لبوة

البارت الثاني

علمني أبويه أخلاق كُلش حميده ،
گآل اليريد يروح لآ تلزم  أيده .
-------------------------------------
لبوة:بعد ماوكعت فتحت عيني لكيت نفسي بعدني بلكاع وجنه ورند ثنينهن بصفي

رند:كعدتي صارلج هوايه نايمه

جنه:ردت اكعدج شفتج ماتكعدين كلت يمكن نعسانه ليش نمتي بلكاع بدون فراش

لبوة:ماعرفت شحجي وشكول كمت من مكاني اباوع ع ايدي شلون محروكه وصايره حمره واثر بيها

كمت غسلت ايدي بلمي البارد وغسلت وجهي جانت واكفه اباب المطبخ

هااا شفتي شون تاذيتي مره ثانيه اذا طخين اخوج اذبحج مو بس احركج

لبوة:باوعتلها بطرف عيني شمرت النعال عليه

بت القندره شلون تباوع شون صلافه ع منو اطلعين ع عماتج الصلفات وراثه ماشاء الله تف ع هيج خلفه

امشي ولي امششي

لبوة:رحت للغرفه يم خواتي جانن يلعبن سوا جنه ورند ساعه يتعاركن وساعه يصالحن

رند:اطيني لعابتي
جنه:ولييي هاي اليه

رند:جيبيهااا حقيره مو هاي مالتج عوفي مالتي
لبوة:جنه اطيها الها مو عدج وحده خل تولي

جنه:ولله لو تموت ماطيها اريدها هاي خل تاخذ مالتي

لبوة:رند كمزت ع جنه وسحلتها من شعرها وهذيج كضتها وعضتها من زندها واكفه بينهن وكوه كاضتهن

وحده عن الثانيه لحد ماسمعن صوتها

بناااات الكللللب شلون بيجن هم بنات وهم ساقطات بس تتعاركن والله اله اكلجن لحم ليوم

لبوة:اباوع عليها شلون كضتهن وضربت راس براس وصوت الطكه وجع كلبي ماعافتهن اله من كام يطلع

الدم من خشمهن رند كامت تشهك من البجي اله جنه جانن الدموع بعينها بس مانزلت الها دمعه

سحبت رند من ايدها ع المغسله غسلت الها ورجعت للغرفه ولكيتها ع نفس الكعده تباوع بلفراغ وصافنه

شافتنا طبينا كامت للمطبخ ماعرف شسوت رجعت تبتسم وتمددت بفراشها عفت رند بلفراش وكمت

وياهم انقل الاكل جان وكت غده مسوين مركه كبه  جانت دنيا شته بارده فرشنا سفره نايلون وننقل

المواعين من المطبخ للغرفه كعدنا كلنا ناكل ابويه وعماتي وبيبي وامي واجت جنه ورند كعدو يمي

مديت ايدي جاي اكل وجان يعيط بابا
شنووو هل اكل صدك تحجييين

اسم الله شكو شبي
مللللح ملللح شتردين تموتينا

يااا ولله ممخليه هواي

هاااج ضوكي يلا

لبوة:اباوع عليها رفعت خاشوكه واخذت مركه بيها وشربتها وشحطت ضلت تكح