قصة زهراء 🔥( معاناة ودموع يتيمه )🔥
حقيقيه 💯🥀
البارت الثامن والثلاثون💚 والتاسع والثلاثون
______________________________________
زهراء..
هواي اشياء تغيرت بهاي الفتره تصرفات احمد هواي تغيرت
اكثر المرات احسه يتجاهلني
من اشوفه يتشاقه وي نور بديت اضوج مااعرف السبب
ومن يهملني وميطلب مني شي هم اضوج 😢😢😢
اني الصراحه لحد الان معرفت شعوري اتجاه احمد
اني لحد الان سامعه ع الحب بس ابد ماحاسه بي
كول الاعرفه اني مااحب احمد او بالاحرى اني رافضه هاي الفكره
يجوز حتى اذا گلبي فكر يدوگ لاحمد بس عقلي اكيد يرفض
واني اطاوع عقلي
بدت اجواء الاربعينيه واجواء الخدمه طبعا اجمل وقت اقضي بالسنه هو
الوقت الي اني اخدم الزوار
ابد مصار موقف بيني وبين احمد متجاهلني ع الاخير
وابد مبقينه لوحدنه بمكان واحد دائما يتهرب مني
خلصت الاربعينيه وخلص شهرصفر وبدت نهى تجهز لعرسها بس لحد الان ممتقبله الفكره
يحاول يتقربلها وهي تصده
گالت خليها للزواج ويحلها الحلال
حددوا موعد الزواج بعد اسبوعين
وبدت التحضيرات ونهى بدت تروح لمركز التجميل يوميه غيرت لون شعرها وگصته طلعت تخبل
وراها نضفت وجها وكملت كول شغلات المركز
اني هاي الاشياء جانت مو ابالي بس هسه لا بديت اتمنى يصير وياي هيج
حجزت البدلات ومبقه شي بس يومين هم حنه وهم زواج بنفس اليوم
قررو بالقاعه
بس هالمره الكول ضغطوا عليه حتى اروح حتى نهى اصرت عليه لو تزعل عليه للابد
والله ماادري دخت اروح لو لا
اخر شي قررت اروح
اجه موعد العرس
طلعنه اني وخالتي واحمد حتى اختارلي شي البسه للحفله حبيت اختار مستور
اختاريت هذا
طبعا مراح افكر انزع الحجاب ابد
حتلو بس نساء
حطيت كحل واحمر خدود وحمره بس فاتح مو طوخ
نور خابصه الدنيه تكول هي العروسه مثل كل مره
اني حبيت اكون بسيطه احسن
أنت تقرأ
قصة زهراء 🔥( معاناة ودموع يتيمه )🔥 حقيقيه 💯🥀
Short Storyفتآة يتيمة تعيش في بيت أهل امهة وبعد ذالك تذهب إلى أهل ابوهة وتبدة معاناتهة
