لبوة

مشاهد من المستقبل

- ‏فرش بعيوني صلى ونام "

المشهد الاول
------------------------------
طلعت اتمشئ بل ممر الي بين المضيف ولحوش صاير ع صفحه ماحسيت بس ايد تسحبني نركع راسي بصدره

وين موليه؟
اييي شبيك راسي جاي اصيحك
شتردين!
العلويه تريد السيد
هسه اصيحه دخلي انتي ولاتفرفرين هنا
اهوو شبيك ليوم عليه
وجعو لاتنترين بوجهي لا وحك هوه علي اشك حلكج
خزرته وسحبت ايدي اريد افوت
تعاي لج
شنو شنو شتريد كضني من فكي وعصره بايده
احبنج حيل
تحبني وتعاركني لعد لو متحبني شتسوي
امشي ولي فوتي موش صوجج صوجي انه
تقربت منه وبسته بخفه وطفرت اسمعه يدردم
انه الج لو شايفينه وعلي اكسر عضامج
ضحكت ودخلت يم لبنات 
-----------------
المشهد الثاني
----------
تحبني؟!
ميت بيج
اوعدني متعوفني
وحك الله الكطع النفس ماتيهج
واذا متت تزوج غيري
خاايبه اشش شني هل حجي اسم الله
ايي جاوبي يعني تزوج
بويه اني ماتحلئ بعيني غيرج
لفيت ايدي ع ركبته وخليت وجهي بصدره ونمت براحه بعد كل التعب
---------
المشهد الثالث
------------------
طلعت من الغرفه صدفه وسمعت صوت انين بلحوش تقربت جانو واكفين ع صفحه وهيه تبجي
ولج موتيني شبيج لخاطر الله
مخنوكه طلعني مجاي اتحمل
علويتي بس كوليلي شبيج ولله روحي تروح من اشوفج هيج جبتج هنا اونسج ع مود تغيرين جو شمالج مخنوكه
مادري سيد بس طلعني عفييه جاي اتعب

جانت كاضه بقميصه وهوه يبوس بايدها ويتوسل الها تبقئ نقهرت ع حالتها ليش هيج تعبانه؟
-----------
المشهد الرابع
----------
كعدت الصبح وشايلته بايدي اووف ياامي انت طلعت بيك من الدنيا وطفرت منهم
غسلت اله وريكته وكعدنا نلعب اني وياه وهوه يناغي
اووي فدوه حبيب امه
ماماتي الحلو يلاا خل نبدل ياعمري
بدلت وبدلت اله عندي شغل بل مستشفئ وجاي اودي للحضانه ستوني فتحت لباب وشفته كدامي ارتعد كلبي خوف وجسمي رجف حضنت ابني لصدري اريد اسد لباب بس جان اقوئ مني ودفعه ودخل سده
وخررررر لاتوووصلي
اشششش لاتحجين كلمه حارمتني من ابني لج شنو انتي متخافين ربج
ماااخاف ربي كافي الي خسرته هوواي عوفني بحالي اطلع من حياتي اتقدم خطوات واخذه من ايدي جنت اتصارع وياه وكعت بلكاع مغمئ عليه
-------------------------------
هلو حبايب شلونكم كتبت الكم شويه مشاهد استمتعو بيهن وكولولي كل مشهد يخص منو من لبنات. وانشاء الله بس اكمل امتحانات ابدي بكتابه القصه اما المشهد لثالث ف لصديقه لبوة اجتهم وصار هاذ المشهد انشاء الله اكتب قصتهم ❤️