3
محمد : من ايه ياحبيبه بابا
حياة:خايفة اسيب حنين لوحدها
محمد: متقوليش كده يابنتي بعد الشر عليكي
حياة: بابا توعدني انك هتاخد بالك منها وهتخليها تبقى دكتورة زي ما انا بحلم اوعدني يابابا انك مش هتسيبها
محمد: يابنتي متقطعيش قلبي بقى
حياة: اوعدني يابابا علشان خاطري
محمد: اوعدك ياحبيبتي حنين في عنيا دي بنتي ربنا يديلك طوله العمر وتفرحي بيها
حياة : يارب
في اليوم التالي
باسم بيكلم حياة
باسم : انا جاهز يلا ننزل
حياة: طب ما تجيب يحيى يقعد هنا مع حنين وبابا وماما معاهم
باسم: ماهي الداده معاه
حياة: اهو يقعد هنا يلعب مع حنين احسن ما يقعد لوحده
باسم: ماشي حاضر
حنين: تمام هبعتلك اللوكيشن في مسدج
باسم: تمام
بعد شوية يوصل باسم ويحيى
يحيى: وحشتيني اوي ياطنط حياة
حياة: وانت كمان وحشتني ياحبيبي
باسم : متعملش شقاوة يا يحيى ماشي
يحيى: حاضر يابابا
باسم: انا اسف ياعمي بس مدام حياة هي اللي اثرت اجيب يحيى
محمد: لا يابني متقولش كده ده زي بيته بالظبط
باسم: فرصة سعيدة اني اتعرفت عليكوا
دلال: احنا اسعد
باسم: طب نستاذن احنا بعد اذنكوا
في العربية
باسم: هنروح فين بقى
حياة: هوصفلك الطريق واحنا ماشين
باسم: ماشي
بعد ساعة وصلوا للمكان
باسم باستغراب: مقابر!
حياة : ايوة تعالى
باسم: بس مش فاهم جبتينا هنا ليه
حياة : عايزة اكمل بقيت الحكاية هنا
باسم : طيب ماشي يلا كملي
حياة: احنا وقفنا فين
باسم: وقفنا لما ادم طلب منك الجواز
حياة: تمام
فلاش باك ✍🏻
بعد أسبوع من مكالمة ادم لحياة
محمد: حبيبتي انتي هتفضلي قاعدة كده احنا لازم نروح للدكتور
حياة: مش عايزة
محمد: يابنتي مينفعش لازم تاخدي العلاج والجلسات
حياة بعياط: مش عايزة اتعب يابابا وشعري يقع وابقى وحشة يابابا لا ارجوك
محمد: مين قالك انك وحشة ده انتي ست البنات بس بردو كده مينفعش علشان خاطري حتى
حياة: هحاول حاضر
محمد: في موضوع كمان
حياة: ايه هو
محمد: في عريس طالب ايدك مني
حياة: لا مش موافقة
محمد: ممكن اكمل كلامي
حياة: اسفة اتفضل
محمد: اسمه ادم وهو مهندس وكان باين من كلامه انه بيحبك وشاريكي يابنتي
حياة بحزن: ازاي يابابا طيب قولي ازاي هو انا عارفة هعيش ولا هموت ارتبط بيه واضيع حياته معايا يبقى حرام عليا
محمد: ياحبيبتي متقوليش كده ان شاء الله هتخفي وتبقى زي الفل
حياة: صعب والله صعب
محمد: يعني أقوله ايه
حياة: قوله لا مفيش نصيب
بعد يومين
ادم راح لحياة البيت
ادم: عمي ممكن اكلم مع حياة شوية بعد اذنك
محمد: حاضر يابني ثواني هندها
بعد شوية
حياة: ازيك يا ادم
ادم: مش كويس ياحياة
حياة: لية
ادم: يعني مش عارفة لية
حياة: لا
ادم: انتي ليه مش عايزة تفهمي اني عايز اكمل حياتي معاكي عايز ابقى جمبك انتي لية انانية كدة
حياة: يمكن مثلا علشان انا حياتي مش هتكمل متصعبش عليا الموضوع يا ادم ارجوك
ادم: انا عايز أكون معاكي ياحياة ارجوكي صدقيني انا موافق على أي عواقب بس علشان خاطري وافقي بالله عليكي
حياة: انا مش هعمل فرح
ادم بفرحة : يعني موافقة
حياة: هبقى مبسوطة لو قضيت الأيام اللي فضلالي معاك
ادم: متقوليش كدة علشان خاطري انتي هتبقى كويسة وهنعيش حياتنا كلها سوا باذن الله
بعد شهرين علي جواز ادم وحياة
حياة: انت عارف اني كنت بحبك من قبل ما تقولي انك بتحبني
ادم: احلفي
حياة: كنت دايما محتجالك بس مكنش ينفع اقولك كنت عارفة انك بتحب سوزي
ادم: مين الغبي اللي قالك كدة انا وهي أصحاب مش اكتر انا محبتش حد قبلك ولا هحب حد بعدك افهمي
حياة: يعني انت مش ندمان انك اتجوزت واحدة عيانة زيي
ادم: يمكن اكتر قرار خادته في حياتي صح اني اتجوزتك انا مكنتش عارف حياتي كانت ازاي من غيرك يمكن كنا بنكلم صدفة ومره في السنة بس فعلا انا كنت ببقى عايز اكلمك بتلكك باي حاجة علشان نتكلم لحد ما جيت وخادت الشجاعة وكلمتك
حياة: انت عارف ان يوم ما صرحتني بحبك انا كنت لسه راجعة من المستشفى لما عرفت اني عندي كانسر انت جيت في وقت غلط بصراحة
ادم بضحك: طول عمري باجي في أوقات غلط انا عارف
الممرضة : الجلسة خلصت تقدري تتفضلي يا مدام حياة
حياة: انا مش بحس بالجلسة ولا باي تعب وانت معايا ربنا يخليك ليا ياحبيبي
ادم: ويخليكي ليا ياقلب حبيبك
باك ✍🏻
باسم: سكتي ليه كملي
حياة: انت مصدعتش انا تعبت
باسم : لا بالله عليكي كملي حصل ايه بعد كدة
حياة: بعدها باسبوع عرفت اني حامل
فلاش باك ✍🏻
ادم: مستحيل اسيبك تعرضي نفسك للخطر ياحياة
حياة: وانا مش هنزل الطفل حتى لو فيها موتي يا ادم مش مهم انا المهم هو يعيش
ادم: ياحبيبتي ده غلط عليكي على الأقل الفترة دي مع العلاج وبعد كدة ربنا يرزقنا تاني
حياة: مستحيل متحاولش مش هسمع كلامك انت عايزيني اموت حته مني ومنك لا مش هعمل كدة
ادم: طب اهدي طيب ياحبيبتي علشان متتعبيش خلاص حقك عليا
حياة: انا كويسة متخافش عليا لو تعبت نروح لدكتور وبعدين انت جمبي وماما وبابا يعني لو في حاجة انتوا معايا متخافش بقى وان شاء الله ربنا معايا
ادم: ربنا يقومك بالسلامة ياحبيبتي ويطمني عليكي
حياة: انا عايزة اقولك حاجة كمان
ادم: قولي ياحبيبتي اللي انتي عايزاة
حياة: انا عايزة أوقف جلسات الكيماوي دي هتبقى غلط علي البيبي
ادم: لا ياحياة كله الا دي حياتك اهم من أي حاجة تانية
حياة: علشان خاطري واوعدك هاخد العلاج بانتظام وان شاء الله مش هتعب ولما اولد هروح الجلسات بنتظام انشالله كل يوم موافقة
ادم: انتي بتخاطري بحياتك وحياتي معاكي حرام عليكي
حياة بعياط: علشان خاطري يا ادم وحياتي وافق والله هاخد بالي من نفسي بس المهم ابني او بنتي يبقوا كويسين
ادم: اعملي اللي عايزاة ياحياة انا تعبت
حياة: طب متزعلش مني
ادم: مش زعلان ياحبيبتي بطلي عياط بس
بعد سبع شهور
حياة بتعب: ادم اصحى مش قادرة قوم هموت
حياة بصريخ : اااااادم اه
ادم بفزع: ايه ايه في ايه مالك
حياة: الحقني بسرعة بطني هتموتني
ادم: حاضر حاضر هطلب الإسعاف
حياة بصريخ: بسرعة مش قادرة
ادم بخضة : حياة انتي بتنزفي
حياة : بنتي!
