ازيكم يا حلويات. اولا انا بنأ علي الطلب الجماهيري في جروب الفانز ان الحلقة تنزل بدري النهاردة علشان النهاردة الخميس. وانا خلصتها. فهنزلها بدري دلوقتي. بس ماتخدوش علي كدة 😂😂😂😂. مع اني بصراحة ماكناش ناوية انزلها بسبب السرقة اللي حصلت دي. بس معلش انا هفضل وراها لحد مااقفلها الاكونت.
. ثانيا بقي بالنسبة للحلقات وانكم عايزينها كل يوميا. انا امبارح نزلت بوست بخصوص احلي كومنت. ووضحت ان السبب تعبي اللي لسة مستمر من وقت العملية.اينعم انا مخلصة الرواية ورقي. بس الحلقة بتاخد وقت كبيير قوي كتابة علي الفون. وظهري بيألمني من الوقت ده فبكتبها علي يومين واظن الحلقة بتكون طويلة فبتعوضكم.
انا وضحتلكم اهو علشان ماحدش يزعل ويقول ده تشويق وعلشان التفاعل تمام.
((سلسلة عشق الرجال))
((الجزء التاني من رحم لإيجار))
((مهمة حب )) بقلم ريحانة الجنه
((الحلقة الثالثة))
امام عمارة بمدينة الشيخ زايد. حمزة التهامي بيركن عربيته بسرعة وهو مستعجل ونزل من العربية واخد الجيتار بتاعه ومشي بسرعة علشان يدخل العمارة. وهو داخل كان فيه بنت رقيقة وجميلة وشكلها بسيط داخلة العمارة وكانت متوترة ومتلخبطة وخايفة. ومن قلقها خبطت في حمزة ووقعت الجيتار بتاعه حمزها بصلها وشاف خوفها اللي ظاهر في عنيها .
البنت بخوف: يالهههوي يالههوي انا اسفة والله اسفة. يا استاذ حقك عليا.
حمزة بهدوء: اهدي مافيش حاجة حصل خير.
البنت بقلق: لا شكله انكسر بالله عليك ماتزعل والله مااقصد.
حمزة حاس انها متوترة بزيادة شاورلها بإيده بهدوء: اهدي من فضلك. مافيش حاجة ماانكسرش انتي ليه خايفة كدة مالك. انتي جاية لمين هنا .
البنت بتحاول تهدي: ااانا بشتغل هنا.
حمزة مستغرب بشتغلي هنا فين؟
البنت: في شركة الدعاية والاعلان اللي في الدور 12.
حمزة بضيق : اهاه. انتي جديدة صح.
البنت : ايوة النهاردة اول يوم.
حمزة شايف انها بنت بسيطة واضح من لبسها ومستغرب هي ازاي اشتغلت في الشركة دي. خصوصا انه عارف سمعتها وان صاحبها راجل بتاع ستات ومش محترم. وواضح عليها انها مش فاهمة حاجة.
حمزة سلم عليها:انا حمزة التهامي بغني وبعزف جيتار. انا وفرقتي في الاستديو اللي قصاد الشركة اللي بتشتغلي فيها.
البنت ابتسمت وسلمت عليه: اهلا بحضرتك.
حمزة ابتسم: انتي اسمك ايه.
البنت: فتون.
حمزة ابتسم بإعجاب: واااو اسمك جميل لايق عليكي فتون.
