قصة زهراء 🔥( معاناة ودموع يتيمه )🔥 حقيقيه 💯🥀

بارت ٥٠والاخير

قصة زهراء 🔥( معاناة ودموع يتيمه )🔥
حقيقيه 💯🥀

البارت الخمسون 💕🌿 والاخيرررررر
_____________________________

احمد : اليوم حبييت افاجئ اهلي بجيتي

گلت بس اخبرهم راح الگي البيت مخبوص من الناس والكول يجي

گلت خلي اگضي هذا اليوم بهدوء خل اشوف ابني وزهورتي وباجر عود الكول يعرف

رجعت بوحدي مخليت حسن يجي وياي

رجعت عن طريق مطار النجف ومن وصلت للنجف اجيت بتكسي

خابرت بابا من وصلت وكتله افتح الباب ولتخبر احد

وصلت بالليل

فتحلي الباب وجان مصدوم خطيه واخذني لحظنه وكام يبجي

گلي ليش مخبرتنه گتله والله تعبان وكلت خل ارتاح اليوم مااريد احد يعرف

دخلت وامي الثانيه فضحتني دخلتلها للغرفه وساعه كامله خطيه شابگتني وتبجي

محبيت زهراء تدري گلت خل افاجأها

بقيت فتره يم اهلي وبعده

رحت للغرفه الجوه بس ماكو حتى الكريكوت ماكو

سالت ماما گالت صعدت فوگ بغرفة حسوني

حيل فرحت واخيرا ام راس اليابس اقتنعت

رحت دكيت الباب ماكو صوت فتحت الباب بس ماكو معقوله ماهي وين تروح

اجيت الغرفتي وجان اسمع صوتها فتحت الباب ع كيف حتى متحس

هواي هواي مشتاقلها واتمنى امنيه تذب نفسها بحضني من ذاتها

اتمنى تگلي مشتاقتلك

بس مستحيل يطلع منها هذا الشي حيل اتفاجئت

دخلت وجان اشوفها مثل الملاك گبالي اسمع حجيها وي حسوني سمعتها صوتي بس عبالها تتوهم

اخر شي التفتت الي وشافتني گبالها

حسيت بيها مصدومه

اني فتحت اديه اثنينهن

اتمنيت بعد هذا الكلام الحلو السمعته تجيني تركض وتذب نفسها عليه

وهذا جان حلم حياتي مااطلب اكثر من هذا الشي

وفعلا خلت حسوني بالفراش وجان تجيني تركض وتشبگني

اني بهاي اللحضه شعوري مااكدر اوصفه ابد

اسعد انسان بالدنيه

شبگتها حيل بس گامت تبجي

زهراء : حيل اتفاجأت باحمد من شفته گبالي كانو حلم

فرحت حيل وجنت مشتاقتلك هواي

فتحلي ادي واني رحت اركض ذبيت نفسي علي شبگني حيل اني گمت ابجي