في احدى عيادات الطب النفسي في احد المناطق الراقية كانت توجد عيادة الدكتور باسم داود اشهر دكاترة الطب النفسي في مصر.
غادة: فاضل حالة جديدة اول مرة
باسم: الحالتين اللي فاتوا تعبوني بس دخليها يلا طالما اول مرة
خرجت غادة من الغرفة تتجه نحو الاستقبال لتطلب من المريضة الدخول لدورها لتدخل فتاة غاية في الجمال في منتصف العشرينات ذات عيون بنيه وبشرة قمحيه يذيد جمالها الحجاب المزين راسها.
باسم: مساء الخير
حياة بتوتر: مساء النور
باسم: عايزك تسترخي خالص واهدي مفيش اي حاجة توترك
حياة: حاضر
باسم: عرفيني بنفسك بقى
حياة بهدوء:اسمي حياة عندي خمسة وعشرين سنة متخرجة من كلية تجارة انا وحيدة اهلي مليش اخوات بس
باسم: جميل طيب ياحياة تقدري تقوليلي جيالي ليه
حياة بحزن: مش لاقية حد يسمعني تعبت من كتر ما انا ساكتة نفسي اشكي واتكلم مش عايزة علاج انا هرتاح لو حكيت اللي جوايا بس
باسم: طب اتكلمي انا سامعك بصي قبل ما تكلمي اعتبريني صديق او اخوكي يعني رهبة ان انا دكتور شيليها
حياة: هحاول
باسم: يلا اتفضلي
بدات حياة بالتحدث عما بداخلها
حياة: كنت دايما لوحدي اوقات كتير بكون قاعدة مش لاقية حد اتكلم معاه او يقعد معايا بكون مخنوقة مش لاقية حد اشكيله هتقولي اصحابك فين هقولك معنديش اصحاب كل واحد في حياته ساعة ما تدور عليهم مش هتلاقيهم عدت عليا فترة كنت بتمنى الاقي شخص بس يسمعني اكلم على اللي حاسه بيه حتى..
باسم: كملي انا معاكي وقفتي ليه
اكملت حياة بتنهيدة طويلة: الشخص اللي حبيته كان مستحيل اروح اقوله مكنش ينفع اصارحه بحبي للاسف كان بيحب واحدة تانية مكناش بنكلم ومكنش يعرف عني حاجة رغم كل ده حبيته اتعلقت بيه وبوجوده شخصيته شدتني كنت بتعذب كل يوم وانا نفسي اكلمه ومش لاقية حد احكيله اللي في قلبي مكنش ينفع حد يعرف باي حاجة لحد ما في يوم تعبت ونقلوني المستشفى.
فلاش باك ✍🏻
من خمس سنين كانت حياة في غرفتها تشعر بصداع ودوار يفتك برأسها ظلت ممسكه برأسها خرجت منها صرخة جرى علي اثرها كل من في المنزل قبل ان تسقط مغشيه عليها
دلال بفزع: بنتي
محمد بخوف: حياة فوقي حياة ردي عليا ياحبيبه بابا
اخذ يضربها علي خدها بخفه وهو ينادي اسمها حتى تفيق ولكن دون جدوى
دلال: يلا ناخدها المستشفى
محمد: يلا بسرعة
اخذوها وذهبوا بها لاقرب مستشفى اسرع الاطباء الخطى اليها عند رؤية حالتها بوجها الشحاب تشبه الأموات
أمر الطبيب بعمل بعض التحاليل والاشعة لها
الدكتور: انا ادتلها حقنة هتفوق كمان شوية تكون نتيجة الاشعة طلعت
محمد: طب هي كويسة حصلها ايه
الدكتور: خير ان شاء الله هنعرف لما النتيجة تطلع بعد ازنكوا
خرج الطبيب من الغرفة بينما ظلوا محمد ودلال بجانب حياة
بعد عدة ساعات دخل الطبيب وبيده مجموعة ملفات وعلى وجهه علامات الحزن
محمد: خير يادكتور طمنا
الدكتور: ممكن نخرج نكلم برا
خارج الغرفة وقفوا محمد ودلال يستمعان للطبيب بانتباه
الدكتور: انتو عارفين ان ربنا اذا احب عبد ابتلاه صح
محمد: اكيد يادكتور
الدكتور بهدوء: انسه حياة عندها كانسر في المخ
باك ✍🏻
باسم بصدمة: ايه عندك كانسر
حياة بهدوء: اه
باسم: طب كملي
حياة: لا انهاردة تعبت خلاص نكمل مرة تانية
باسم: ماشي اللي يريحك
حياة: اجي تاني امتى
باسم: المفروض بين المقابلة والتانية أسبوع بس وقت ما تحبي تكلمي تعالي انا هنا يوميا وبكرة مش عندي غير حالة واحدة
حياة: شكرا جدا
باسم: مفيش شكر بين الصحاب مش خلاص بقينا اصحاب
حياة: يشرفنيي اكيد
كانت حياة تقف امام المقابربوجه مبتسم عكس الحزن الذي بداخلها
حياة:تعرف انك وحشتني اوي هتاخدني عندك امتى بقى
حياة: طيب طيب خلاص متتعصبش عارفة ربنا لسه مأذنش اننا نتجمع بس متاكدة انك مستنيني في الجنة شوفت الفستان ده اشتريته علشان كنت متاكدة انه هيعجبك بس انا زعلانة منك مش بتجيلي في الحلم ليه زي كل يوم انت زعلان مني، طيب انا هستناك تجيلي انهاردة بقى يلا سلام وهجيلك بكرة.
ذهبت حياة لمنزلها لينتهي اليوم على هذا الحد
في صباح يوم مشرق جديد
حياة: صباح الخير عليكوا
محمد: صباح الورد ياحياتي
حياة: وطي صوتك بدل ما ماما تسمعك وانت بدلعني
محمد بضحك: ولا بنخااااف
دلال: بتقول حاجة يامحمد
محمد: بقول انك وحشتيني ياحبيبتي
لتنفجرحياة ضحكا علي منظره
حياة: قولتلك بلاش دي بتغير مني
محمد: انا بحبكوا انتو الاتنين هو انا ليا غيركوا
حياة: ربنا يخليك لينا ياحبيبي
محمد:حنين لسه نايمة
حياة: مانت مدلعها ياسي بابا ومسهرها تلعبو طول الليل
محمد: خليها تدلع علي جدها براحتها
حياة: ماشي ياسيدي هو انا اقدر أتكلم
دلال: وراكي ايه انهاردة
حياة بتنهيده: هروح الجلسة وبعدها هروح لدكتور باسم
محمد: مين دكتور باسم
حياة : دكتور نفسي بتابع معاه
دلال : ليه يابنتي كده مانتي زي الفل
محمد: سبيها علي راحتها يادلال
حياة : يلا بعد اذنكوا بقى خدوا بالكوا من حنين
دلال: في عنيا ياحبيبتي خدي بالك من نفسك انتي
لتذهب حياة للمستشفي لاخذ جلسة الكيماوي الخاصة بكل أسبوع بعدها تذهب لعيادة الدكتور باسم
غادة: مدام حياة اتفضلي دورك
حياة بتعب :شكرا
باسم: ازيك ياحياة
حياة : تمام
باسم : مالك شكلك تعبان
حياة : اه كنت في الجلسة وتعبانة شوية بس
باسم: طب تحبي نأجل علشان ترتاحي
حياة: لا انا تمام هنكمل عادي
باسم : علي راحتك يلا انا سامعك اتفضلي وقفنا المره اللي فاتت لما عرفوا انك عندك كانسر
حياة: تمام هكمل
فلاش باك ✍🏻
الدكتور: انسة حياة عندها كانسر في المخ
محمد: ياحول الله يارب
دلال بعياط: يعني بنتي هتموت
الدكتور: متقوليش كده ياحجه ربنا هيشفيها بالعلاج ان شاء الله اهم حاجه دلوقتي حالتها النفسية لازم تكون كويسه علشان تستجيب للعلاج
محمد: طب نعمل ايه يادكتور
الدكتور: المفروض تعرف
لتأتي حياة من خلفهم
حياة: انا عرفت خلاص مش محتاجين تفكروا
محمد: حبيبتي تعالي بس نتكلم
حياة: انا عايزة امشي يابابا
دلال: تمشي ايه انتي لسه تعبانة
حياة: لا انا كويسة روحني يابابا بالله عليك
الدكتور: هي ممكن تروح عادي هي كويسة بس لازم تيجي تاني
محمد: حاضر
