو ليه محسسني اني برفض محمد عشان وليد
حتي وليد انا رفضاه ومش قابله اسلوبه لكن انا  مابحبش محمد. مش قبلاه بعد اللي
وتداركت ماتقول فلن تستطيع ان تقول لاخيها انه حاول ان يحضنها
ايهاب:بعد ايه في ايه بالظبط
ايناس:مافيش بس اسلوبه معايا مش بيعجبني
ايهاب:يعني وليد اللي اسلوبه حلو
ايناس:يوووه كل حاجه تحشرو فيها زفت هو مافيش ف العالم غير وليد ومحمد اكيد في بشر تانيين
ثم مانت اسلوبك وعصبيتك نفس وليد
ايهاب:لا طبعا انا غيره يمكن عصبي جدا اه عارف بس انسان مسؤل لو احتاجتيني جمبك بتلاقيني لو بابا او ماما احتاجوني بيلاقوني ف ظهرهم
ولا ليا ف الهزار مع البنات والكلام الفارغ بتاعه
ايناس:انت هتقولي باماره انا بعشق امك
ايهاب يجري وراها والله ياكلبه لو شوفتك بتمسكي موبايلي وتفكي الباس وورد هولع فيكي
ايناس :تجري اهو قلب ف ثانيه وراح طقم الحنيه

ايهاب:ماشي ياجزمه انا نازل شويه وجاي اصحابي بينادو عليا
ومشي ايهاب وجت مروه بنت عمتها الكبيره
فدخلو حجره ايهاب لانها واسعه وفيها سريرين
مروه:ايه يابت مابقتش اشوفك ولا بتيجي
ايناس:يعني احنا اللي بنشوفك  من ساعه مادخلتي صيدله واللي علي علي ياختي
مروه:ابدا والله داانتي حبيبتي انا اقدر
واخوكي المنيل لوح التلج عامل ايه
ايناس:كان بيديني محاضره دلوقت كنتي تعالي اسمعي د.ايهاب وهو يلقي علي مسامعي محاضرته العظيمه كان هيبهرك قال كلام عظيم جدا زي الفل ولا فهمت هو عاوز ايه بالظبط
مروه:يخربيت سنينك تحفه من تحف الزمن
جاء ايهاب
ايه يابت انتي وهي الاحتلال اللي عملينه ف اوضتي ده مش ليكي اوضه تلمي الركش بتوعك فيها ولا بتعزميهم علي قفايا ف اوضتي
مروه:يانهار اسوخ دي الفاظ دكتور
دا  الدكتور البيطري اللي بيعامل الحيوانات انظف من كده
ايهاب :ماتتلمي يابت بدل ماحولك
مروه:بته تبتك انا دكتوره
ايهاب:هههااو
قال دكتوره قال انتي اخرك.حبايتين انتوسيد توصفيهم لواحد داخلك الصيدليه عنده اسهال ياامه
مروه:انا دكتوره غصب عنك ولا زم تحترمني
ايهاب :تصدقو انا جبت اخري منكو انتو الاتنين وهفقشكو ف بعض زي البيض ومسك دي من طرحتها ودي من شعرها وطقشهم ف بعض
يلا بره يابت انتي وهي مش عاوز اشوف خلاقكو ف اوضتي تاني