قصة زهراء 🔥( معاناة ودموع يتيمه )🔥
حقيقيه 💯🥀
البارت السادس والاربعون💚🧡 والسابع والاربعون
__________________________________________
زهراء..
صار العصر ورحنه للدكتوره ااني ونهى حجزنه اثنينه وراحت خاله ويانه واللزكه احمد اصر اله هو ياخذنه
طبعا محظرتله مفاجأه من نرجع واكوله راح اخل يموت باليوم ميت موته
راح اعاند وياهم ابقى اشتغل رغم حملي وابقى بالغرفه نفسها ولا واح اكل وياهم ولا اكعد وياهم ولا احجي وياهم
دخلنه للدكتوره جيكتني جان تكول الطفل حالته حرجه لان رحمج حيل متاذي شنو ماما متعرضه لاغتصاب ومسويلج عمليه
كتلها اي
كالت لازمج راحه تامه وابر تثبيت ولازم انديرلج دم وباسرع وقت
طبعا اني جنت شاكه بنفسي من زمان حامل بس احاول اوهم نفسي لا موحامل وممعقوله من مره وحده ورحمي حيل متاذي
سالتني لويش ممراجعه من زمان انت تدرين بنفسج حاليا انت بالرابع المفروض هسه باديه بجدول اللقاحات وماخذه الفولك اسد
كتله ماجنت اعرف لان اني العاده متخربطه عندي فماعرفت بحملي
كلتلي هاي ورقه لازم ادخلين فد يومين وننطيج الدم
كتله فدوه دكتوره مااريد دم اكل زين واشرب عصير زبيب بس دم مااريد كالت ماما ميصير تحتاجين اقل شي بطلين دم
كتلها مااخذ من اي شخص غريب واخلي يجري دمه وياي
كلتلي خل نشوفلج متبرع من اقربائج وننطيج مباشر
بدت تاخذلي سونار وجان يبين الجنس ولد
طبعا جنت اكره الاطفال بس هسه من شفته بالسونار رغم ماصغير كولشي مينشاف منه بس اتعلقت حيل بي وسمعنه نبضه بس جان ضعيف حيل
كلتلي ماما مااريد اخوفج بس الطفل احتمال ميبقى لان نبضه ضعيف
حيل ضجت من سمعتها بس كلت البي صالح يسوي ربي
بعدها جيكت نور عليها سابع امورها تمام
رجعنه للسياره وهذا خبصنه خبص شكالت وشكو
سولفتله خاله وهو تخبل كال باجر اطلب اجازه واخذكم للمستشفى واني اتبرع بدمي
كتله لو اموت مااخلي دمك يختلط بدمي
كلي دسكتي هسه وعود بعدين نتفاهم
رجعنه للبيت ولكينه علي وزوجته حتى العشا جايبينه خطيه
الكول اتعشا اني كعدت بالمطبخ مااحب اكعد وياهم عافوني ع راحتي بعدين صارت الكعده والقرار
كلولي اكيد عرفتي طلاگج باطل لازم هسه تعقدون من جديد
كتلهم اوافق بس بشروط واذا احمد وافق ع شروطي وبعدين قلب عليه والله ارجع للفندق ويحلم بعد ارجعله
أنت تقرأ
قصة زهراء 🔥( معاناة ودموع يتيمه )🔥 حقيقيه 💯🥀
Cerita Pendekفتآة يتيمة تعيش في بيت أهل امهة وبعد ذالك تذهب إلى أهل ابوهة وتبدة معاناتهة
