الاثنان يحبونها
الحلقه 6
جاء موعد ولاده سلسبيل والحمد لله ولدت بالسلامه والجميع عندها
ايناس :اخيرا بقيت عمتو بس عمري ماهبقي خالتو
سلسبيل :وانا هبقي ام بس ولا انا هبقي خالتو بردو لاني وحيده زيك بس انتي اختي يا نوسه
محمد:وانا اخيرا هبقي خال
ايناس :غلس وحظك نار وهتبقي عم كمان ف يوم من الايام جاتنا نيله ف حظنا الهباب
محمد:ايه البت السماويه دي بتاررري علينا
ايناس:ياعم الله يسهلو
ام سلسبيل ؛ طب اطلعو كملو خناق بره عشان اغيرلها هي والواد
ايناس :طب هاتيه شويه علي ماتغيرلها اخده وماتخافيش هدفيه مش هبرده
امها:طب خدي واقفلي الباب وراكي
محمد:هاتيه شويه
ايناس:لا انا اللي خدته انت بتشبط ف الحاجه اللي معايا ليه
محمد:عاوز ابوسه
ايناس بوسه وهو معايا
محمد:الله عاوز اخده ف حضني مش انا خاله
ايناس:اه نسيت انك عاتشفي واي حد تاخده ف حضنك
محمد:وبعدين معاكي بقي انتي قلبك اسود اوي ايه مابتنسيش
ايناس:ودي حاجه تتنسي ياراجل هو الواحد كل يوم هيقابله حد قليل الادب عاوز يحضنه
محمد:يظهر انك حنيتي للحضن ده
ايناس :دا بعيد عن شنبك
اتفضل بن اختك انا ماشيه وسيبهالك مخضره
محمد:طب استني بس ماتزعليش راحه فين
ايناس :مروحه ايه ماليش اهل يسالو عني
محمد:طب استني انا نازل مروح هوصلك
ايناس:متشكره احنا جمبهم مش محتاجه
محمد:قلت استني هنا ماتنزليش ف الوقت ده لوحدك
ماما
خدي اياد اهو
ام محمد:هاته عشان اغيرله وترضعه
محمد:عاوزه حاجه من البيت واجيلك امتي
امه:لا ياحبيبي خد بالك من نفسك بس انا قلت لمرات عمك علي حاجات هتديهالك تجبها الظهر بكره وانت جاي
محمد:من عنيا ياست الكل عاوزه اي حاجه تاني
ام محمد:لا حبيبي يسلملك طريقك يارب
ووجد ايناس فتحت الياب وطلعت امام الاسانسير
فجري لحقها
انا مش قلت تستني اوصلك ماتمشبش لوحدك
ايناس :وانت مالك بيا انت كنت واصي عليا
محمد:اه واصي عليكي انتي زي سلسبيل لو نزلت ف الوقت ده مش هسيبها لوحدها اتفضلي الزفت جه اركبي ومش كل حاجه هتطلعي روحي فيها
ايناس:انت بتشخط.فيا ليا
محمد:يضع يديه علي وجهه
اللهم طولك ياروح
خليك بارد
ايناس تنظر اليه بنرفزه وتحس ايضا انه مستشيط وجاب اخره وحساه هيولع فيها فلمت نفسها واتكتمت واوصلها للبيت يلا اطلعي وبصيلي من البلكونه انك وصلتي ولا اطلعك
ايناس :لا انا هعرف اطلع لوحدي
وطلعت ونسيته انه منتظرها تحت ولم تنظر له من البلكونه
فطلع مسرعا ورن الجرس فطلعت وصدمت عندما راته انا نسيتك خالص
فلم يبالي بانها بشعرها او غيره فقد.ظنت انه ايهاب
وجذبها من يدها انا مش قلتلك انا تحت مستنيكي تبصيلي سيباني ملطوع واقول ايه حصلها حد خطفها ف الزفت الاسانسير
ايناس:اي سيب دراعي نسيت الله
محمد:ماشي ياايناس وكاد يمشي فخرجت امها مين ياايناس
محمد في حاجه يابني اختك بخير
محمد:اه الحمد لله ماما معاها
ام احمد:طب اتفضل يابني خير
محمد:لا ابدا كنت موصل ايناس لان الوقت اتاخر وقلتلها لما تطلع تبصلي عشان اطمن انها وصلت بس نسيت
ام احمد:معلش يابني دي مروشه خالص وتضربها علي نفوخها طب لازم تيجي تشرب حاجه مايصحش
محمد:لا معلش ياطنط عشان مروح
امها :ودي تيجي لازم تشرب حاجه اتفضل
خشي يابت اعملي عصير
وجذبته من يده
وانت عامل ايه ف دراستك
محمد:الحمد لله اخرسنه بقي ونخلص
ام احمد :علي خيريارب
وجابت العصير ايناس :اتفضل
محمد:ينظر لها بغيظ شكرا
فلاحظت الام
معلش يامحمد قلبك ابيض هي كده بتنسي اقولها ع الحاجه تجيبها تنسي خالص
محمد:بس انا مش حاجه ياطنط انا مستنيهة وقلقان عليها
امها:معلش هي غلطت
صغيره ماتفهمش
وايناس بالداخل
والله اقوم اضربه الواد الغتت ده وامي بتكلمه زي مايكون مسؤل عني ولا جوزي وبتصالحنا علي بعض مايغور ف داهيه ايه الخيبه دي
ايه الامهات دي انا بشك انها امه هو ولا تكنش بتحبه علي ابويا
الا الخيانه التار ولا العار ياهريدي ياولدي
لازم اهدي النفوس واقول لابويا وهو يتصرف ويتاويهم واخلص منهم الاتنين
أنت تقرأ
الاثنان يحبونها
Romanceاحبها بسبب تكرار بعض المواقف بينهما ولكنها كرهته بسبب نفس المواقف فقد كانت تنظر الي غيره ولكنه كان نصيبها ظلت تقاوم شعور الحب الى ان غمرها به وعشقته
