في البيت
محمد: حياة حبيبتي تعالي نكلم شوية
حياة: معلش يابابا انا عايزة انام نكلم بعدين بعد ازنكوا
دخلت حياة لغرفتها دافنه وجهها في الوسادة اخذت تبكي وتبكي لعده ساعات لتنتبه علي صوت رسايل هاتفها لتجدها من ادم اكتر حد بتحبه اخذت تجمع شتات عقلها لترد عليه
ادم:ازيك ياحياة،ينفع نتكلم شوية
حياة في نفسها: عايز يكلمني انا اكيد بحلم ده احنا مش بنكلم غير مرات معدوده صدفة
اخذت تكتب له
حباة: ازيك يا ادم انا تمام الحمد لله، اكيد انا فاضية قولي نتكلم في ايه
ادم : بصراحة من غير لف ولا دوران انا هدخل في الموضوع علي طول
حياة : تمام خير
ادم: انا بحبك ياحياة وعايز اكمل حياتي معاكي
لتقرأ حياة رسالته وكأن دلو مياة انكب عليها من الصدمة
حياة: ازاي وامتى
ادم: صدقيني مش عارف بس انا متاكد ان انتي اللي عايز اكمل معاها حياتي انتي اللي عايز أكون معاها بيت وعيلة انتي اللي هتقفي جمبي دايما وتدعميني في كل وقت انا فعلا بحبك ومش عايز في حياتي حاجة غيرك
اخذت حياة تكتب من بين دموعها : انا عندي كانسر في المخ
ادم : تمام اجي اقابل بابا امتى بقى
حياة : تقابل بابا ايه بقولك عندي كانسر انت مش شايف
ادم: ايه علاقة ده باللي قولته ياحياة يعني انتي فاكرة لما تقوليلي كده هقولك لا خلاص انا اسف مش هكمل او خلاص لا انا مش عايزك غلطانة انا عايزك وشاريكي مهما كانت الظروف ايه انا جمبك وهنعدي كل ده مع بعض
حياة: اسفة يا ادم مقدرش اعمل كده
ادم: حياة علشان خاطري اديني فرصة وحياة اغلى حاجة عندك
حياة لنفسها : انت اغلى حاجة عندي
حياة: ان شاء الله يا ادم انا لازم اقفل
باك✍🏻
باسم: ادم ده اللي انتي بتحبيه صح
حياة: محبتش حد قد ما حبيته ولا هحب كنت بتعذب كل يوم علشان مش قادرة اصارحه بحبي ولا قادرة أتكلم جه هو صارحني في اصعب وقت بمر بيه بس انت عارف انا كنت فعلا محتاجاه في الوقت ده علشان اترمي في حضنه واعيط يمكن هو طوق النجاه اللي ربنا بعتهولي في وقت خلاص كل حاجه اسودت في وشي
باسم:طب وبعدين
حياة: ممكن نكمل بكرة مش قادرة
باسم: ماشي براحتك
حياة: ينفع بكرة نكمل في مكان تاني غير العيادة انا عايزه اخرك مشوار ينفع
باسم: اكيد طبعا ينفع خلاص هاخد بكرة إجازة من العيادة انا أصلا تعبان ومحتاج ارتاح
حياة:طب ما انا كده مش هريحك
باسم: لا بالعكس انا عايز اكمل الحكاية ببقى متحمس
حياة بضحك : اوعى ترجع تقولي منك لله نكدتي عليا
باسم: لا متقلقيش انا جامد
حياة: استحمل بقى يلا سلام
في بيت حياة
حنين تبلغ من العمر أربعة سنوات ذات عيون عسليه وشعر اسود
حنين:جدو هي مامي اتاخرت ليه
محمد: زمانها جايه ياقلب جدو وبعدين مش انتي قاعدة مع جدو خلاص
حياة : انا جيت
حنين وهي تحتضنها: مامي وحشتيني اوي
حياة: وانتي كمان ياقلب مامي، عملتي شقاوة مع جدو وتيتة
حنين: لا انا بسمع الكلام مش بعمل شقاوة
حياة: شطورة ياحبيبتي
دلال: يلا حضرتلكوا الغدا
حياة: لا انا هاخد حنين ونخرج نتفسح شوية ايه رايك ياقلبي
حنين بفرح طفولي: تعيش ماما تعيش
حياة بضحك: طب يلا ياقردة قدامي
داخل احدى المولات التجارية في محل لعب أطفال
حنين: مامي انا عايزة اللعبة دي
حياة: خدي كل اللي نفسك فيه ياحبيبتي
حنين وهي بتبوسها من خدها : انتي احلي مامي في الدنيا
حياة: وانتي احلى بنوته في الدنيا
فضلوا يتمشوا شوية بين المحلات في المول
حياة: ايه رايك نروح ناكل علشان انا جعانة
حنين: وانا كمان يلا بينا
في المطعم
يحيى: بابا بابا شايف البنوتة اللي هناك دي حلوة اوي
باسم: كده عيب يا يحيى مينفعش تقول كده حرام
يحيى : اسف يابابا مش قصدي
بيبص باسم ناحية البنوتة اللي شاور عليها يحيى
باسم: دي حياة
يحيى: مين حياة
باسم: تعالى اعرفك عليها
علي تربيزة حياة
باسم: ايه الصدف السعيدة دي
حياة : اهلا ازيك يادكتور باسم
باسم : لا دكتور ايه احنا أصحاب خلاص هي باسم بس
حياة: حاضر
باسم: دي بنوتك
حياة: اه حنين
باسم: وده يحيى ابني
حياة : مكنتش اعرف انك عندك ولاد
باسم : والله انا كمان محتاج اللي يسمعني
حياة: مش احنا أصحاب انا موجودة اهو
باسم بابتسامة: هنخلص حكايتك واكيد هبقى احكيلك تسمحلنا نقعد معاكوا
حياة : اكيد طبعا اتفضل
حياة: وانت عندك كام سنة يا يحيى
يحيى: عندي عشر سنين
حياة: ربنا يخلهولك
باسم: يارب
يحيى: هو انا ممكن اروح العب انا وحنين
باسم وحياة: ممكن بس خد بالك منها وبراحة
يحيى : حاضر
باسم : مامته ماتت وهي بتولده
حياة بصدمة: ايه
باسم: عايشين انا وهو لوحدنا من عشر سنين بحاول علي قد مقدر اعوضه عن غيابها لكن طبعا مش بقدر ساعات بيقعد يعيط ويقولي انا عايز ماما بس مش بيبقى في ايدي حاجة اعملها باخده في حضني واسكت كنت بحبها اكتر من أي حاجة في الدنيا تعبت كتير علشان اوصلها وتعبنا اكتر لحد ما جبنا يحيى بس هي سبتهولي لوحدي في الاخر يارتها فضلت جمبي الحمل كان صعب عليا اوي من غيرها
حياة بعياط : ربنا يرحمها ويباركلك فيه
باسم: بتعيطي ليه طيب انا اسف
حياة : لا لا انا تمام
باسم :على فكرة الاكل ده غلط عليكي
حياة: عارفة بس عادي يعني لما اكله مرة علشان حنين مش مشكلة
باسم: مينفعش كده تتعبي
حياة: كله يهون علشان حنين، انا هقوم اشوف الولاد
بعد شوية باسم قاعد بيتفرج علي حياة وهي بتلعب مع يحيى وحنين
باسم: مش يلا بقى يا يحيى نمشي
حياة: احنا كمان اتاخرنا قعدت العب معاهم ونسيت الوقت
يحيى وهو بيحضن حياة :هنتقابل تاني صح
حياة : اكيد ياحبيبي أي وقت خلي بابا يجيبك ليا علي طول
باسم: ان شاء الله يلا مع السلامة
في بيت حياة
محمد: كدة تتاخري علي جدو
حنين: معلش ياجدو قعدت العب مع يحيى
محمد: يحيى مين يابنت حياة
حياة بضحك: صديق حنين الجديد ابن دكتور باسم
محمد: اه دكتور باسم ماشي
حياة: هدخل انيم حنين واجي
في اوضة حنين
حنين: مامي هو انا ليه مش عندي بابي زي يحيى
حياة بحزن: هو انا مش كفاية ياحنين
حنين: لا يامامي انا بحبك اوي متزعليش
حياة : طب لو بتحبي مامي يلا نامي زي الشاطرة
بعد شوية
محمد: مالك ياحياة شكلك زعلان ليه
حياة: خايفة
