لبوة

البارت الثامن عشر

صـغـتــكـ جــن ذهـب
متـملكه كـل الــناس
لأن سـعرك ثمـين يـتعب الفـقره
بـس طبــعـك
حديـد تــذوب بالـنيران
شمـدرني منعوفك تنكلـب جمـره
----------------------------------------
لبوة:فتحت عيوني مصدومه جنه
جنه:اي لبوة
لبوة:اخذتني من ايدي وقبل لانطلع الضريح ولج رند نسيتها

جنه:روحي جيبيها وتعاي منتضرتج هنا
رند:جنت كاعده اقره الزياره واجتي لبوة

لبوة:كوومي رند كومي
رند:شبيج

لبوة:ولج لكيت جنه ولله لكيتها

رند:فتحت حلكي عزا وين لكيتها يالله صدك تحجين امشي امشي

لبوة:طلعنا نركض لحد ماوصلنا الها شبكناها ونبجي وهيه تبجي

جنه:امشو نطلع نكعد بره
لبوة:بس سولفيلي وين رحتي وين جنتي
جنه:اسولفلج كلشي بس امشي

لبوة:سلمنه ع الامام وطلعنا كعدنا يم الكيشوانيات اكو مكان فارغ اخذنا زاويه وكعدنا نسولف احجيلي وين جنتي وشصار

جنه:ااااخ لبوة اااخ هدمو حياتي اذوني ولج لبوة شلعو كلبي

لبوة:فتحت بطل المي وشربتها ع كيفج احجي براحتج اني وياج بكلشي مستحيل اصير ضدج يلا سولفيلي

جنه:بيوم العرس دخلنا للغرفه وفرحانه بس هوه كالب وجهة
ايمن:يلا ذبي البدله

جنه:شبيك ايمن خلي نتعشئ وبعدين لاحكين ع كلشي
ايمن:كلت بسرعه لاعشه ولا بطيخ يلااا

جنه:خفت من عده طلعت من لغرفه رحت للحمام نزعت البدله ولبست الروب وطلعت لكيته بل غرفه

كاعد مثل الوحش وشاف فريسته هيج هجم عليه مانطاني مجال حته افهم شي اتقرب مني بوحشيه

وقوه من لخوف جامده لحد ماوصلت بي للضرب ويضربني جانت ليله رعب بلنسبه اليه حيل تاذيت ابتعد من عدي

ايمن:وين الدم
جنه:ارجف من لخوف مادري

ايمن:شنو ماتدرين بت الكلب نيشانج وين حيوانه
جنه:سحلني سحل وماخله مكان ماضربني بي

بلحزام كطعني شعري يوكع بين ادي جنت اصرخ ولا بشر موجود ويسمعني لحد ماتعب من الضرب كعد يحجيلي

ايمن:شوفي لج انتي مو بنيه وصاقطه كولي منو الاعب بيج

جنه:ولله محد متقرب مني ولله الله يخليك عووفني
ايمن:هسه نشوف

جنه:فتح تلفونه وضل يدك لحد مانفتح لخط واسمع ضحكه سهام

سهام: ها بشر مو بنيه مو
ايمن:اي مو بنيه منو متقرب الها انتي كتيلي بنيه شنو تضحكين عليه

سهام:انته عليك السويته وبس لاتدخل وفلوسك توصلك

جنه:من الصدمه خشمي نزف دم وارجف وسن يطك بسن