قصة زهراء 🔥( معاناة ودموع يتيمه )🔥
حقيقيه 💯🥀
البارت 👈 الخامس والعشرون🥀🥀🥀
_________________________
زهراء ....
گمت ارجف ياربي شاسوي حيل خايفه منه واليخوفني اكثر اخاف اضعف گدامه لان اني بشر وعندي احاسيسي
مرات احس ينتابني شعور الضعف امامه لهذا السبب احاول ابتعد عنه
اني من سابع المستحيلات افكر بيوم احبه
صعد قبلي واني بديت اقره ايات يمكن ختمته للقران سلمت امري لربي وصعدت ورا
اتندمت لان طلبت اروح للزياره
دگيت باب الغرفه گلي ادخلي
دخلت لگيته متمدد ع الفراش
گعد وگلي اگعدي بصفي
گتله لا ماكو داعي مرتاحه هيج
گلي لتخافين تره مابيه مرض معدي حتى اعديج
ولا اني اكل لحوم البشر وتخافين اكلج
بقيت ع نفس وگفتي واديه ترجف
گتله والله اسفه مااطلع ولا اطلب منك اطلع ابد
ابقى هنا مدى العمر مااريد لاازور ولا اطلع لاي مكان
گلي لويش ؟؟؟؟؟؟؟؟؟
گتله حتى مااخليك تعصب وتعاقبني
گلي ومنو گلج عصبت وراح اعاقبج
گتله مو دزيت عليه هنا وهاي غرفة العقاب
هو گام يضحك 😂 وگلي : والله تحللين تحليل انعل ابو المحللين السياسين اذا لحگوج
اني بقيت صافنه شبي هذا ؟؟؟؟؟
گلي اسمعيني انت مسويتي شي حتى اعاقبج
باجر تحضرين نفسج انتي ونهى وامي اخذجن اذبجن بالامام قبل لااروح للدوام ومن ارجع امر بيجن بس عندي شروط
اولا : تبقين بالعبايه والبوشيه ابد متذبيهن مااريد اي تصرف منج يخليني اتندم
ثانيآ : راح انطيج فلوس تاخذيهن بدون نقاش تشترين بيهن الي يعجبج بس اذا رجعتي منهن ربع راح تتعاقبين
ثالثا: متتغدون لمن اجيكم واوديكم اني للفندق مالتنه بي مطعم
ممنوع ادخلن للمطعم بوحدجن
مفهوم لو لا ؟؟؟؟؟؟؟
گتله اوك
گلي ابقي هنا اجيب فلوس واجيج
اني اتفاجأت بي !!!!!!!
معقوله هذا احمد ؟؟؟؟؟؟؟. لا مو هو !!!!!!!!
فرحانه حيل واخيرا راح اروح ازور وافرغ همي يم الامام الحسين واخيه ابا الفضل عليهم السلام
أنت تقرأ
قصة زهراء 🔥( معاناة ودموع يتيمه )🔥 حقيقيه 💯🥀
Cerita Pendekفتآة يتيمة تعيش في بيت أهل امهة وبعد ذالك تذهب إلى أهل ابوهة وتبدة معاناتهة
