رومانسي اجتماعي اكشن كوميدي
حىبايبي بما انكم خلاص استنيتوا كتير الجزء التاني وكتيير زعلان من . والله انا كان
غصب عني بس علشان تعرفوا اني والله شغالة وبجهز ليكم حاجة تكون قوية زي ماعوتكم..
انا جبتلكم اقتباس من الجزء التاني . ومعادنا في العيد يا احلي قمراات ويارب رمضان مبارك وكريم عليكم. والرواية ان شاء الله هتكون عديتي ليكم
(((الجزء التاني من عندما يعشق الرعد(رحم للايجار) من سلسلة عشق الرجال)))
(((مهمة حب ))) بقلم ريحانه الجنه ��
**اقتباااااااااااس **
اللواء عدلي بحدة: وبعدين يا شهاب هو انت من امتي بتناقشني في الاوامر.
شهاب بنرفزة : يا فندم حضرتك انا مش ممكن اشتغل مع البني آدمة دي . هي فاكرة نفسها مين لا انا مهما كان شهاب الحديدي مش هتيجي حته بت لسة مترقية من يومين هتقف قصادي لا مستحيل.
اللواء عدلي بتعقل: ياشهاب افهم البنت اللي مش عجباك دي رائد مش لسة يعني متخرجة. وممتازة في شغلها وتقاريرها كلها مشرفة وسمعتها رائعة. وهي اكتر واحدة مناسبة انها تكون معاك في المهمة دي
شهاب بيحاول يهدي بس متغاظ: يا فندم ارجوك لو عايزني اتولي المهمة دي يبقي البنت دي لازم تغير دي فاكرة نفسها حاجة. وبعدين الترقية اللي اترقتها دي لسة من كام يوم واستثنائي كمان . وانا بقي شاكك انها مجاملة لأبوها مش اكتر.
اللواء عدلي بحدة: لا بقي انت زوتها اوي. مجاملة ايه دي. هو احنا شغلنا في مجاملات. ثم ان ابوها مالوش اي علاقة بشغلها. وهي نفسها بتتعمد ماتجبش سيرة ابوها لحد ولا بتعرف حد واللي بيعرف بيبقي صدفة مش عن طريقها ابدا. وآخر كلام يا شهاب انت وهي اللي هتنفذوا المهمة دي مفهوم.
شهاب بضيق وهو من جواه بيتوعد ليها: يا فندم ازاي هنكون فريق واحد وانا اصلا مش طايق ابص في وشها. لو سامحت استبعدها ورشحلي غيرها.
اللواء عدلي بتصميم: قولت لا واتفضل بقي جهز نفسك علشان هبلغك بمعاد السفر في اي لحظة.
خرج شهاب وهو مش طايق نفسه وراح مكتبه وهو في قمة غضبه. ودخل وراه زميله مؤمن.
مؤمن بترقب : خير ايه اللي حصل وافق ولا لا.
شهاب مسح خصلات شعره بغيظ وخبط المكتب بقوة: لا مصمم انها تكمل معايا. بس وحياة ابوها اللي مسنودة عليه لربيها واجيب منخيرها الارض واعرفها مين هو شهاب الحديدي.
مؤمن بخبث غمزه: بس حياة ابوك يا شيخ بالراحة عليها دي موزة تهبل خسارة في الشرطة دي عايزة تتحط في كتالوج يابني.
شهاب بقرف: ايه مين دي اللي مزة دي عاملة زي الفرخة البيضة متلهاش طعم ودمها يلطش. وكمان مسترجلة وفاكرة نفسها زينا متخيلة انها ممكن تتساوي بيا ده انت زوقك زفت .
