قصة زهراء 🔥( معاناة ودموع يتيمه )🔥 حقيقيه 💯🥀

بارت١٤_١٥

قصة زهراء 🔥( معاناة ودموع يتيمه  )🔥
حقيقيه 💯🥀

البارت _ الرابع عشر😔💔😔والخامس عشر
_____________________________________

زهراء..دخلت للغرفه وصرخت اشو هذا طفر وسد حلكي ضوه خفيف مگاعد اركز ع الوجه گلي..

شبيج مفضوحه هاي اني احمد فتح الضوه اني فكيت حلگي كتله شدسوي هنا گلي منتظرج غير

همزين ملميتي الجوارين علينه سكتت گتله والله عبالي حرامي گلي وهو الحرامي عاف

المكانات كله واجه الج لو گلبه يعلم بيج وتعاي عوفينه من هاي شعندج نص الليالي تسبحين

وتتعطرين اخاف وراج موعد تالي الليل بالله هذا شحجي ويا شافهمه

سكتت كلي اها وصل الجواب
كتله من كل وعقلك هذا تفكيرك كح .....

وعرفناها بس مو معناها دموعي تجري وسمعت خبر وفاة اعز انسان ع كلبي واني مريضه اروح

اتواعد كلي ولج شلون بيه راح تجبريني ارجعج للفندق بس وحق الحق اذا رجعتج للفندق

ماارحمج كتلج لا تراددين وهاج هاي الج انطاني علاكه شمرها بوجهي وطلع لكيتها دشاديش 2 سود اني هم شمرتهن مالبسهن لو يموت نمت وكعدت ونفس الروتين اليومي  ونحن ع اشراف شهر محرم الحرام وبعد ايام دخلنه بشهر محرم طبعا اني بغير عالم عالم مابي لاتلفزيون ولا موبايل ولا طلعه من الباب اكثر المرات احس احمد ينظرلي نظره  معرفت افسرها اجه اخو حسن هو وزوجته وعلي وزوجته واهل نور وقسم من اقربائم مااعرفهم لان اليوم يطبخون تمن وقيمه راح يطبخون بالشارع جابو طباخ يتكلف الطبخ كله وهم يساعدوهم اجه احمد واكد لاتنسين الوعد مااشوف خلقتج ابد اليوم اذا لمحتج والقران ارجعج للفندق وتعرفين شاسوي اليوم اجازه الج هزيت راسي صارلي اسبوعين ابد مااحجي بس اهز براسي بس شلون بيه منو يقبل اكعد واسكت وخاصه بهيج يوم رحت لخالتي وحجيت وياها كتلها خاله كملت الغده واحمد اكد عليه مااطلع ابد بعد اعذريني مراح اكدر اساعدج بع كلتلي روحي لغرفتج واگعدي واسكتي لا يسويلج سالفه وماعليج بالباقي اخذي اجازه اليوم وفعلا ارتاحيت اول مره ارتاح هنا من اجيتهم لليوم حتى ماطلعت اكل وهمه محد ذكرني وكال خطيه هاي خل نجيبلها اكل بقيت بلا غده للعصر صارت هوسه بالمطبخ ناس طابه ناس طالعه وكل شويه يندك الباب عليه كومي ويانه اشتغلي مو نشتغل عندج عرفتوها منو اكيد هي نور كتلهه ذاك زوجج وروحي كليله ماتت حركه وقهر اكثر موقف حسسني بالذل من نور واحمد يطلبون مني امسح احذيتهم صدك اتمنى الموت ولا هالذل
بقيت بمكاني لااكدر انام من الهوسه ولااكدر ابقى كاعده ردت اروح للحمام واتوضأ بس شلون هسه بلا اكل ابقى بيها مجال فتحت الباب كلت بلكي اشوفلي احد نهى لو احمد لو خاله حتى احاجيهن بعدني مفتحته وصار كبالي اخو نور بسرعه قفلت الباب شكد اكرها هو واخته اشو هذا بده يفتح الباب همزين قافلته كام يهمس افتحي محد هنا بس اني خل ادخل كلت هذا شبي مخبل من كل وعقله افتحله الباب وادخله شدعي عليك احمد خليتني رخيصه ووين الساقط يجي عليه كله من وراك عفته ولاكانو اسمعه بس الحقبقه اهيس كلبي يدك مثل الطبل متت خوف والله
عندي بطل مي بصفي اتوضيت بغرفتي وبعدين نشفت المي وكمت صليت لان اهم شي بحياتي صلاتي حسيت نفسي قويه واتحمل كولشي بسبب صلاتي ودعائي ارتاحيت من صليت بس والله محتاجه حمام شلون بيه حتى كمت اخاف افتح الباب من ور هذا المليق اخو نور وره شويه سمعت صوت رادود يقره يمكن مسوين مجلس وبدت الاصوات ترتفع وره نص ساعه تقريبا حسيت الباب راح تنشلع من كثر الدك فتحت الباب جان اشوف احمد وعيونه دم من الغضب اشو هذا كبل اجه عليه يضرب ويغلط ويسب اريد افهم الموضوع شنو معرفته بس يصيح ولج كح ..... كل مره افكر واكول احتمال غلطان وتجين بافعالج الوسخه تثبتين العكس اني مو كتلج مااطلعين من باب الغرفه شوداج تتنوعين ع الزلم من الشباك كتله والله ماطلعت لهسه كام يضرب ويكلي اسكتي اكثر شي يضربني ع راسي دائما حيل ياذيني حتى منطاني مجال ادافع عن نفسي اشو هذا اخذ المفتاح وسد الباب واخذه ويا وعافني وحدي اني بقيت صافنه شنو اتنوع للزلم هو اني هنا من الصبح لهسه حتى متت جوع واني رفضت اطلع لخاطر ماانضرب اشو هسه بدون ممسويه شي اكلتلي بسطه راسي موتني كمت ابجي ياربي بمكان مايجيبلي اكل لو يكلي روحي للحمام يبسطني الله ينتقم منك احمد حاولت انام مااكدر كوه نمت كعدت الصبح اتنوع للساعه ب10 عزه اني لهسه  نايمه هسه يكلب الدنيه ع راسي كمت افتح الباب واتذكرت صك هو الي اخذ المفتاح ياربي شاسوي هسه هم جوعانه حيل وهم محتاجه حمام دكيت الباب خفيف ولا كانو احد بالمطبخ صارت 12 الظهر حاولت اصلي بس مكدرت حيل دايخه وراسي يوجعني وره شويه نمت ماادري نغمى عليه من صحيت لكيت الساعه ب5 العصر بس الدوخه حيل اذتني ردت اكوم مااكدر