بيا وكت ينزل سعرنه
انريد ننسه
انريد نضحك من گلبنه
انريد وادم موش بس احنه نحبهم
انريد وادم هم تحبنه
---------------------------------
لبوة:اتنفست براحه بعد كل البجي البجيته احس ارتاحيت غفيت بدون مادري ع نفسي كعدت ع صوت رند
رند:لبوة تعاي نامي جوه
لبوة:اجيت حبيبتي. نزلنا جوه فرشت الهم ونمنا كعدت الصبح ع صوت الحركه شفتها جاي تاخذ
اغراضها رجعت غمضت بقهر اليوم العرس يعني راح تروح هاهيه لحد ماطلعت من الغرفه كمت ع حيلي
وشلت فراشي وسمعت. صوت الباب مال الشارع انسد غسلت ولملمت البيت ع السريع لان باقي من
البارحه هوسه مالي نفس اكل شي بوجهي للصالون شغلي مو هسه بس اليوم غيرت ع مود ارجع من وكت وي الزفه اشوفها ماينطيني كلبي اعوفها وحده
جنه:انتضرتها تجي وتحاجيني بس مااجت ضجت منها وانقهرت بيبي كالتلي اتصلي ع سهام لان لبوة
تتعب عليها لبيت وخواني ماردت اكلفها اتفقنا تجيني ونروح وهيه طبعا ماصدكت مكيفه لان متعاركين اني ولبوة
سهام:ولج جنه اني مو كتلج لاتمشين وره اختج اسمعي كلامي وشوفي شلون راح تعيشين براحه
جنه:عمه فدوه سدي هاذ الموضوع
سهام:لصيرين عوبه اسمعي كلامي اخلي الزلم كلها تريد اشاره منج بس عوفي اختج راح توديج للهلاك
جنه:ماريد الزلم كلها اني عندي ايمن بلدنيا كلها وثانيا لبوة تريد مصلحتي مايوم سوت شي ضدي سكتت
واني سكتت وصلنا لابو البدلات بلسوك واجرنه ثنين حنه وعرس صراحه ذوقها كلش حلو بعدها طلعنه
للصالون ومكيجتني واني بالي كله يم اختي مقهوره حيل كملنا واجه ايمن بسيارته اخذنه وصلت للبيت كلشي وحشه وماله طعم اتمنيت اصالحني ونرجع
نحجي بس ماوصلت يمي وهاذ شي قهرني اكثر
جنت كاعده ع الكرسي واجت يمي
سهام:ها مو كتلج اختج متفيدج حته بحنتج ماوكفت وياج
جنه:جنت اسمع الها لان كلامها صحيح
سهام:باعي هسه يصير عدج بيت ورجال ديري باالج تحاجينها خليها تولي وعيشي انتي وحدج
جنه:ان شاء الله عافتني وكامت بليل طبيت اخذت ملابسي وطلعت ماحاجيتها ثاني يوم العرس ضليت
اتحرك بلكت تحس وتكعد وتودعني بس ماكو طلعت للصالون وي سهام واخت ايمن حقنه وكوه تتحاجه
وتعاركت وي ام الصالون ع ابو شدعوه. هلكد مكياج وشدعوه البدله هيج دلع
جنه:لبدله اختياري والمكياج ذوقي يعني مضارتج بشي شافتني رديت سكتت خلصت واجه اخذني
ورجعني لبيتنا نص ساعه ودخلت دموعي نزلن شلت بدلتي ورحت وراها بلغرفه عفت الناس كلها
جنه:سامحيني
أنت تقرأ
لبوة
Bí ẩn / Giật gânها انا مهلكه وددت ان اكون قويه اردت ان اصنع المستحيل امرأه تدافع عن حقها اردت العيش بنعيم بوسط الجو العائلي والحنان الابوي لكن الكل اهمشني اسقطني دمرني توجهو كل منهم ع اذيتي الكبير والصغير والمحب والحاقد
