الاثنان يحبونها

الاثنان يحبونها العاشره

االاتنان يحبونها
الحلقه 10
امها بقي واخده اوسكار احسن ممثل
انتي عاوزه تموتيني ناويه تجبيلي جلطه
الحقني يابو احمد هموووت هات حبايه الضغط
ابو احمد:يكون ف علمك لو امك جرالها حاجه يبقي بسببك
وايناس رغم عمايلها ف امها الا انها لا تتحمل عليها الهوا الطاير اول اما تتعب تقعد تعيط جمبها كمعظم الفتيات فلا يوجد اغلي من الام
ايناس :تبكي خلاص ياماما فوقي انا اسفه مش هزعلك تاني بس فوقي بالله عليكي
واغلق الموضوع لما يبقي يجي وقتها ...
......................
سلسبيل :لو سمحتي يا نوسه تعالي بس خدي بالك من اياد علي مااروح الشغل وارجع في حاجه مهمه لازم اعملها وخايفه اطلعه من البيت وارجع بيه بليل  يتعب مني
ايناس :حاضر انا جايه اهو
وفعلا لبست وراحت تلعب مع اياد فهي تعشقه وتحب اللعب معه وهو يضحك معها
وفعلا جلست معه وقت طويل وبعدها تجد من يرن الجرس
فقالت مين وتفتح تجد محمد فتغلقه مره اخري
محمد:افتحي ياايناس بلاش هبل 
ايناس:ماينفعش اختك مش هنا
وانا لوحدي
محمد:عارف ياسيتي هي قالتلي جايه ورايا حالا عشان في حاجه هتبعتها معايا لماما
اخلصي بقي شكلي وحش وانا واقف كده
ايناس:خلاص هفتح واستلم ابن اختك وانا همشي
محمد :طب افتحي
فتحت واعطته اياد وفتحت لتخرج فاغلق الباب
محمد:ماينفعش تسبيني معاه لوحدي اتصرف انا ازاي  عشان لو عاوز يغير ولا حاجه
ايناس:انت مش خاله اتصرف
محمد:اتصرف ازاي يعني انا
ايناس:اتعلم يعني انا اللي خلفت قبل كده
محمد:دي طبيعه فيكو عشان مسيرك تبقي ام
ايناس:مانت مسيرك تبقي اب اهو اعمل بروفه علي اياد واتعلم عشان تعمل لابنك وتساعد مراتك
وسع من قدام الباب عاوزه امشي
محمد:قلت استني هي 5 دقايق وجايه هاخد الحاجه واوصلك يعني هعملك ايه ف ال5 دقايق
ايناس:والله مااضمنك.دقيقه واحده انا عاوزه امشي بدل ماصوت والم عليك العماره
وجدت من يرن الجرس
ودخلت سلسبيل
معلش اتاخرت عليك ياحبيبي كان في زحمه ف الطريق اوي
ايناس :يلا اشتكو لبعض احوالكو واعطال المرور
وانا ماشيه
فجذبها من يدها قلت استني هوصلك وانا ماشي وقلت ميت مره ماتمشيش لوحدك ف الوقت ده
كانت سلسبيل دخلت جابت الحاجه تعطيها لاخوها
محمد:اتفضلي ياهانم
ونزلت معه ليوصلها
محمد:قسما عظما لو مابصيتيلي انك وصلتي لهيبقي ليا معاكي تصرف تاني
واوعي تختبري صبري معاكي ياايناس
وفعلا طلعت وبصلته
خلاص امشي بقي اطمنت ولا اجيب ميكريفون
فمشي دون ان يتحدث
وذهب اعطي لامه الحاجه
امه:انت شوفت ايناس
محمد:ماما
امه:واضح من غير ماتقول
محمد:انا عارف ان لسانها طويل حبتين وعاوز قصه ومسيري هقصهولها واظبطه بس انا واثق ف اخلاقها وعارف تربيتها كويس وتدينها
ايناس لبست حجابها من وهي طفله من غير ماحد يقولها ومارضيتش تقلعه حتي ف فرح اخوها مع انها ماكنتش بلغت لسه بس قالت طالما لبسته مش هقلعه وحفظت قرانها بردو من غير ماحد يقولها بقت تروح تحفظ لوحدها 
والكلام ده عرفته من مامتها 
مين بنت دلوقت كده
وعلي فكره بقي هي من اطيب الناس ودمعتها قريبه جدا وعمرها لا تشيل ولا تحقد علي حد وعلي نياتها جدا لما يبقي فيها كل الصفات دي وهو بس لسانها اللي مسيره يتعدل لما تكبر وتفهم وتعقل
امه:خلاص يابني ربنا يوفقكو ويهديكو لبعض ويجعلكو نصيب ف بعض
محمد:امين يارب
.......................
دخل الجيش محمد وانقطعت اخباره  وعدت الثانويه ودخلت كليه تربيه
سلسبيل :هي الكليه خدتك مننا ولا ايه

ايناس :ابدا والله بس ساعات برجع 6 او 7
خلاص انا الواد يويو وحشني المهم اخوكي مش عندك
سلسبيل :اخويا ف الجيش انتي ناسيه
ايناس :ماهو زي فرقع لوز ممكن الاقيه ناطط ف وشي
وذهبت ايناس لتلعب مع يويو واخذته للبلكونه  وسمعت رنه الجرس لتفتح سلسبيل تجد اخوها ببدله الظباط فتحتضنه
محمد:فين اياد وحشني والله جاي عليه لسه ماروحتش قلت اشوفه الاول واطمن عليكي
سلسبيل :ف البلكونه مع ايناس
محمد:ايناس هنا
سلسبيل :روح شوفه علي مااعمل عصير
ودخل البلكونه لياتي من خلفها
وحشتيني
فتفزع حتي تكاد تلقي باياد من يدها فيحتضنها من الخلف ليمسك اياد قبل ان يقع

أيناس :وسع خلاص انا مسكته
محمد:انا والله ماقصد انا عملت كده خفت انه يقع منك
ايناس:عارفه خلاص حصل خير  اتفضل اهو انا ماشيه
فيجذبها من يدها
انا مش قلت مافيش نزول لوحدك بليل استني هنمشي سوا
ايناس :يوووه
محمد. دول شارعين ماحدش هيخطفني يعني
محمد:وانا قلت مافيش نزول لوحدك يبقي مافيش نزول لوحدك ويميل عليها مفهوم ياننس
تنظر له بضيق 
محمد:يلا العصير جه نشربه وننزل
ايناس:مش عاوزه حاجه
محمد:مش ملاحظه ان الصدف دايما بتجمعنا سوا هنا
يعني اخر حاجه اتوقعها اني الاقيكي هنا
زي مايكون قلوبنا بتحس ببعض
ايناس:حيلك حيلك قلوب مين وكبد واوانس مين
دااختك اللي اتصلت عشان ملخومه ف الكليه ومابجيش فقلتلها هاجي اشوف اياد وحشني
لافيها كبد ولا كلاوي
ماتافورش