5
محمد: عرف من حوالي تلات شهور ولما شوفت الدوا سالته وحكالي بس حلف عليا مقولكيش ووعدني انه هيعمل العملية بعد ما تولدي وتبقى كويسة
حياة: بتخبي عليا يابابا انت دمرت حياتي انا خسرت جوزي انت متخيل هو مات وهو عيان وانا معرفش طب سبته ليه يابابا يتبرعلي بالدم كنتوا ليه ممنعتوش انت قتلته انت عارف انه ممكن يموت انا عمري مسامحك حرام عليك حرام
محمد: سامحيني يابنتي بس ادم دماغه ناشفه مكنش هيوافق يسيبك وانتي بتموتي ويقف يتفرج وهو ممكن يتبرعلك
حياة بانهيار: ياريته سابني اموت كان هيبقى ارحم
باك
باسم: حياة ممكن تهدي طيب بطلي عياط
حياة بعياط: مات وسبني وساب بنتنا انا اتبهدلت من غيره كل حاجة كنت محتاجاه فيها ليه ليه يعمل كدة
باسم: وحدي الله ياحياة كدة حرام اهدي
حياة وهي بتبص علي الترب : سبتني ليه يا ادم انت وحشتني اوي مش انت وعدتني انك عمرك ما هتسبني وان مفيش حاجة هتفرقنا اهو الموت فرقنا يا ادم بس انا حاسه اني هاقبلك قريب ربنا هيجمعنا ببعض في الجنة
باسم: بعد الشر عليكي ياحياة ايه اللي بتقوليه ده بطلي تفكير سلبي كدة
حياة بابتسامة باهته: ده مش تفكير سلبي انا كدة هرتاح هبقى مبسوطة وانا معاه
باسم : طب وبنتك هتسبيها
حياة بعياط: انا مكملة لحد دلوقتي علشان بنتي كل حاجة بعملها علشان بنتي انا عايشة علشان بنتي
باسم: ربنا يخليكي ليها فقدان الام ده ابشع حاجة في الدنيا
حياة: انا عايزة اطلب منك طلب يا باسم
باسم: طبعا ياحياة اطلبي
حياة: لو حصلي حاجة في أي وقت متنساش حنين وخد بالك منها ابقى اسأل عليها شوفها لو محتاجة حاجة
باسم: بعد الشر عليكي ياحياة ومتخافيش حنين في عنيا دي زي يحيى
حياة: يلا نمشي انا تعبت
باسم: اه حاضر يلا بينا بس هتكمليلي الباقي بعدين
حياة: يعني اللي بعد كدة واضح يعني عيشت ازاي
باسم : لا عايزك تكمليلي وتقوليلي ازاي بقالك اربع سنين لسة تعبانة
حياة: حاضر هبقى اكملك
في بيت حياة
حنين: ماما شوفي انا ويحيى رسمنا ايه
حياة: وريني ياقلب ماما
رسمة لاب وام ماسكين ايد بنوتة
حياة بدموع : جميلة اوي ياحبايبي
يحيى: هو انا ينفع اقولك ماما حياة انا بحبك اوي
حياة وهي بتحضنه: طبعا ياحبيبي قول اللي انت عايزة
باسم واقف متابعهم بتركيز
باسم: طب مش يلا بقى يا يحيى
حياة: ما تسيبه بايت معانا
يحيى: اه يابابا عايز ابات مع ماما حياة
باسم: وتسيب بابا يبات لوحده
يحيى ببرائه: ده يوم واحد بس بليز
باسم: ماشي ياسي يحيى لما نشوف هتبعني كام مره بعد كدة
يحيى : انا بحبك اوي
باسم: وانا كمان بحبك ياحبيبي متعملش شقاوة، يلا هستاذن انا
محمد: ما تخليك شوية يابني
باسم: لا ياعمي ربنا يخليك لازم امشي
محمد: اللي يريحك
بليل باسم بيكلم حياة يطمن علي يحيى
باسم: طبعا زمان يحيى مطلع عينك
حياة: لا خالص ده عسول ربنا يخلهولك
باسم: يارب، ينفع اطلب منك طلب
حياة: اكيد طبعا
باسم: عايز اروح معاكي الجلسة بكرة
حياة: اسفة يا باسم بس مينفعش محدش بيروح معايا من بعد موت ادم معلش
باسم: مش احنا أصحاب سبيني اروح معاكي مرة حتى واهو ياستي استغل الوقت وتكملي الحكاية
حياة: هبقى اجي العيادة بعد الجلسة واكملك
باسم: انا عايز اروح معاكي ياحياة
حياة: اسفة مش هينفع يا باسم واحترم رأي
باسم: طيب براحتك
حياة: يلا تصبح علي خير
باسم: وانتي من اهله
لتنام حياة بجانب يحيى وحنين وهي محتضنة صورة ادم
تاني يوم
حياة: ماما انا هاخد حنين الحضانة وباسم هيعدي عليكي ياخد يحيى
دلال: ماشي يابنتي ربنا يحفظكوا
بعد ساعات في عيادة باسم
حياة: دكتور باسم موجود
غادة: ايوة مستني حضرتك
حياة: شكرا انا هدخله
باسم: بتتعمدي تيجي متاخرة علشان تبقى اخر حالة صح
حياة: بالظبط كدة علشان معطلش حد ورايا ولا حد يستناني
باسم: طب تمام انتي عاملة ايه احسن
حياة: تمام دماغي تعباني شوية بس تمام يلا نكمل علشان عايزة امشي علشان حنين
باسم: يلا انا سامعك
حياة: خلصنا إجراءات الدفن والعزا
فلاش باك
دلال: هتفضلي قافلة علي نفسك في اوضتك انتي وبنتك كدة يابنتي بقالك شهر علي الحال ده
حياة: عيزاني اعمل ايه يعني ياماما
دلال: تقومي تشوفي حياتك وشغلك وعلاجك حتى الجلسات بطلتي تروحيها
حياة: فاكرة ادم كان فرحان ازاي لما روحت اعملت اشاعات وطلع نسبة الكانسرعندي بتقل واني شبه خفيت دلوقتي اروح أقوله بعد ما سبتني الكانسر رجعلي تاني اضعاف عن الأول واكمل علاج لية أصلا ما اللي كان مشجعني علي العلاج خلاص سابني
دلال: وبنتك دي مش سبب تكملي علشانها العلاج فكري فيها لو حصلك حاجة انا وابوكي مش باقين العمر كله
حياة: حاضر ياماما هرجع الجلسات بس بشرط
دلال: ايه هو
حياة: تسبيني ارجع اقعد في بيتي
دلال: ولية يابنتي تقعدي لوحدك ما انتي هنا في بيتك
حياة: تعالوا اقعدوا معايا بس انا هكون هناك مرتاحة اكتر علشان خاطري
دلال: حاضر يابنتي اللي يريحك اعمليه
باك
حياة: بقيت شايلة مسئولية الاب والام في وقت واحد بحاول اقنع بنتي بكل الطرق ان ابوها احسن حد في الدنيا وانه بيحبها لما بدات تكبر وتروح الحضانة بقت ترجع تعيط تقولي اشمعنا معنديش بابا زي اصحابي كنت بقنعها انه مسافر علشان يجبلها حاجة كبيرة هي بتحبها بس كنت بشوفها بعد ما اخرج واسبها بتقعد تعيط كنت عاجزة اني املى مكان الاب عندها مكنتش عارفة اعمل ايه ومنكرش مجهود بابا وماما معايا وقفوا جمبي كتير جدا حنين بقت تعشق حاجة اسمها محمد هي اعتبرته ابوها مش جدها بابا ساعدني كتير في كل حاجة تخص حنين يمكن حنين كانت سبب ان علاقتنا تصلح بعد موت ادم
باسم: كانك بتوصفي حالتي مع يحيى بس مكنش معايا حتى اهلي كنت لوحدي في كل حاجة بحاول اعوضه بقدر الإمكان
حياة: ربنا يخليكوا لبعض
باسم بهدوء:حياة هو انا ممكن اخد مكان الاب عند حنين
حياة: بمعنى
باسم بتوتر:يعني يحيى محتاج ام وحنين محتاجة اب لية منكملش حياتنا سوا
حياة: اسفة مقدرش بعد ازنك يا باسم
باسم: طب اقعدي طيب انا اسف
فجأة حياة اغمى عليها
باسم بصراخ: حيااااة
غادة: خير يا دكتور
باسم: اطلبي الإسعاف بسرعة ياغادة
وصلت الإسعاف ونقلوا حياة المستشفى
بعد شوية
