اغمى عليها ادم شالها وفضل يجري بيها ركبها العربية وجري علي اقرب مستشفى
في المستشفى
ادم بصريخ: حد يلحقها بسرعة
الدكتور: خدوها منه بسرعة على اوضة العمليات
ادم: انقذها يادكتور بالله عليك حياة عندها كانسر كمان
الدكتور: متقلقش عليها ان شاء الله تقوم بالسلامة
بعد ساعة ادم واقف قدام اوضة العمليات بيعيط وجمبه محمد ودلال
محمد: وحد الله يابني ان شاء الله هتبقى كويسة
ادم بعياط: انا مقدرش أعيش من غيرها يارب قومهالي بالسلامة
فجأة الممرضة خرجت والكل جري عليها
الممرضة: مدام حياة حالتها صعبة ومحتاجين حد يتبرع بالدم علشان نزفت كتير جدا
ادم: انا انا هتبرع
محمد: لا يا ادم بلاش
ادم: عمي لا ارجوك انا معنديش حاجة اهم منها
الممرضة: طيب تعالى اتفضل معايا بسرعة
خادت ادم علي غرفة نقل الدم
الممرضة: كدة كفاية خادنا من حضرتك كتير هنشوف متبرع تاني
ادم: خدي مني اللي عايزاة كله
الممرضة : ده غلط عليك مينفعش
ادم بعصبية: قولتلك خدي اللي عايزاة يلا بسرعة
بدات تسحب منه دم تاني ونقلته لحياة
بعد شوية صوت جهاز القلب بيصفر الصدمات الكهربائية مش جايبة نتيجة
الدكتور بحزن : البقاء لله
الدكتور بحزن : البقاء لله
دلال بخضة: بنتي
الدكتور: لا لا مدام حياة كويسة هتفوق بعد شوية، أستاذ ادم تعيشوا انتوا
محمد: انت بتقول ايه يادكتور
الدكتور: شد حيلك ياحج بس هو تعب واحنا بننقل منه الدم حاولنا نعمل اللازم بس ده قضاء ربنا
محمد بحزن: ادم كان مصاب بالقلب
الدكتور بعصبية: وازاي محدش يقول حاجة زي كدة ما طبعا مش هيقدر يستحمل كمية الدم اللي خدنها منه ولما سالنها قال معندوش أي امراض
محمد: كان المفروض يعمل ايه يعني ومراته بين الحياة والموت
الدكتور: كنا هنتصرف احنا امال احنا هنا لازمتنا ايه
دلال: هو احنا دلوقتي في خناقوا ده خلينا في المسكينة اللي جوا دي لما تعرف دي ممكن تموت فيها
الممرضة بتوتر : مدام حياة فاقت وطلبت تشوف أستاذ ادم
محمد: هندخلها
في اوضة حياة
دلال: الف مبروك ياحبيبتي بنوتة زي القمر شبهك
محمد: مبروك ياحياة يابنتي
حياة بتعب : ادم فين
دلال بتعيط
محمد: هو بيجيب حاجة وجاي
حياة : ماما بتعيطي لية وادم فين
دلال: لا مبعيطش ده دموع الفرح
حياة: بابا اتصل على ادم وخليه يكلمني
صمت في الاوضة
حياة: بابا انت مسمعتنيش بقولك كلم ادم
محمد مقاطعها: مينفعش ياحياة
حياة بخوف : لية هو زعلان مش عايز يكلمني انا عارفة اني خضيته بس انا كويسة اهو كلمه يابابا علشان خاطري خليه يجي
محمد بهدوء: انتي عارفة ان ربنا بياخد مننا حاجة علشان يعوضنا بحاجة تاني
حياة: يعني ايه
محمد: يعني ربنا زرقك ب بنوتة زي القمر بس.
حياة : بس ايه
محمد بتردد
حياة : ما تكلم يابابا بس ايه
محمد بحزن: ادم تعيشي انتي
حياة: انت بتكدب عليا صح هو قالك تعمل كده علشان يعرف انا بحبه قد ايه صح
محمد: اهدي يابنتي
حياة: قوله يجي يابابا انا بحبه والله محبتش حد قد ما بحبه بلاش الهزار البايخ ده
حياة بزعيق: وانتي ياماما بتعيطي ليه دول بيهزروا معايا مش كده يابابا بالله عليك قولي الحقيقة
محمد: هي دي الحقيقة ياحياة
حياة بصريخ : لا لا انت بتكدب ادم مستحيل يسبني انا هروح اشوفه
محمد: يابنتي اهدي انتي تعبانة ولسه قايمة من العملية
حياة بزعيق: سبوني سبوني اروح اشوفه هو كويس انتو بتضحكوا عليا
محمد: علشان خاطري اهدي ده قضاء ربنا
حياة بدات تصرخ بهسترية
حياة: اطلعوا برا مش عايزة حد اطلعوا برا انا عايزة ادم هو مستحيل يسبني ويسيب بنته اطلعوا برا انتو كدابين برااا
دلال: يابنتي حرام متعمليش كدة
حياة: قولتلكوا اطلعوا برا بقى سبوني في حالي
حياة دخلت في نوبة بكى هتسرية جه الدكتور اداها حقنة مهدئة
الدكتور: هي هتنام دلوقتي من الحقنة ولما تصحى ان شاء الله تبقى كويسة بس حضرتك اتفضل معانا علشان نكمل إجراءات الدفن وخروج مدام حياة
محمد: حاضر
بعد ساعات حياة فاقت
حياة بتعب: اه انا فين
دلال: حمد الله علي السلامة ياحبيبتي
حياة وهي ممسكة براسها: هو ايه اللي حصل دماغي هتنفجر، الله دي بنتي هاتيها ياماما في حضني
دلال: خدي ياحبيبتي بسم الله
حياة: ماشاء الله عسولة اوي
دلال: هتسميها ايه
حياة : حنين هسميها حنين، فجأة حياة بدأت تعيط
حياة: شوفتي ياحنين بيقولوا ايه بيقولوا ان بابا سابنا سابنا من غير حتى ما يشوفك وياخدك في حضنه هو كان نفسه يشوفك اوي قالي انك لما تكبري هيخبيكي من كل الناس علشان محدش يحبك غيره بابا بيحبك اوي ياحنين بس متصدقهمش هما بيقولوا انه سابنا لكن هو مستحيل يسبنا
دخل محمد
حياة بعياط :بابا عايز اشوف ادم علشان خاطري بالله عليك اشوفه حتى لو لاخر مرة ارجوك
محمد: حاضر ياحبيبتي هخدك تشوفيه
دلال: يامحمد مينفعش
محمد: سبيها تعمل اللي هي عايزاة هي مش هترتاح غير كدة، تعالى ياحياة ادي البنوتة لماما
حياة : لا انا هروح بيها سبوها في حضني
محمد: طيب
خدها محمد علي اوضة اللي فيها جثة ادم
حياة وهي ممسكة بيد ادم: حبيبي انا جيت قوم بقى بطل دلع، طب قوم علشان انا تعبانة من غيرك وحياتي عندك قوم، انت مش بترد عليا ليه شوف انا جبت بنتنا حنين مش انت اللي اختارت سمها قولتلي انها هتبقى حنينة زيي قوم شوفها وخدها في حضنك هان عليك تسيبها لوحدها، وانا انا مقدرش أعيش من غيرك رد عليا يا ادم علشان خاطري
بدات تعيط بهستريه
حياة: علشان خاطري قوم انا مش هكمل حياتي من بعدك انت كل حياتي يا ادم قوم علشان نكمل حياتنا سوا ونربي بنتنا، طب قوم وانا هسيبك تحبها اكتر مني ومش هزعل والله ولا هتخانق معاك بس قوملي ارجعلي يا ادم انا من غيرك هموت
محمد: كفاية يابنتي انتي كدة بتعذبي نفسك
حياة: لا يابابا سبني انا مش هقوم سبني ليه عمل كدة ليه ضحى بنفسه علشاني كان يسبني اموت كان اهون من اني اموت وانا لسة عايشة يابابا
محمد: انتي عرفتي ازاي
حياة: سمعت الممرضين بيقولوا، بس هو نقل الدم بيموت يابابا هما اكيد عملوا حاجة غلط
محمد: في حاجة كمان ياحياة
حياة: ايه
محمد: ادم كان مريض قلب
حياة بصدمة: ايه ازاي
