باسم: دكتور طمني حياة كويسة
الدكتور: مدام حياة حالتها خطر ادعيلها ال 24 ساعة دول يعدو بخير
باسم: طب ممكن ادخلها
الدكتور: ممكن بس بسرعة وبلاش مجهود عليها
باسم : حاضر
في اوضة حياة متوصلة بإجهزة كتير
باسم: ان شاء الله هتقومي بالسلامة علشان حنين انتي قوية انتي قدها ياحياة
حياة وهي بتشيل ماسك التنفس بتعب: ا..انا..عايزة.. حنين
باسم: حاضر متتعبيش نفسك انتي بس هجبهالك
باسم خرج كلم اهل حياة
باسم: ازيك ياعمي معلش كنت عايزك في موضوع كدة
محمد: قول يابني اتفضل
باسم بتوتر: ممكن تجيب حنين وتيجي علي المستشفى
محمد بخضة : حياة حصلها حاجة
باسم: لا لا هي تعبت بس شوية وانا جبتها المستشفى هي عايزة تشوف حنين هاتها وتعالى بسرعة
محمد: مسافة السكة يابني حاضر
في اوضة حياة
باسم: اهو ياستي حنين في الطريق ارتاحي انتي بس وكله هيبقى كويس
حياة بتعب: انا اسفة مش هقدر أكون ام ليحيى انا حتى مش هقدر أكون ام لبنتي
باسم: ششش ممكن تسكتي وتبطلي كلامك ده
حياة:اسمعني يا باسم انا عارفة خلاص انا مش هكمل اكتر من كدة الحمل هيبقى تقيل على بابا خد بالك من حنين يا باسم كل حاجة باسم حنين البيت والعربية وفي فلوس في البنك باسمها مش هتحتاج لاي حاجة ولا هتحتاج لحد بابا هو الوصي عليها لحد ما تكبر، محدش يحسسها بغيابي وقولها اني كنت عايشة كل ده علشانها هي هي وبس انا بحبها اوي اكتر من أي حاجة في الدنيا انا كنت بعمل كل قدرتي علشان ابقى معاها بس خلاص مش قادرة اوعدني يا باسم انك مش هتنساها هي ملهاش حد غير بابا وماما وانت
باسم :اوعدك ياحياة حنين بنتي انا ممكن تهدي بس انتي وارتاحي كل ده غلط عليكي
حياة غمضت عنيها بتنهيدة طويلة كأنها بتشيل هم من على قلبها
بعد شوية وصلوا محمد ودلال وحنين
في الاستقبال
محمد: لو سمحت في مريضة هنا اسمها حياة محمد فين
الموظفة: غرفة رقم 406 يافندم الدور التالت
دلال ومحمد بدأو يجروا علي السلم علشان يوصلوا
في اوضة حياة
حنين: ماما انا جيت اصحي، ماما ياماما انا هنا انتي نايمة، جدو ماما نايمة
باسم قاعد باصص في الأرض
محمد بخوف: باسم ايه حصل
باسم بعياط: ملحقتش تشوفها كانت اخر حاجة طلبتها انها تشوفها
حنين: ماما ردي عليا ياماما انتي مش بتردي عليا ليه، طب انتي زعلانة مني جدو ماما مش بترد عليا ليه
حنين بعياط: ماما علشان خاطري ردي عليا اصحي وانا هسمع كلامك ومش هعمل شقاوة تاني ومش هزعلك، اونكل باسم خليها ترد عليا
باسم حضن حنين وهو بيعيط: ماما تعبانة شوية ياحبيبتي واحنا لازم نسمع الكلام
حنين: طب انت بتعيط ليه هي زعلانة منك انت كمان ومش بترد عليك
باسم: اه زعلانة مني، بس انتي عارفة ماما بتحبك اوي
حنين بعياط: طب خليها تكلمني انا كمان بحبها اوي
باسم بيشد عليها في حضنه وبيعيط
بعد عشرين سنة
محمد: انتي لسة بتقري في مذكرات ماما ياحنين
حنين: وحشتني اوي ياجدو وبابا كمان وحشني كان نفسي يكونوا معايا بكرة اوي
محمد: هما معاكي دايما ياحبيبتي وحاسين بيكي وفخورين بيكي جدا كمان انتي حققتي حلم ماما اللي كانت بتحلم بيه واديكي بكرة تخرجك وانتي الأولى علي الدفعة وهتبقى اشطر دكتورة قلب
حنين: كنت محتاجهم جمبي في يوم زي ده كنت عايزاها تشوف نجاحي بنفسها
محمد: هي شيفاكي ياحبيبتي وحاسه بيكي كمان يمكن اكتر من انها تكون معاكي وبعدين انا وتيته مش كفاية عليكي
حنين:كفاية طبعا ياحبيبي، انا عرضت ورق الاشعة بتاعة تيته علي دكتور في أمريكا علشان الشلل اللي حصلها من يوم وفاه ماما
محمد: الخبرمكنش سهل علي حد فينا ابدا وستك مستحملتش وقعت مننا وجالها شلل ومبقتش تتحرك ولا تتكلم من ساعتها حياة كانت حياتنا كلها هي اللي كانت عاملة للبيت حياة فعلا لما كانت بتبقى مش موجودة البيت كان بيبقى مطفي كده وملهوش حس لكن لما ترجع كل حاجة حلوة بترجع معاها زيك كده ياقلب جدك
حنين: ربنا يخليك ليا ياحبيبي انا مش عارفة من غيرك هعمل ايه
محمد: انا دايما جمبك ياحبيبتي يلا سيبي المذكرات دي بقى ونامي علشان بكرة يومك طويل، اه صح كلمتي يحيى وباسم علشان يبقوا موجدين
حنين: طبعا ياجدو واونكل باسم كان فرحان اوي كأن بنته هي اللي هتكرم
محمد: هو بيحبك ياحبيبتي يمكن اكتر من بنته كمان يلا تصبحي علي فرحة
حنين : هتكون انت سببها تصبح علي جنة
تاني يوم في التكريم
العميد: نعلن الأولى علي الدفعة الدكتورة حنين ادم
الكل بيسقف وبيصفروا واللي بيعيط الكل فرحان بيها
حنين: اولا احب اشركوا كلكوا علي الثقة اللي خادتها منكوا كلكوا والدعم اللي خادتها من كل الناس في حياتي الفضل اللي انا فيه ده فضل ربنا عليا وبعدها فضل جدي هو اكتر حد وقف جمبي وساعدني احقق حلم ماما انا بهدي نجاحي ده كله لماما حتى لو هي مش معايا انهاردة بس هي اكيد حاسة بيا ومبسوطة وشكرا
يحيى كان واقف بيبص علي حنين بفخر ومبسوط
بعد المباركات والتهاني
يحيى: مبروك عليكي يا أحسن واشطر دكتورة
حنين بضحك: مش لدرجة يعني
يحيى : لا انا كنت واثق فيكي وعارف انك قدها
حنين: ربنا يخليك يا يحيى وشكرا علي تعبك معايا طبعا
يحيى: كنت عايز اقولك حاجة كدة
حنين: ايه هي
يحيى : انا بحبك
حنين: انا كمان بحبك
تمت بحمد الله
هستنى رأيكو♥
