انا مش هتكلم تااني عن التأخير لاني اعتزرت كتيير والادمن في جروباتي. اما الجروبات والبيدچات اللي بتنشر عني. ابفانز تحاسب الادمن هناك. لانهم زي ما بينقلوا الحلقات لازم ينقلوا اعتزاري وبوستات التوضيح اللي بنزلها عندي.. وبشكر كل الناس الناس اللي سألت عني وعن عيوني.
(((سلسلة عشق الرجال الجزء الثاني من رحم للايجار. ))))
(((مهمة حب)) )
((الحلقة التاسعة والثلاثون ))
بقلم🌹 ريحانة الجنه 🌹
تمارا صحيت من النوم ولقت شهاب ضممها بتملك ابتسمت وشالت ايده بالراحة وبعدتها عنها ورفعت عنيها وبصتله بحب. وهي بتتتأمل تفاصيل ملامحه اد ايه هي خليط ومزيج من الرجولة والوسامة والجاذبية . وفي نفس الوقت القوة والقسوة . مزيج مايلقش غير بيه هو وبس. شهاب اللي ملك قلبها وخلاها تضعف وتحب وتعشق للدرجة دي. حتي خصلات شعره السوداء اللي تعتبر انعم حاجة في ملامحه. جميلة وزايداه وسامة . اتنهدت وغمضت عنيها وايديها غصب عنها راحت لشعره وبدأت تلعب بخصلاته بحنان ونعومة .
تمارا : ياتري انا اخري معاك ايه! حكتيتنا نهايتها ايه!
ياتري انت مين فيهم؟
شهاب القاسي والمخادع اللي قرب مني بس عشان ينتقم!
ولا شهاب الحنين الناعم اللي ما قابلتش انعم ولا احن من لمسته!
ودمعت : ياتري انت حبيتني ولا لا. ياتري انا لعبة في ايدك ولا حاجة مهمة عندك!
نفسي اعرف انت جواك ايه وبتفكر في ايه!
وانا ليه معاك بالضعف ده!
ليه قبلت بالوضع المهين ده!
كل ده علشان قلبي الخاين حبك وعايز قربك حتي لو بالشكل ده. وبالوضع ده. وتحت اتفاق زي اللي بينا.
شهاب جواااه وجع مش مصدق انه جرحها وهي جواها كل الحب ده. هي جايز غلطت بس حبت. بس هو غصب عنه كان بينتقم لرجولته وكبريائه . كان قلبه بيوجعه وهو مضطر يمثل النوم . كان عايز يفتح عيونه وياخدها لحضنه ويطفي ناااار حبه وعشقه وشوقه ليها.عايز يمسح دموعها بلمسة مافيش ارق منها. بس كان عايز يسمعها اطول وقت ويخليها تخرج اللي في قلبها.
تمارا قربت منه بحنان وباسته من خده برقة واتنهدت: تعرف انا برغم اني حزنت علي ضعفي معاك يوم فرحنا واني كنت مشتاقة ليك ولقربك. وانبت نفسي وانبتك وقتها. بس كانت اسعد لحظات عمري قضتها وانا بين ايديك. وبحس بكل لمسة وكل همسة منك. كنت حاسة اني لمست النجوم بين ايديا وانت ملكي وليا انا وبس. ااااه لو تعرف بحبك قد ايه ماكناش تجرحني ابداااا بالشكل ده.
شهاب برغم قدرته انه يتحمل اي ضغط واي اغراء. بس مابقاش قادر يتحمل اكتر النااار اللي اتولدت جواه من اشتياقه ليها واثارة قربها منه وكلامها اللي جننه اكتر . وكمان اعترافها بحبها ليه . خلا دقات قلبه تزيد ونفسه يعلي . وبدأ يحرك راسه ببطئ.
